sumaia ☁️
sumaia ☁️

@sumaia_alasfour

8 تغريدة 45 قراءة Oct 11, 2020
ماهو ضابط التواصل اليومي بين #الشباب في مساحات العمل ؟!
الوجود في نفس مكان العمل بشكل يومي أحياناً يؤثر سلباً على طبيعة #التواصل والعلاقات بين الأفراد .. ممكن بدون انتباه للسلوك والتفاعل وردات الفعل ، فجأة الميانة تطيح تحت بند (بكون على طبيعتي)
يقعد / تقعد قعدة على راحته/ا بشكل مو مو مرتب كلش أو رسمي لو نتفة ..
يدخل / تدخل المكتب للسلام وتبدي الأسئلة التفصيلية الأخبار والصحة والأهل والأصدقاء ويمكن حتى عن الpost أو التويتة او الstory وصولاً إلى التعليق على اللبس والعطر اللي على الملابس والبخور !
الضحك بصوت عالي كذلك من السلوكيات بالنسبة لي مو أنيقة كلش ولا من الأدب .. وممكن تنوجد بغياب الضابط !
سؤال الريوق القهوة الغدا الحلو ، بنطلب أكلت/ي مشتهي/ة الطبق ، المطعم ، أصبلك/ج شاي قهوة عصير الخ .. مالهم لزمة !
ماراح تطلعون بخلاء او نحيسين اذا ماسويتو هالشي 🙈!
حتى وإن كان الإجتماع على #مشروع مثلاً ..
#ضابط التواصل في المكان نفسه (المساحة ، الغرفة : حجمها قعدة الكراسي ، الطاولة، موقعك/ج فيها ، مسافة القرب من الآخر ، الباب مفتوح اذا بس شخصين ... الخ من التفاصيل) وايد مهمة !
التواصل في التلفون
( التوقيت ،الاستئذان، الموضوع نفسه ، والمدة ، طريقة الحوار )
#لا ترضون على نفسكم تطيح الميانة
وإلا راح يصير الوضع سوالف وبعدين صديقي وصديقتي ، اختي اخوي و و و 😅
ما أفترض إن واحد من الطرفين راح يغلط أو إنه شخص مو زين،لكن في سياقات اجتماعية قيمية #شرعية بدت تختفي بسبب #عدم الإنتباه والحرص على التفاصيل وطبيعة التواصل والعلاقات بالعمل ..
مع الوقت قاعد تزيد سلوكيات الميانة والأريحية بدون لا تحسون وتبيحونها وتصير عادي ومألوفة وطبيعية !
ترى(الزود نقص)
شوي التزام بالقيم،وحدود وضوابط واضحة توصلنا للإحترام الجميل،مافيها شي ننوجد ونتواصل ونشتغل لكن في إطار #رسمي #لطيف راقي ! لا تبيحون لنفسكم كل شي أصلاً مو ذرابة🙈
الضوابط أحنا نحطها لأنفسنا وندرب نفسنا عليها كخُلق و #قيمة وأدبيات عمل مهما كانت طبيعته وأشخاصه وعلاقتنا فيهم ..
الضوابط تعطي هيبة ووزن ورزانة وثقل والكل يحطلك/ج ألف حساب 💡👍🏻
الضوابط تخلي طبيعة التواصل #مهنية أكثر 🎯
جربوها 🎯

جاري تحميل الاقتراحات...