طب أنا رحت فرنسا ٣ مرات. مرة تلات اسابيع، ومرتين يوم كل مرة. وحابب احكي جزء من العنصرية اللي اتعرضتله في فرنسا في خلال اقل من عشرين يوم قضيتهم في فرنسا فانا مش متخيل لو اتربيت وعشت هناك هبقى عامل ازاي
. ١-فرنسا مينفعش اتكلم فيها فرنساوي. سيبك من كل الكدب بتاع الفرنسيين مش هيحترموك غير لو بتتكلم لغتهم. لو شكلك عربي، وبتعرف تتكلم فرنساوي وانجليزي في فرنسا، اتكلم انجليزي لأن الفرنساوي بيخليهك يفترض انك مهاجر مغربي، جزائري، تونسي، وهيتعنصروا عليك. بينما الانجليزي هيخليهم يحترموك.
كل المرات اللي اتكلمت فيها فرنساوي مع الناس كنت بتعامل معاملك قذرة فعلا. خصوصا اني مش بمارس الفرنساوي غير مرة كل كذا سنة، فبالضرورة الفرنساوي بتاعي مكسر. مرة مثلا، كنت ماشي كأي سايح عادي في منطقة مونتمارتر بس كان الوقت متأخر، لقيت قهوة/ مطعم فاتح، دخلت طلبت، وكان جنبي مجموعة شباب
وانا مكنتش عارف امشي في أي اتجاه بعد ما اخلص اكل، فسألت الشخص اللي قاعد جنبي سؤال. رد عليا رد مالوش معالم كدا ولقيت اصحابه بيضحكوا وانا مفهمتش. لقيته بيقوللي انت من فين مغربي؟ فبقولله لا مصري. فراخ سائلني ايه دا وبتعمل ايه هنا؟ بقولله سايح. لقيت فجأة معاملته اتغيرت وبيقوللي
بيقللي معلش كنت فكرك مهاجر مغربي. فمفهمتش كمية الصفاقة اللي في الرد، ولقيته بيكمل وبيقوللي: انا واصحابي كنا لسة بنتناقش هل العربي، وهل الاسود ممكن يكون فرنسي؟ ووصلنا ان الاسود ممكن يكون فرنسي، لكن العربي عمره ما ينفع يكون فرنسي. فانا قررت اسمع بدل ما اتخانق، فسألته ازاي؟
فلقيته بيقوللي، اصل الاسود مالوش ثقافة واضحة(!) فلما بييجي فرنسا بيتخول لفرنسي، طبعا هنا بتكلم عن السود غير المسلمين. لكن السود المسلمين مينفعش يبقوا فرنسيين لحد ما يتخلوا عن اسلامهم. الاسلام دين العرب ويتنافى مع القيم الفرنسية. اما العربي، فكل شيء فيه يتنافى مع القيم الفرنسية!
دينه، طريقة حياته كل شيء. الكريقة الوحيدة ان العربي ممكن يكون فرنسي هي انه يعلن تخليه الكامل عن الاسلام وعدم فخره بأصله العربي وتمسكه بقيم ال (République). غير كدا، انا حفترض دايما انه عربي مش فرنسي. فبرغم اني مكنتش عايز اتخانق قلتله على فكرة انا عربي. مش فاهم انت بتتكلم ازاي كدا
قاللي اه بس انت سايح مش بتحاول عي انك فرنسي. وبعدين طريقتك في الكلام مش عربية. طريقتك متحضرة! قلتله لا انا بس عشان مش بعرف اشتم بالفرنساوي انت فاكرني بتتكلم بطريقة محترمة. لقيته خد الموضوع بهزتر، مع اني مكنتش بهزر. قفلت كلام معاهم وسبت المحل ومشيت.
مرة تانية كنت داخل قهوة. واول ما قعدت لقيت السبرفر بيقوللي على فكرة انت لازم تطلب اكل وفي مينيمم. ومعملش الحركة دي مع اي حد (ابيض) تاني داخل. فمفهمتش وقت ممكن اكون انا الغلطان ومش فاهم. قلتله ماشي وطلبت اكل. بطلب معاه مية لقيته بيقوللي مطلبتش ليه مية من الاول.
قلتله معلش نسيت وافترضت انك هتنزل مية مع الاكل كدا كدا. كان بيحاسبني ساعتها (قبل اي حد تاني غي المكان). قاللي بص انت قاعد برة، وممنوع انزل مية برة. وراح واخد الحساب وماشي ومبصليش تاني.
راح اللي قاعد في الترابيزة اللي جنبي(فرنسي) قالله لو سمحت عايز مية! قالله حاضر وراح منزله مية. لقيت الواد اللي جنبي راح قايم ومديني المية، وراح قايلي "il est raciste". وانا بتفرج ومش مصدق كمية الاهانة فعلا! ورحت شاتم السيرفر وقايم من غير ما اكمل اكل
دول حدثين فقط من كتير اتعرضتلهم في فرنسا (كسايح) قعد هناك اقل من ٢٠ يوم في حياته. فانا غالبا لو اتربيت في فرنسا كنت هتمسك بأي ايديولوجيا تخليني اتحول لإرهابي بيكره المجتمع المحيط بيه وعايز ينتقم منه طول الوقت. وكنت في كل مظاهرة هنزل اكسر واحرق كل ما يتعلق بكس ام الRupublique
فرنسا بتطلع كل يومين تقوللنا الإسلام يعيش أزمة. ودا ممكن يكون صحيح. لكن عمرهم ما بيناقشوا فكرة ان (الجمهورية) بتعيش أزمة من ساعة ميلادها الدموي اسمها رفض أي نوع من الاختلاف داخل أراضيها. والتحكم الشمولي في هويات الناس ومعتقداتهم
جاري تحميل الاقتراحات...