عندي فلوس .. وابغا استثمرها .. لكن ما عندي لا وقت ولا خبرة .. ايش الحل ؟!
الجواب ببساطة : الصناديق الاستثمارية !!
ايش يعني صناديق استثمارية ؟! وكيف استثمر فيها ؟!
خليك معايا 👇🏻
(الجزء الرابع : هل هدف الصندوق هو نفس الشي اللي أنا أبغاه ؟! 🤔)
#الاستثمار_للجميع
الجواب ببساطة : الصناديق الاستثمارية !!
ايش يعني صناديق استثمارية ؟! وكيف استثمر فيها ؟!
خليك معايا 👇🏻
(الجزء الرابع : هل هدف الصندوق هو نفس الشي اللي أنا أبغاه ؟! 🤔)
#الاستثمار_للجميع
اول شي اذا ما تعرف اش يعني الصناديق الاستثمارية .. شوف الجزء الأول 👇🏻
وإذا حبيت تاخد فكرة أكبر عن المجالات اللي تستثمر فيها الصناديق .. شوف الجزء الثاني 👇🏻
وإذا حبيت تاخد فكرة أكبر عن المجالات اللي تستثمر فيها الصناديق .. شوف الجزء الثاني 👇🏻
بعد كدا أتعلمنا عن أنواع الصناديق، ايش يعني صندوق مفتوح أو مغلق وإيش يعني صندوق عام أو خاص .. في الجزء الثالث 👇🏻
طيب ممتاز جدا .. كدا احنا صار عندنا تصور جيد عن الصناديق الاستثمارية .. اليوم حنفهم شي مرة مهم .. عشان كل واحد مننا حيقدر يختار الصندوق المناسب له 😉
دايما في اي استثمار تحتاج تحدد هدفك منه .. لمن نتكلم عن أهداف الاستثمار .. عندنا هدفين رئيسية .. أي طريقة استثمار في الأخير حتكون واحد منهم .. ركز عشان اشرحلك 🤓
الهدف لأي استثمار : إما الدخل أو النمو .. ودي نقطة مرة مهمة لأي مستثمر إنو يحددها .. تحتاج تختار الصندوق اللي ينفع لهدفك الاستثماري .. خليني أشرحلك ايش الفرق بينهم 😬
صندوق النمو المقصود بيه نمو رأس المال .. يعني يزودلك الفلوس اللي استثمرتها فيه .. استثمرت ١٠ آلاف ريال مثلا اول السنة دي عشان تصير ١٥ ألف بعد ٣ سنين .. بدون أي شي ثاني .. ودي هي فكرة صناديق استثمار النمو 😃
طيب نجي لصناديق الدخل .. طريقة صناديق الدخل لو استثمرت فيها .. حتعطيك كل فترة زمنية يحددها الصندوق (كل شهر، كل ربع سنة، كل نص سنة .. الخ) نسبة معينة من ارباح الاستثمارات اللي سواها الصندوق .. كيف يعني ؟! 🧐
يعني لو استثمرت الـ ١٠ آلا ريال فيها .. وكانت الأرباح ١٠٪ سنويا .. والتوزيع كل ٣ شهور .. يعني حتاخد ٢.٥٪ من مبلغ الاستثمار اللي حطيته انت .. ٢.٥٪ من الـ ١٠ آلاف = ٢٥٠ ريال .. يعني حيعطوك كل ٣ شهور ال ٢٥٠ ريال كاش والـ ١٠ الاف قاعدة عندهم زي ما هي .. وضحت ؟! 😁
هنا حيجي سؤال مهم .. طيب كيف احدد انا ايش ابغا .. يعني نمو ولا دخل ؟! .. مافي شي يحدد لك إلا خطتك المالية الشخصية .. لو مثلا الـ ١٠ الاف دي ما تحتاجها الفترة الجاية لمدة ٣ سنين .. معناها ما عندك مشكلة مع صناديق النمو 😄
في المقابل لو انت محتاج الكاش خلال فترة الاستثمار .. وتحتاج الـ ٢٥٠ ريال دي كل ٣ شهور .. معناها لازم تدخل في صناديق الدخل 🤗
وهنا في ملاحظة كمان انو في صناديق تكون مركزة على هدف واحد فقط (نمو فقط مثلا) لكن في صناديق ثانية تحاول توازن بين الدخل وبين النمو .. تعطيك شوية ارباح كل فترة + قيمة الاستثمار تكبر عندهم .. وبرضوا خطتك الاستثمارية هي اللي تحدد الخيار الأفضل 🏧
في كمان نقطة اضافية نحتاج نقولها هنا .. انو كل ما كان هدف الاستثمار نمو أكثر كل ما دخلنا في مخاطرة أعلى نسبيا .. وكل ما رحنا لصناديق الدخل أكثر .. كل ماكانت خطورة الاستثمار منخفضة نسبيا ⚖️
وهذا الشي ليش مهم نعرفه ؟! .. عشان لو أستثمرت في صندوق نمو مثلا خطورته عالية وخسرت المبلغ كله .. قد ايش حتقدر تعيش بدون المبلغ اللي حطيته .. وتعوض نفسك من مصادر دخل ثانية 💸
خلونا ناخد مثال عملي شوية .. عندنا صناديق شركة دراية المالية @Derayah .. عندها صناديق مختلفة .. واحد من الصناديق اللي مركزين على نمو راس المال هو :
"صندوق دراية المرن للأسهم السعودية " وتفاصيله على الرابط 👇🏻
web.derayah.com
"صندوق دراية المرن للأسهم السعودية " وتفاصيله على الرابط 👇🏻
web.derayah.com
طيب كيف عرفنا انو مركز على النمو .. اذا فتحنا الموقع تبع الصندوق .. في الشرح حنلاقي مكتوب : "يهدف الصندوق إلى تنمية رأس المال على المدى الطويل" ودا معناها ما حيوزع اي ارباح .. الفكرة بعد فترة حتلاقي قيمة الصندوق ارتفعت .. تقوم تبيع حصتك فيه بمبلغ أعلى 🧠
في المقابل خلينا نشوف صندوق ثاني لشركة دراية برضو .. صندوق دراية ريت .. وهذا صندوق عقاري يهدف للتوزيعات بشكل رئيسي .. ارباح العقارات اللي يستثمر فيها يوزعها بشكل ربعي (ربع سنة = كل ٣ شهور) .. تفاصيله في الرابط 👇🏻
web.derayah.com
web.derayah.com
حنلاحظ كيف انو صندوق دراية ريت مركز على التوزيعات .. على عكس الصندوق الاول الخاص بالأسهم 😅
ناخد استراحة خلاص 😆 .. اليوم فهمنا أهم فرق بين الصناديق الاستثمارية .. وهو هدف الصندوق .. وحنقدر نختار الصندوق اللي يناسب هدفنا الاستثماري
باقيلنا نعرف نختار بشكل عملي الصندوق اللي أداءه يكون كويس .. وايش التكاليف اللي علينا عشان ندخل فيه .. وكيف ندخل بالزبطت .. في التغريدات القادمة ان شا الله 🙏🏻
جاري تحميل الاقتراحات...