بتكلم عن موضوع جالس أعيشه حالياً واكتشفت اني أعيشه سنين وانا مو حاس اللي هو مسألة ال(self image) او الصورة الذاتية
انا منذ الطفولة معروف إني الطفل كثير الأكل أو (البطيني) وهالشي خلاني (ما عرفت اترجم خلاني) من كثر التعليقات دائما اشوف نفسي متين ومشكك في صورتي الذاتية

الآن انا وصلت لأكبر وصلته في حياتي وقربت الXL خلاص والوزن قرب ثلاث أرقام وهالتعليقات كاثرة مؤخرا لكن مو هذي النقطة اللي ابي اتكلم عنها
اللي ابي اتكلم عنه ان ذكريات سناب شات ارسلت لي صور من ٤ سنوات ووقتها كنت في أنحف مراحل حياتي بل وصلت وقتها للوزن المثالي لطولي (٦٧ -٧٢) كيلو

والصور هذي خلتني استوعب ان حتى وقتها كانت الصورة الذاتية عن نفسي هي نفسها حتى وقتها كنت أشوف نفسي الفتى السمين ومشكك في مظهري اللي خلاني استوعب انها زي البذرة تنزرع وصعب تطلع حتى لو ما كانت واقع وحتى لو وزنك مثالي!

اللي ابي اقوله انتبهوا للي تزرعونه في نفسيات ناس حولكم
انا وعيت لنفسي ولصحتي النفسية وحطيتها قدامي مع ذلك مثل هالأمور معاناة تعيش معاك وممكن ما تستوعبها حتى
أمور مثل هذي قد تكسر ناس حولك
كونو أيجابيين أكثر في الحياة وانتبهو لكلماتكم واللي تزرعونه حولكم في عقد تنزرع ما تطلع