اوكي عندي كلاس الحين و الدكتوره لسا م جت سو قررت اكتب عن كل حاجه من بدايتي للسمنه للحين و اي نو محد مهتم بس ابغى افضفض
لما كنت بالمتوسط و بداية الثانوي كان وزني بداية السبعين بس مررره كان عاجبني جسمي و كان اكبر همي يكون بطني لاصق بظهري و فعلا كان, ماما كانت تحب البنات السكيني و كانت دايم تقول لا تاكلين و شوفي جسمك يفشل ووو.. انا مره م كان يأثر فيني كلامها لانو حرفيا جسمي كان مره عاجبني!!
بعدين ماما صارت تتدخل بشكل يقرف في اكلي و لبسي و ما كانت تخليني البس الوان فاتحه تقول الاسود بيخفي جسمك, اوكي بس انا ما كنت ابغى اخفيه !! بعدين احس انها بدت تأثر علي و تهز ثقتي بنفسي و صرت اكره نفسي و جسمي مره و احس اغلبنا بذاك العمر نتأثر بسرعه !
يعني حقيقي لو انقال ليا الكلام الحين كان ممكن م يهز فيني شي.
المهم اول كنت اكل لحد ما اشبع و اقوم خلاص
بعدين صرت اكل فوق طاقتي بزياده بعدين اتذكر كلام ماما و الوم نفسي انا ليش اكلت! بعدين اروح استفرغ
المهم اول كنت اكل لحد ما اشبع و اقوم خلاص
بعدين صرت اكل فوق طاقتي بزياده بعدين اتذكر كلام ماما و الوم نفسي انا ليش اكلت! بعدين اروح استفرغ
في البدايه كنت مررره انهلك و اتعب بس لما اشوف وزني واو انصدم انو حرفيا قاعده اكل اللي ابغاه و استفرغ و انحف ! و كان وزني ينقص و كنت افرح مره عشان ماما خلاص تسكت عني بعدين لاحظت بشرتي و شعري انعدموا و صرت بين نارين ارجع لنظام اكلي الاول و طز في ماما و كلامها ولا استمر ع الاستفراغ؟
قررت انو استمر ع اللي اسويه لاني مو قادره اتحمل كلام ماما و فعلا كنت اكل و استفرغ و بعد شهور ماما لاحظت انو فيه شي غلط و شكت اني اسوي حاجه مو كويسه و كنت مره خايفه انها تعرف اني استفرغ اكلي
بعدين هي قالت انو تراني عارفه انك تستفرغين و كانت تتكلم و هي مره واثقه انها عارفه و انا حماره اعترفت انو ايوا انا استفرغ اكلي بس سبرايز هي ما كانت عارفه بس تسوي كذا عشان انا اعترف🙂🙂🙂
لعنت اصلي ذاك اليوم و صارت تقول كفايه جسمك يجيب الهم تبغين كمان وجهك يصير بشع؟ وقتها جد خلاص اكتفييت من كلام ماما و تعبت جد مره بس برضو كان كلامها مره قوي و يشككني بنفسي و يكرهني بشكلي!
و صارت بعد م اكل تخليني اقعد عندها الساعتين او الثلاث ساعات الجايه عشان م استفرغ و احس اني انضغطت اكثر و وزني رجع يزيد و التنمر صار من الكل يجيني مو بس من ماما
و كانت علاقتي بماما جدا سيئة و م كان عندي احد احكي معاه و صرت كل م ازعل اروح اكل و مو قادره اشبع ابدا و مو قادره استفرغ عشان ماما و وزني قاعد يزيد و الديبرشن قاعد يخنقني و كل حاجه تضغطني من جهه و مافي احد احكي معاه او يخفف عني و يسمع لي
جلست كم سنه ع الوضع ذا لحد ما حسيت انو حقيقي حجمي مش حجم انسان طبيعي! و وزنت و ياليتني ما وزنت لقيت وزني 103🙂 ع بالكم صحيت على نفسي و عدلت اكلي؟ لا زعلت و رحت اكلت كل حاجه حرفيا و قعدت ابكي لين نمت و صارت ايامي الجايه اكل و بكاء و نوم
بعدييين رجعت للاستفراغ و قلبت نومي صرت اصحى بالليل عشان اكل و استفرغ لان ماما تكون نايمه م تدري عني و نقص وزني من ١٠٣ الى مدري كم اتوقع بالثمانين بشهرين او شهر و نص مو متذكره والله كم المده
و للحين اذا اكلت كثير او حسيت بتخمه م ارتاح الا لما استفرغ او اجوّع نفسي كثيير بعدين اكل كثير و استفرغ و على ذا الحال في ذي الدوامه
وجهي خرب و شعري طاح و نفسيتي زباله بس طز كل شي يهون عشان ارجع لجسمي اللي اول
وجهي خرب و شعري طاح و نفسيتي زباله بس طز كل شي يهون عشان ارجع لجسمي اللي اول
احس انو حرفيا صار تفكيري كله بالاكل حتى و انا شبعانه ستل افكر بالاكل مدري ايش السبب !
و طبعا م عرفت اني بوليمك الا بعد سنيين لاني م كنت عارفه انو من الـ ed يعني ع بالي انو بس حاجه كذا يحس فيها الشخص اللي يبغى ينحف بأي طريقه
و طبعا م عرفت اني بوليمك الا بعد سنيين لاني م كنت عارفه انو من الـ ed يعني ع بالي انو بس حاجه كذا يحس فيها الشخص اللي يبغى ينحف بأي طريقه
و ماني عارفه اذا نحفت هل راح اتعالج من البوليميا او لا بس اتمنى صراحه لاني م ابغى اعيش في ذي الدوامه طول حياتي
جاري تحميل الاقتراحات...