انا لو كتبت اللي شفته من "شرفاء الثورة" والشباب الطاهر اياه من اول ٢٥ يناير لغاية بعد كدة كفى جدا باللي كان زيي لو بيفكر يعرف انه كان مضحوك عليه، وكل يوم باتأكد اني دلوقتي الامور بالنسبة لي اوضح واصح كتير بنسبة كبيرة، اكيد قابل للنقاش والتغيير، بس فيه حاجات خلاص مافيهاش نقاش
الخلاصة اللي اكتشفتها: اللي بيحركوك مستنيين منك السمع والطاعة ولا اراء و لا افكار ولا اي حاجة، انت استخدامك للتجارة بس، ولو الفايدة انهم يقتلوك هيقتلوك بلا تردد، من اول الاخوان لغاية النشطاء اليساريين بتوع النسوان والخمرة
والمشكلة ان كلهم بلا استثناء بيأتمروا بأمر الاجانب و مستنيين امريكا تنصرهم و بيتخانقو على الدعم الامريكاني الجميل و بيعاملو الامريكان كأنهم الهة و بيتخانقو على ممثلي المنظمات و عايزين يصاحبوهم زي الخرتية عند المتحف كدة عشان يقلبوهم ف قرشين
و فيه النوع التاني بتاع الاضوءا والشهرة، ده بقى عايز يصاحب كل الاعلاميين و يطلع ف كل البرامج و يشقط نسوان على حس الكلام ده، كان بيقعد مع كل رجال الاعمال عشان هيعملهم حزب و يكسبو الانتخابات بشهرته العظيمة و طبعا كل ده كان بلح بعد ما ضرب القرشين و اكتشف ان مالوش اي تأثير عالارض
و فيه النوع التالت بتاع الفلوس، و ده اقصى امله واحد من رجال الاعمال دول يقلبه ف قرشين ولو معاه نجليزي هيجري يشوف منظمة او جريدة او موقع يدفعله فلوس عشان هو "في قلب الحدث" و بيصور كل حاجة بموبايله و طبعا ولا بيروح مظاهرات ولا نيلة بيبعت ناس تصورله وهو قاعد عالقهوة اساسا
كل دول بقى بلا استثناء مش شايفين ابعد من القرشين اللي هيعملوهم، او المنصب اللي هيحصلو عليه، و كل كلامهم عن حل مشاكل البلد و المظريات العظيمة دي مالهاش اي تطبيق غير ف قعداتهم اللي بيقعدوها عشان يبيعو البيعة و في الحقيقة كل ده غطاء
عشان اللي بيعمل بجد يعرف يشتغل تحت ستار الدخان ده وهو طبعا الاخوان، ايام مبارك كان فيه اتنين بس يعرفو يكسبو انتخابات الاخوان و الحزب الوطني واي ضرب ف واحد معناه ان التاني هيكسب فورا و بلا ابطاء
شغلانة بقى النشطاء دول انهم يعملو ستار الدخان ده وياخدوا الفلوس والشهرة اللي عايزينها والمقابل بسيط، سوقو الناس دي عشان تنتخب مرشحنا و احنا كدة كدة هنكسبه بطريقتنا، بس ودوهم عشان يبان انه جاي باختيار الشعب، و طبعا تطلع بقى الطرق اياها للعب ف الانتخابات
من اول خرق الصمت الانتخابي للاستمارة الدوارة لطبع الورق اصلا من المطابع الاميرية زي ما عملو مع مرسي عشان مرشحهم يكتسح، و طبعا تعطيل التاس اللي جاية تصوت للمنافس وافتعال المشاكل ف الدواير اللي مش هيكسبوها و ده كان سهل جدا ساعتها
ف من الاخر ولا كانت ديموقراطية ولا نظام سياسي، شوية جهلة تافهين جعانين عاملين بيلعبو سياسة والمعلم الوسخ الكبير بيسلك الاصوات عشان يمشي اللعبة على مزاجه
اي واحد/وتحدة بقى تخيل ان ليه صوت وانه مواطن لذوذ هينزل ينتخب فلان بارادته الحرة كان متساق زي النعجة من السوشيال ميديا واصحابه عشان ينجح حد معين متخطط انه ينجح اساسا، ديكور، منظر كدة جميل، فازة فيها ورد على بحر الخرا ده، لكن ماكانش فيه لا سياسة ولا يحزنون
كانو شوية سذج سايقينهم شوية جهلة متباعين بالفلوس عشان يخدمو على اهداف شيطان رجيم هدفه الدمار والخراب بس، الكلام ده شفته بعيني و اتعاملت مع ناس كتير هنا شافوه معايا كمان، ولما ابتديت اسأل فجأة اتقال سكسك بقى معرص و بيقبض من الدولة،
ودي طريقة تانية، الاغتيال المعنوي، لو حد قرر من الناس اللي مفروض انها فازة دي يسأل و ينقلب علينا نعمل ايه؟ نبدأ نلبسه تهم بقى، ده بيقبض، ده عمل كذا، ده متحرش، ده بياكل عيال صغيرة، اي حاجة عشان بس ادمر مصداقيته واغتاله معنويا عشان ماحدش يسمعه، stigma من ابشع الانواع
و ده طبعا سبب مهم ليه لما اكاونتي اتقفل كان فيه ناس كتير جدا مباركيين و غيره فرحانين، عشان بشكل عام انا ضد النصب و لعب السياسة الوسخ وماليش فيها اساسا، وده بيضايقهم، بيخليهم يحسوا انه صعب السيطرة عليا وتعليمي على اني في جانب حد منهم، وده حقيقي
لاني فعلا مش مستني حاجة من حد و لا عمري جريت ورا لا فلوس ولا شهرة و لا اي حاجة بالذات لما اعمل حاجة للبلد، وماعملتش ولا هاعمل حاجة للبلد بمقابل عشان عيب، او عالاقل ده اللي اتعلمته
واخيرا وليس اخرا، دول كانو شوية فضفضة لعشر سنين عشتهم و كنت شاهد فيهم على بلاوي من جميع الاطراف، و سبحان الله دايما بتلاقيني ف وسط الاحداث ماعرفش ازاي وليه يا مؤمن، من قبل ٢٥ يناير ولغاية دلوقتي، والله اعلم ليه، بس اهي حكمة ربنا عشان اشوف واتعلم بنفسي
ف لما تيجي تشأل موقفي ليه عامل كدة دلوقتي، اعرف اني ماسمعتش من حد ولا حد ضحك عليا، انا شفت بنفسي كل حاجة و كنت ف الطرف ده والطرف ده و سمعت اللي مابيتقالش قدام الكاميرات وعالشاشة، و عرفت اللي ف المعتاد ماحدش بيقوله بعيد عن كل اللي بيحصل هنا، ف معلش، ده موقف صلب جدا
ومش جاي من فراغ و صعب جدا ان حد يشككني فيه او يغيره بسهولة او ف يوم و ليلة، والله على ما اقول شهيد
جاري تحميل الاقتراحات...