رتبها

اهداء إلى النبلاء من شعب مصر
و اخص بالإهداء
الاستاذ الدكتور/عبدالفتاح خليل @FattahDra
وسيادةالمستشار #التهامى @AlTohamy66
الرد على #قادرون
بعد فشل دعوات المُمَول محمد على مكنش ينفع سماء القاهرة السيبرانية تبقى خالية من المتثورين تمويليا فطلع علينا
👇🏼👇🏼-١تابع

جماعة متثورون اللى اطلقو على نفسهم"قادرون"
من خارج البلاد ببيانهم التأسيسي ابو ١٣بند
اصلها مش صدفة يعنى ان بعد كشف فضيحة محمد على،تهبطو على المصريين بفيديو مجمعين بعض فيه وتنزلو فوق دماغنا بطلبات تنسبوها للمصريين
وكل واحد وواحدة فيكم منزلش مصر من سنين بسبب الملاحقات الأمنية
-٢👇🏼

انا هرد على بيانكم من #مصر
انا مين؟
واحد من شعب مصر اللى مفوضكوش تتكلمو باسمه من برة مصر، واحد من الملايين اللى بتدعو انكو نازلين تحرروها مع ان انا لا مسجون و لا متأيد، انا لا ممنوع من السفر و لا محظور من دخول بلدى.
قولتو فى بيانكم ان مبادئ التغيير اللى اعلن عنها
-٣تابع

المفكر اليسارى المصرى الشهير #أمين_المهدى هى الإطار الحاكم لكم
واللى اعلن عنها "رضى الله عنه واخذكم" على موقعه بالسوشيال ميديا فى ديسمبر 2019
طيب بالنسبة للسواد الأعظم من المصريين الأستاذ أمين المهدى شخص خيالى بمعنى محدش برة دايرتكم يعرف مين أمين المهدى ،ابسطها اكتر معلش:
-٤👇🏼

اليساريين من اكتر من 40 سنة كانو على أقصى اليسار المنحرف او المنحدر الى الهاوية معلش ابسطها أكتر:
التيار اليسارى من اواخر السبعينات والى يومنا هذا مالوش وجود تقريبا على الساحة السياسية او حتى الثقافية الا فيما ندر دا لو اعتبرنا ان حزب التجمد قصدى التجمع يمثل اليسار بمصر
-٥تابع

بالتالى لا المصريين يعرفو #امين_المهدى ولا السياسين انفسهم يعرفوه عشان حضراتكم تجيبوه من ارشيف المفكرين و تستلهمو من فكره اطار حاكم لحركتكم اللى عايزين تغيرو بيها #مصر و نظامها الحاكم
كدة اول عامود فى البيان واقع والمفروض البيان اللى بيأسس لحركتكم يقع فوق دماغ اللى اسسوه
-٦تابع

بس همشي معاكو للأخر
يا شعب مصر طول بالك هجيبلك حقك
ونخش على الحد الأدنى لأهداف السادة حركة #قادرون:
1- إسقاط جمهورية الإقطاع العسكري المركزية،بداية بإسقاط نظام السيسي والذي لن يكون أمامه سوى الخيار السوري في مواجهة أي احتجاجات قوية،وهو ما سبق أن صرح به #السيسي بمنتهى الصلف
-٧👇🏼

بما يؤكد أن النظام العسكري لا يقيم وزنًا لقيم الاجتماع الإنساني والأخلاقي.
دا اول طلب✋
إسقاط جمهورية "الإقطاع" مش الإقطاع دى كانت ايام ثورة يوليو 1952 كانت ايام الباشاوات و السرايا و الحاجات دى انتو فتشتو فى دفاتركو ملقيتوش كلام يتناسب مع المرحلة رجعتو للملكية !!
-٨

لا لا هما عايزين يسقطو الاقطاع العسكرى المتمثل اولا فى نظام #السيسي و شايفين انهم لو طلعو من الضواحى و القرى ذى مسار الثورة السورية ما خرجت من المدن البعيدة عن العاصمة هيعملو ارهاق لقوات السيسي و هيقوم بضربهم بنفس الوحشية اللى استعملها #بشار_الأسد فى مواجهة الثوار
-٩تابع

و بالتالى يحصل دم كتير و متاجرة كتير و تصوير كتير و لقطات بالهبل تملا النت و الفضائيات و بكدة تنجح حركتهم ذى ما نجحت #الثورة_السورية المبهرة.
سؤال خبيث معلش؟ هو عشان كدة الفيديوهات بتاعة #محمد_على كانت بتطلع من الضواحى و المحافظات مش من العاصمة؟!
لا بجد شغل عالى
-١٠تابع

وخطة مرسومة بدقة شابوه يا ولاد. انتو بتسمعو كلام عمو بحذافيره و هيزود الدولارات
2- المحافظة على مدنية وسلمية التحرك؛ فالمقاومة السلمية والنضال المدني هي أسلحة قوية لحصار كل نوايا لافتعال العنف واستدراج المجتمع إلى اتون الحرب الأهلية.
دا الطلب التانى✋
استحمل يا شعب
-١١تابع

اتون دا مش كان اله عند الفراعنة باين .... انتو كمان بتستلفو من الفراعنة ؟
الإفلاس وصل بيكم لحد قدماء المصريين!! ليه كدة يا ولاد ؟
عموما هعديها
طبعا انتو عايزين تحافظو على السلمية عشان تقنعو الجمهور ببرائتكم من ناحية ومن الناحية التانية ينزل المجرمين فى وسطيكم و تقولو
-١٢تابع

مالناش دعوة دا كان في مندسين و طرف تالت و الشغلانة اياها
والجزيرة تحلل
ومقملين تنوح
والسي ان ان تعمل عداد على شريط الأخبار مع البنط العريض الأحمر
Egypt: Breaking News
و هاتك يا عد فى جثث ومصابين وفى الأخر الأمن المصرى بيضرب المتظاهرين العزل الأبرياء ..لازم نسقط النظام بقى
-١٣👇🏼

3- تأسيس دولة مدنية ديمقراطية ذات دستور تعاقدي مع الأفراد،وليس الأسرة ولا الجماعات ولا الأيدلوجيات، وأن ترتقي الأخلاق والأديان من مدونة السلطة إلى مدونة الحريات المدنية والاجتماعية.
معلش يا شعب
الطلب الثالث
مبدأيا كدة تعريف #مصر دستوريا انها دولة مدنية.
-١٤تابع

وعلميا لو هنتكلم بالسياسة بقى:
عندى مفاجأة صغننة اوى ، مفيش حاجة فى العلوم السياسية اسمها دولة ديموقراطية !!
اه و حياة اللى علمها لك غلط و انت مشيت وراه انت و الأستاذة اللى جنبك. #الديموقراطية يا سادة ما هى الإ ظاهرة سياسية و تقوم بقياس هذة الظاهرة العلوم الإجتماعية
-١٥تابع

من علم السياسة والإجتماع بمؤشرات مختلفة من ضمنها بعض المؤشرات اللى حددتها اخيرا فى مطلع الالفينات الأمم المتحدة لان الديموقراطية ظهرت فى ادبيات المنظمة العالمية فى اواخر الثمانينات من القرن الماضى
والى يومنا هذا لم ينص ميثاقها المقدس عند حضراتكم على مصطلع #الديموقراطية
-١٦تابع

يعنى متفرضش علينا دموقراطية اللى جنبك
مش مصدقنى ابقى اسال عمو اللى حفظك تبخ السم دا فى وش المصريين و هو يقولك.
نيجى بقى لدستور يحتكم للافراد ،يعنى نستفتي ابناء الدولة عليه
جميل جدا احنا عملنا استفتاء على الدستور وكمان عملنا تعديلات دستورية على الدستور اللى تم الاستفتاء عليه
-١٧👇🏼

احنا المصريين اللى حضراتكم بتقولو عايزين دستور يحتكم للافراد وليس الجماعات جماعات ايه يا جماعة؟
انا اخر جماعة سمعت عنها كانت محظورة ومشنوقة ومحروقة احنا بلا جماعات يا سادة بس معلش عشان انتو برة فايتكم كتير
نصيحة منى ابقو اسالو الناس اللى جوا قبل ما تطلعو عيب يبقى شكلكو وحش
-١٨👇🏼

4- إخراج المؤسسة العسكرية نهائيًا من السياسة والاقتصاد والإدارة، ويحظر مشاركة الضباط في الحياة السياسية إلا بعد تقاعدهم بفترة زمنية محددة.
الطلب الرابع
خد مهدئ يا شعب
لا كدة انا هبتدى اشك فى نسب الامينو اسيد اللى في المخ!!
متقلقونيش عليكو ايه جيش ايه اللى فى السياسة دا ؟
-١٩تابع

اخر جينرال حب يترشح محبوس و بيقضى العقوبة لانه ماخدش الموافقة من الموسسة العسكرية و كان لسة بيتقاضى منها راتب مستشار كمان. يعنى احنا عاملين معاكو واجب اهو و جايبين طلباتكم من قبل ما تطلبوها.
انما جيش ايه اللى تطلعوه من الإقتصاد ؟ انهون يعنى
#الجيش_المصرى ؟
-٢٠تابع

طيب مش لما تطلعو الجيش الامريكى من الإقتصاد الأمريكى انتو متعرفوش ان الجيش الأمريكى بيساهم باكتر من 44 مليار دولار فى مجال الانشاءات و تشييد الطرق و السدود
اما الجيش بتاع الأغا بقى اللى مشلح جيشه قبل كدة
فدا محلق فى سماء الاستثمار بالاقتصاد التركى و عامل مجموعة
-٢١تابع

اسمها "اوياك" فدى بتشتغل بتاعة كله من اول العربيات لحد البونبونى و الشكلايطة.
و على فكرة دى مش بدعة من الاغا دى الشركات دى بيعود تارخ تأسيسها للستينات تقريبا هناك فى تركيال و بيقدر عددها بحوالى 60 شركة تخيل
!! تركيا بتاعة الحريات و الافلامنات الجيش مستبيح اقتصادها .
-٢٢تابع

و الجيش الصينى بيمتلك 30 الف شركة فى كل المجالات من اغذية للمواصلات دا غير الانتاج العسكرى و بلاش اكلمك على الصين عشان بتقولو عليها شيوعية و قمعية و كدة بس كلمة فى ودنك "الصين تانى اكبر اقتصاد فى العالم" دا اذا مش منتبهين
و مَش عايزة اقولك مقطع امريكا القوة العظمى
-٢٣تابع

و الجيش الإيطالى اللى مشهور بتوريد الماريوانا للصناعات الدوائية اللى هو شريك فيها كمان
اما الجيش الهندى عنده اكبر و اشهر سلسلة محلات للتجزئة بالأمارة اسمها كانتين ستورز
اقولك ايه عن الجيوش و انت ودانك الشمع اللى فيها غطى على عينك يا حزين منك ليها
-٢٤تابع

طيب يعنى هى جت على الجيش المصرى يعنى اللى عايزين تطلعوه من الإقتصاد !
طب يا جميل المحيا انت و السنيورة اللى جنبك اسمع الكلمتين دول ، بعد ما خربتو البلد وسلموتنا للاخوان و هربتو ذى الفيران على برة عشان تبقو فى الأمان احنا رجعنا بلدنا
وهى شبه دولة كان عندنا ازمات فى السلع
-٢٥👇🏼

و نقص فى المخزون الاستراتيجى و الاحتياطى النقدى فى الأرض
و لولا وقفة الجيش باقتصاده اللى عايزين تطلعوه برة كنا عرفنا يعنى ايهجوع بجد.
و اديكو مثال: مكانش فى لبن أطفال و حصل ازمة فى توريد اللبن من مصدره ووصلت علبة اللبن فى السوق السودا ل100 جنيه و مش موجودة
-٢٦تابع

وحاول المستوردين بشتى الطرق مفيش فايدة
مكناش بنصنع لبن الأطفال بسبب فسادوسوء ادارة
الجيش دخل فالاقتصاد وشغل المصنع اللى كان متوقف وبنى مصنع البان جديدعشان يكفى الطلب المحلى
كنت فين حضرتك لما مكناش لاقين لبن لعيالنا؟
بتتفسح فدول الغرب الاوروبي تنهل من الحكوك وتطلع لنا لسانك
-٢٧👇🏼

5- تفكيك الكيانات الاقتصادية للمؤسسة العسكرية،على أن تخضع هذه التركة الضخمة لبرنامج إعادة هيكلة الملكية لصالح الشباب والنساء مقابل قروض طويلة الأمد وبنسبة فوائد لا تزيد عن المصروفات الإدارية، وتتم هذه العملية ليس بهدف الربح وإنما بهدف ضخ الاقتصاد كله في الهياكل الاجتماعية،
-٢٨👇🏼

وإنشاء البنية الأساسية اللازمة لهذه المشروعات فهذا هو الضمان الوحيد لإحداث تراكم رأسمالي وتنمية اجتماعية حقيقية في مصر،وحل مشكلة الملكية المأزومة تاريخيا فيها.
الطلب الخامس
قلبي عندك يا شعب
دا طلب لا يتصنف اشتراكى ولا حتى استحمارى
طب فهمنا تفكيك الكيانات الاقتصادية للجيش
-٢٩تابع

و دى تتبع الطلب السابق لكن توزعو فلوسها على شكل قروض للشباب و النساء بس!!ناهيك عن ان مفيش الية او طريقة قانونية و لا بتنجانية ممكن توافق او تشرع شيء ذى كدة لا دا انت صنفت شرايح دون الأخرى من المجتمع هى المستفيدة من قروض مزاجك!!
يعنى الرجال فوق سن ال٤٠ مش هتاخد قروض معاكو؟
-٣٠تابع

لا كدة الرجالة تحتج متسكتوش ، نساء ايه دى اللى هتاخد القروض و طويلة الأجل دى و الرجالة اللى بتحارب و تشقى متاخدش ؟!
" الرجال قادمون"
دا شعار ثورة الرجالة على طلبات ابناء الجهالة
اما مشكلة الملكية المأزومة دى معرفتش حقيقي هتتحل ازاى بعد تفكيك كل الكيانات دى؟
-٣١تابع

يعنى مين هيتملك ايه مش عارفة قولها بالفرنساوى كدة..
اه الفرنساوى اصل انا اعرف ان اليساريين من ضمن امكانياتهم الجبارة فى حل مشاكل الشعوب انهم بيجيدو اللغة الفرنسية قول بس انت كدة و انا هفهم
اسبيييلها واحنا نفهم
لعلمكم الشعب المصرى مش جاهل
وقادر يرد عليكم بس مش فاضى بيشتغل
-٣٢تابع

6- تبني الدولة آليات السوق الحر المنفتح على الأسواق العالمية والمرتبط بالرأسمالية العالمية مع هامش اقتصادي اجتماعي يضمن التزام الدولة بالتعليم حتى الثانوي أو الدبلوم المهني، وكفالة الرعاية الصحية للمواطنين.
البند السادس
اوعى تتهور يا شعب
-٣٣تابع

سؤال بس هو حضراتكم متعرفوش ان التعليم فى مصر مجانى من الستينات تقريبا؟
هى المعلومة دى موصلتش للباشوات الظباط اللى مع حضراتكم ؟
باشا الدولة اللى انت طالع تقطع فى سياستها من برة صرفت عليك كام لحد ما اتخرجت ؟
معلش نسيت اقولكم #قادرون معاهم عدد اتنين ظابط فاريين الى خارج البلاد
-٣٤👇🏼

ومستقران بدولة اجنبية كمناضلين ضد الدولة المصرية. بس مش هقول فى النقطة دى اكتر من كدة.
7- أن يكون الفرد المدني الفاعل الاجتماعي هو المالك الوحيد في الدولة، وأن لا تكون سوى الملكية الخاصة، أما بعض المشاريع الكبرى مثل "قناة السويس" فتتحول إلى (شركات مساهمة مصرية).
-٣٥تابع

اه يعنى الظابط العسكرى لا يملك شيء طب و هو فى الأصل لا يملك الا ملكيته الخاصة حضراتكم لانه بموجب قوانين العسكرية لا يحق له امتلاك بزنس و يبقى اسمه على سجل تجارى حضراتكم يعنى بموجب القانون
اما موضوع قناة السويس تبقى شركة مساهمة مصرية مش هيئة قناة السويس بوضعها الحالى
-٣٦تابع

فدا اي عيل مصرى يرد عليكو فيه مش انا بقى لازم اسيب فرصة للولاد الصغيرين يعلمو على عمو و طنط اللى فى الفيديو عشان بيرددو كلام ذى البغبغانات مش فاهمين خطورته ايه على الأمن القومى المصرى
تحذير :الولاد الصغيرين هيكونو لابسين الأفرولات والبيادة وهما بيفهمكو يعنى ايه قناة السويس
-٣٧👇🏼

لمصر ، الحذر مطلوب ممكن عيل مشاعره الوطنية تغلبه و ينزل بالبيادة على ام راس اي جيفة فيكم
و البيادة المصرى مؤذية جدا
حتى اسالو يهود الداخل اللى بتتحالفو معاهم ضد مصر
و صهاينة الخارج اللى بيصقفو لكم
-٣٨تابع

8-إلغاء رعاية الدولة للتعليم الديني على أن تؤول هذه المنظومة بالكامل إلى وزارتي التعليم والتعليم العالي، والعمل على تأهيل أغلب هذه المعاهد للتعليم والتدريب المهني والحرفي. وأن تضم وزارة الأوقاف بكاملها إلى وزارة الشئون الاجتماعية.
البند الثامن ✋
الله يصبرك يا شعب
-٣٩تابع

النقطة دى مش كلام عمو اللى بيمليكو
ولا امين المهدى ذات نفسه
الطلب دا جاي من حاجة من الاتنين:
يا اما السيرك الروسي
يا اما المحفل الماسونى
يعنى
يا اما حد بيهرج
يا اما حد بيخطط لبعيد اوى
انت يا عم العسل عارف مخصصات الأوقاف اد ايه؟
تعرف قوام الناس اللى شغاليين فى الوزارة ادايه؟
-٤٠👇🏼

وزارة الشؤون الاجتماعية ليه؟
ليه متكونش وزارة العدل ولا اقولك وزارة البيئة ما احنا بنفصل على كيفنا بقى!!
وبعدين انت داخل تنطح فى التعليم الدينى ليه مش لما تنجح الحركة السيبرانية بتاعتك وبعدين ابقى خد الجمل بما حمل وان شالله تلعب فيهم ببجى محدش هيقولك لا
مانت اسقطت النظام بقى-٤١👇🏼

معلومة ضغيورة اوى
لا النظام الحالى و لا اللى قبله و لا اللى قبلهم و لا ولا هو اللى عمل كدة
التعليم الدينى كان موجود منذ انشاء الكنايس و الازهر من اكتر من الف سنة بس حضرتك عايز تغير اوكى
بس انت انجح و اقنع الناس يلا قولهم انا جاي اهد التعليم الدينى بسسس كدة تمام
-٤٢👇🏼

انت مظبوط كدة على قبلة الخلاص منك روح يا ابنى انت و هى و هى و هو الهى ربنا ما يحرمكم من الغباء السياسي ابدا
9- التحول إلى نظام لا مركزي تخضع كل المناصب الرسمية فيه للانتخابات المحلية.
البند التاسع✋
هانت يا شعب
-٤٣تابع

طيب معاكو انتو فلوس تصرفو على الانتخابات دى كلها صح؟ هاتو بقى الفلوس معاكو و انتو جايين اللا الانتخابات بتكلف عندنا فى مصر .
على اخر ما اذكر يعنى اخر انتخابات كلفت يجي مليار جنيه و شوية بس انتو فلوسكو كتير
انا قلت انبهكو برضو عشان يا عينى انتو جايين من الغربة متعرفوش
-٤٤تابع

10- إعادة هيكلة الجهاز الإداري بالدولة ليكون جهاز صغير الحجم عالي الكفاءة يعمل على التنظيم والخدمات، دون إهدار حقوق من يتم الاستغناء عن خدماتهم من عمالة زائدة غير قادرة على التطور للعمل المميكن، وأن تحافظ الدولة وتصون السلام الإقليمي والعالمي، وتنفتح على كافة الشعوب
-٤٥تابع

في كل الدول المستقرة دون استثناء، وتؤمن بالتعايش والتعاون الإقليمي والقاري والدولي.
البند التاسع✋
الحباية للشعب
وقعو فى الغلط انتو عايزين جهاز الدولة الادارى يبقى صغنطوط ومحندق كدة والناس دى كلها هتمشوها
منكو للكاتب المصرى القديم لما يفك درعاته من شبكتها ويقوم يقف
-٤٦تابع

ويسيب قعدة القرفصاء و يطلع يجرى وراكو
و انتو و هو بقى بتهددو دخل 6 مليون بنى ادم باسرهم ممكن يوصل عددهم ل30 مليون يا ترعة المفهومية يا شلال العلم يا بحر السياسية و سيل الاقتصاد المزهزه . ازاى عايزين الناس تتشجع لدعوتكم و انتو بتهددوا تلت السكان فى لقمة عيشها !!
-٤٧تابع

ما هذا
انتو لو فضائيين يا جدع متتكلموش كدة من الأول يا اخى روحواتعلموتسويق سياسي ب37 دولار بس من اللى بتاخوهم وبعدين كلمو الشعب كتكم ٦٠خيبة
11) لا يجوز التنازل عن أراضي الدولة المصرية، و تلتزم الدولة بإعادة مواطني شبه جزيرة سيناء إلى بيوتهم وأراضيهم التي هجرتهم منها قسرا،
-٤٨👇🏼

وتلتزم تعويضهم التعويض العادل،وتتعهد بالتحقيق في جرائم الإبادة العرقية التي اقترفها الجيش المصري ضدهم،وتحويل من اقترفوا تلك الجرائم وخططوا لها والمسئولين عنها الى قضاء تتوفر فيه صفات النزاهة لمحاسبتهم عليها
البند١١
الصبر ياشعب
طيب لايجوز التنازل عن اراضى الدولةما دى موجودة
-٤٩👇🏼

و لا يكونش قصدك الأراضى اللى مكانتش بتاعتنا و رجعناها لأصحابها بموجب وثائق و معاهدات بين دولتين ذات سيادة و اتوثقت فى الأمم المتحدة .
لا موضوع خلص و الكلام فيه يفتح حروب و اضعف الايمان قضايا تحكيم و فلوس كتير اوى.
اما مواطنى شبه سيناء و اعادتهم لمناطق التسلل
-٥٠تابع

من الانفاق وتعريض حياتهم لخطر الهجمات الارهابية فدا مش هيحصل لان دول مواطنين مصريين و حمايتهم واجب على الدولة المصرية و عشان كدة نقلتهم من بؤر الخطر واخدتهم لاماكن امنة وعوضتهم ببيوت ادمية تليق بمواطنين مصريين
انما احنا معندناش تهجير قسرى ومنعرفش الكلام دا شوف كدة عند الأغا
-٥١👇🏼

التركى هتلاقيه كان مخبيه عندالسراج فى ليبيا .
اما الابادة العرقية
فانا اللى هسالك انت يا ابنى انت وهى تعرف يعنى ايه ابادة عرقية؟
درستها فكتاب ولا شفت فيديوهات ليها؟ولا انت بتتكلم عن بلد تانية؟
دى اللى عملها #الكلبوغان فى عفرين السورية بعد نجاح الثورة السورية يا دهل منك ليها
-٥٢👇🏼

و بيقوم بعملية تتريك للبلد بكل نجاح. انت بقى بتقول ان الجيش المصرى دخل فرض سيطرته على سيناء المصرى و عمل ابادة عرقية يا ابنى انت مصرى اللى يقول الكلام دا اليهودى الصهيونى
ركز .... ايه دا
اه انت بتقول كدة عشان مسعد ابو فجر الخاين معاكو فى الحركة
وهو اللى قالكو تقولو كدة
-٥٣تابع

يا مسعد انت مقولتش لاصحابك ان اهل سيناء هادرين دمك عشان انت خاين
و استنجدت باليسار الاسرائيلى و مجدت فى الجيش الاسرائيلى علنا وطالبت بانفصال سيناء عن مصر؟
12) اعادة هيكلة الجيش ليصبح جيشا محترفا حديثا وظيفته الأساسية الدفاع عن الحدود، وإلغاء التجنيد الإجباري
-٥٤تابع

والاعتماد على قوات الاحتياط في أوقات الحرب. على أن تؤسس من أجل الطواريء والكوارث الطبيعية وغيرها قوات حرس وطني تعتمد على تطوع المدنيين في كل محافظة، وتحدد مهامها السلطات المحلية وبرلماناتها المحلية، على أن تكون لها قيادة مركزية محدودة من أجل الطوارئ العامة،والهدف هو إبعاد
-٥٥تابع

الجيش تماما عن أى مهام أو طواريء مدنية داخلية..
البند ١٢✋
بص يا شعب انا غلبت اقولك ايه
طيب انتو عايزين الجيش يحترف فى انهى نادى ؟
معلش اصل الجيش المصرى حاليا بيعلب فى البريملدج بما انه من ال9 الكبار على مستوى الكرة الأرضية
و لا انتو عايزينو ياخد دورى الكواكب الأخرى ؟
-٥٦تابع

يطلع يحارب كوكب زحل مثلا و كدة يبقى جيش محترف .
يا جماعة كلمونا كلام نفهمه
طيب هو مين اللى بيحمى الحدود حاليا نادى السكة و لا قوات حراس المعبد و لا مين؟
عايزين تلغو التجنيد الاجبارى و نخليه اختيارى حلو جدا
و يا ترى نعمله اختار مما بين الأقواس و لا عن طريق القورعة ؟
-٥٧تابع

انا احب اللى يطلب طلب يكون محدد.
و حضرتك بقى لما نلغى التجنيد الاجبارى تفتكر مين يحمى حدودنا ادينى تصور كدة
لو بقى اختيارى مين ممكن يدخل الجيش يا بتصورك العسكرى الشربات دا ؟
يعنى اسم النبى حارسك دولة محاطة بالتهديدات و طول عمرها كانت مطمع اقوم انا اقول التجنيد فرررررى
-٥٨تابع

و لما اسرائيل تيجى تضربنى اقولها استنى بقى شوية اصل التجنيد عندى اختيارى
لا بجد اعجاز اللى بيتقال دا طب تفتكر نخلى اللى مش هيتجند يدفع تعويض اهى حاجة لخزينة الدولة كدة
و يبقى ولاد الفقراء هما اللى يتجندو بلا وجع قلب و نرجع بقى للاقطاع الوسطى الجميل بتاع الاربعينات دا فاكره
-٥٩👇🏼

قوم يا عبد الناصر شوف خلف الندامة من اليساريين عايزين يرجعونا للإقطاع
وولاد الأغنياء يفلتو من التجنيد و نشد خط بين الطبقات عريض
الله
نسيت اصل انتو معاكو كونتيسة التشويه دينا الحناوى اللى كانت بتتريق على احتفالات المصريين بانتصارات 6اكتوبر وشايفة اننا خسرانيين الحريات والارض
-٦٠👇🏼

و على رأسها سيناء !! لا مش حولة البنت دى بتشوف بس بنضارة المعارضة اللى شايفة ان مصر اتهزمت فى 73 عشان المسقة اللى بتشرب منها هى و القطيع اللى فى الحركة مسقة صهيونية اساسا.
13)منع تعقب وترقب وتهديد كل المصريين المغتربين أصحاب الرأي والمعارضين لأي نظام حاكم ومطاردة ذويهم،
-٦١تابع

بما يتوافق مع الإعلان العالمي لحقوق الإنسان بحيث لا يمنع المصري صاحب الموقف والرأي المعارض"من التمتع بحقوقه في زيارة بلده أو العيش فيها بحرية تامة بدون سجنه او تلفيق التهم له واستهدافه كنوع من الانتقام السياسي
تصدقو النقطة الوحيدةاللى بتفق معاكو فيها
اخر بند🙆🏻‍♀️
براحتك ياشعب
-٦٢👇🏼

ان شاء الله يا نين عينى لما تنجحو فى دستة الطلبات اللى فوق يبقى رقم 13 طبيعى انكو تنفذوه
فرهدت فرهدت فرهدت
و الى لقاء اخر مع حركة جديدة من حركات المتثورين و نقدها
نقد بقلم
#شيرين_هلال
-٦٣انتهى

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد