أحكيلكم على سانت كاترين ياشعب ..
أول مرة أطلع جبل موسى ونخلي التعليق عالحتة دي فالآخر .
سانت كاترين بالنسبالي كانت الهايكنج وياسلام بقى لوقاعدين في خيمة شعر وبنتنقل فالوديان ونطلع وننزل وكانت هي دي السعادة بجد
أول مرة أطلع جبل موسى ونخلي التعليق عالحتة دي فالآخر .
سانت كاترين بالنسبالي كانت الهايكنج وياسلام بقى لوقاعدين في خيمة شعر وبنتنقل فالوديان ونطلع وننزل وكانت هي دي السعادة بجد
كنت دايما عارفة إن سانت كاترين مكان له قدسية وسيدنا موسى ناجى ربه هناك وتجلى الله في الوادي المقدس هناك بس لسبب لا أعلمه عمري ما اديت أهمية أوي للموضوع مش عارفة ليه بس جايز لإن عموما عندنا نوع استخفاف غير مفهوم بكل ثرواتنا الأثرية والروحية كجزء من الاستخفاف العام ☹️
لغاية ماربنا أكرمني وعرفت فرقة الحضرة وبدأت أطلع معاهم رحلات روحية لأماكن لها قدسية ومعاهم ذقت طعم جديد للوصال مع الله ومع حلاوة وقيمة بلدنا
مش قادرة أصدق ازاي مكان زي ده "المكان الوحيد فالأرض ال ربنا تجلى فيه" ومع كده مانلاقيش المصريين مهتمين يجروا يزوروه !!!
ازاي بجد ؟؟
ازاي بجد ؟؟
من أول ماتوصل هناك وأنت منتبه بقلبك أنه الوادي المقدس طوى بتحصلك حالة غريبة من السكينة 💚 حالة صمت بعيدة عن كل صخب تسمحلك باللجوء لله بقلبك لو كان ده مرادك
طبعا وجود الفرقة معانا بالمديح والذكر المستمر بيزود حالة الوصال وبيحطك في خلوة مستمرة مع الله بطريقة كدهجايز مش عارفة أوصفها بس أتمنى أن كل حد يدوقها
تخيلوا مثلا الشجرة المباركة موجودة فالدير ولسة خضرا من أيام سيدنا موسى وبئر المياة موجود 💚 دي حاجات مش متكررة والمفروض نلاقي كل المؤمنين من التلات ديانات من الأرض كلها جايين متهافتين عالزيارة
البقرة إياها محفورة فالجبل وواضح إنها قديمة. ده غير بقى جبل المناجاة ال تصدع واضح إنه مختلف عن بقية الجبال حواليه. يعني بجميع المقاييس مكان مقدس يابخت ال يزوره
على الجانب الإنساني بقى الوضع يحزن 💔 والكلام ده من بق الناس هناك. مافيش سياحة طبعا بسبب كورونا وهم من زمان اعتمدوا عالسياحة بس وأهملوا الحرف فطبعا حالتهم تقطع القلب
للأسف برضو مستوى الأوتيلات غير مشجع للناس ال متعودة على مستوى رفاهية معين. المتعودين عالكامبينج والحياة البسيطة ماعندهمش مشكلة
نيجي بقى لطلوع الجبل. تجربة عظيمة وروحية جدا عيبها الوحيد إنها مرهقة وأتمنى إن أي حد طالع يحاول مايشيلش حاجة خالص اكتر من ازازة مية وجاكتة تقيلة والباقي الاستراحات بتقدمه فالطريق لإن الطلوع بشيلة تقيلة صعب
طبعا من عظيم فضل الله إننا لمانطلع يكون معانا ناس موصولة ومنورة كده 💚 ربنا وعدكم بزيارة الوادي المقدس. واتمنى أي حد يتحمس يحاول فعلا يروح لإن الاستفادة الروحية عالية والناس هناك حقيقي محتاجة دعم
جاري تحميل الاقتراحات...