أنا بنت مو بذاك الكمال عشان محد يتمنى يكون- أنا- ،وحده الله يعلم بتقصيري والله يغفرلي إياه،لكن بحكيلكم موقف لطيف تذكرته بخصوص ضرورة تقديم الصلاة فوق المشاغل مهما كانت هامة:
كان بيوم من الأيام عندي محاضرة على وقت صلاة الظهر بالضبط،و استاذة هالمادة الله يعفو عنها ويرضى عنها شديدة نوعًا ما ،وخلونا نلتمس لها العذر ،لأن ما ندري عن أسباب غضب الإنسان أحيانًا تجاه شي معين، كلن له عذره مهما كان الأمر مؤذي لنا، لأن فطرة الإنسان "المسلم" تبقى حنونة و لينة..
المهم هالأستاذة كانت مستحيل تدخل بنت بعدها،يعني لو طقيتِ الباب واستأذنتي عشان تدخلين بيطيح وجهك و كل اللي بالكلاس بيشهدون الأحراج اللي بيوضح على وجهك، فغالبًا البنات إذا تأخروا ما يدخلون عشان ما ينحرجون قدام أكثر من ٥٠ طالبة..فكانوا صديقاتي يقنعوني ما أدخل لأني-حساسة-وشوي بكاية🌚
وأنا يومها صليت الظهر مع راتبتها بعد يعني الوقت حيل فات كثير عن المحاضرة، ويقعنوني ما ادخل قلت لهم معليه خلوني أدخل يمكن هالمرة غير، ودخلت وأنا حاسة أن خلاص بنكرش وبتفشل طبعًا لكن لا..
لكن الصدمة أنها أبتسمت لي رغمًا أن حتى اسمي ما تعرفه وجديدة على وجهي وماكان عندها علم مثبت أن تأخيري كان عشان -الصلاة- وقالت تفضلي ادخلي والبنات كلهم متعجبات شلون كذا! كم صارلها تدرس ولا عمرها دخلت بنت وراها! عبالهم تعرفني أو تقرب لي، لكن سبحانه اللي بيده القلوب وسخر لي قلبها..
من يومها وأنا ما أقدم شي على الصلاة مهما كان مهم لي أو مهما كان يخوفني تركه وتأخيره، لأن الله اللي بيده كل شي ولما نقدم طاعته على اشغالنا بقدرته التي وسعت كل شي بيهونها علينا ويسخرها لنا مثل ما نحب وأكثر ❤️❤️❤️❤️❤️❤️
وش ما كان عندكم وينتظركم لا تقدمونه على الصلاة لا تقدمونه أبدًا، الصلاة قبل كل شي❤️❤️❤️❤️
من يأذن فزوا وصلوا وكل شي ملحوق عليه وكل شي بيفنى بيوم مهما بلغت أهميته عندكم بيزول ،الأقبال على الصلاة بحُب مهم مهم مهم وأثره على القلب ما يوصفه كلام..الله يثبتنا ويقوينا على طاعته💘
من يأذن فزوا وصلوا وكل شي ملحوق عليه وكل شي بيفنى بيوم مهما بلغت أهميته عندكم بيزول ،الأقبال على الصلاة بحُب مهم مهم مهم وأثره على القلب ما يوصفه كلام..الله يثبتنا ويقوينا على طاعته💘
جاري تحميل الاقتراحات...