ثريد عن الاكتئاب اللي عانيت منه ومحاولتي للأنتحار مرتين
في البدايه انا بنت جدا لطيفه ومعرف ازعل من احد ولا احب اتدخل بحياة الناس في سنة 2016 كان لي بنت عم تكلم شباب كثير وكنت كل ما اجلس معاها تسولف بس عنهم وفي يوم قالت شرايك تكلمين هالولد انا رفضت بحكم ما احب هلأشياء وش ابي فيه وجلست تصر علي
وبعد اصرارها وبحكم اني جاهلها وكنت في مرحلة طفوله عمري وقتها ١٥ وافقت وكلمته وصارت بيننا علاقه وكملنا اكثر من شهر سوا
يعلم الله اني صدقة كل كلمه وكل شعور لكن بعد هالمشاعر والاستغلال طلعت شخصيته الحقيقيه طلع قرفه وطلباته المقرفه وتركني بسبب اني رفضت اني اسوي له اللي يبي وبعدها تعبت
مو لانه راح لا ابد لاني خذلت وما كان في احد بحياتي اقدر اروح واقوله اللي صار ماكان فيه احد يطبطب لي كرهة الحياه
و بعد اسبوع وانا احاول انساه انقفطت بنت عمي ورمت وصخها علي وصارت مشكله بين العيلتين هنا انا دخلت بحالة صدمه وبدت مرحلة الاكتئاب كنت دائما اقفل علي غرفتي قطعت علاقاتي مع صديقاتي كلهم حتى بالمدرسه كنت من العشره الاوال وانخسف مستواي
قررت انتحر سألت الرحمن ان يغفر لي فعلتي ما باليد حيله مقدرت خفت .. وقلت لنفسي وقتها بعطي الحياه فرصه وجاء اليوم اللي بعده كنت لوحدي دائما باخر الفصل ارسم واكتب اللي بقلبي
جات وحده وسحبت الدفتر مني وجلست تقرأ بصوت عالي وكان مكتوب انا اكرهه نفسي وقالت هالكلمه بصوت اعلى واعلى وكررتها وقالت من حق وحده نفسيه زيك تكرهه نفسها وانا بلا شعور هجمت عليها ما حسيت بنفسي الا انا مغمى علي
وتعرضت لتنمر بعد هالمضاربه وكان للبنت صديقات كثير ويأذوني ونادوا امهاتنا وليومكم مستحيل اسامحها وحاولت انتحر للمرا الثانيه
لكن جاني شعور الخوف تعبت من الحياه والخذلان تعبت من ناس تأذيني وانا ما سويت لها شيء تعبت انصدم ورحت صليت دخلت بابا عليه وهو معاه هالبسة تراجعت عن قراري حسيت ان بعد خليني اعطي لنفسي فرصه
وبعد ثمنيه شهور رجعت لنفسي رجعت انا نفس اول واحسن بكثير وافضل الحمدالله
وتحسبون تعلمت من غلطتي لا حبيت واحد ثاني وسبنا بعض قبل نص ساعه بالضبط لكن احس بشيء غريب مو حزن ابدا ولا مستاءه احس الشعور عادي انا جدا سعيده من نفسي لاني اقدر اتخطى البشر في نص ساعه وهو الخسران وخرب على نفسه وماهمني الحياه مليانه وابرك الساعات فرقاه
نصيحتي مهما انخذلتو صح راح تتعبون وتزعلون وتشتاقون لكن والله العظيم لو في احد بيموت من فراق احد كان الناس كلها ماتت خلو عندكم ايمان وامل ان ربي يعطي الاحسن اذا اخذ منكم احد .. وشكرا
جاري تحميل الاقتراحات...