ناس كتير متعرفش إن بسبب عزم السادات على عقد إتفاقية كامب ديفيد خلى الدول العربية عدا عمان والصومال والسودان
تقاطع مصر وتنقل مقر الجامعة العربية لمده 10 سنوات،وتكوين ما يسمى جبهة الرفض بقيادة العراق والأمر تطور بين مصر وليبيا لحرب عرفت بحرب الاربع ايام
تقاطع مصر وتنقل مقر الجامعة العربية لمده 10 سنوات،وتكوين ما يسمى جبهة الرفض بقيادة العراق والأمر تطور بين مصر وليبيا لحرب عرفت بحرب الاربع ايام
السادات كان بيحاول يتوصل لاتفاق سلام مع إسرائيل حينذاك والقذافي كان ضده شكلاً و موضوعاً وكان بيطلع يشتم السادات كل يوم فى مؤتمرات مؤججه للرأي العام وان السادات خاين إلخ. ومن الأقوال المأثوره له في إحدى هذه الخطابات المرتجله: "سوف نحارب إسرائيل حتى آخر جندي مصري"
القذافي عرض على السادات الوحده مع ليبيا وان السادات كمان يبقى الريس. السادات كان شايف ان ده شغل جنان وهو مش فاضي للعروض المتهوره دي.
مصر كانت في أزمه إقتصاديه طاحنه بمعنى الكلمه. القذافي كان شايف ان عنده بترول كتير يكفي برميل لكل مصري.
مصر كانت في أزمه إقتصاديه طاحنه بمعنى الكلمه. القذافي كان شايف ان عنده بترول كتير يكفي برميل لكل مصري.
القذافي كان عايز يبنى جيش مصري قوي يقوده (القذافي) لتحرير الأمه العربيه كلها مش بس فلسطين. كان شايف ان الدول العربيه لسِه "محتله". وسيوحد العالم العربي كله تحت لواء الجيش "المصري" بقيادة القذافي ورئاسة السادات خليفة زعيم الأمه العربيه في الأرض "ناصر".
السادات كان شايف إن ده جنان رسمي وكان دايما يطلع يقول "الولد المجنون" ده
القذافي قال ها أبعت مسيره جماهيريه من طرابلس للقاهرة تتطالب بالوحده مع الشعب المصري وهانشيل الحدود اللي مع مصر بالذوق أو بالقوه. وفعلاً بعت شوية آلاف على الحدود
القذافي قال ها أبعت مسيره جماهيريه من طرابلس للقاهرة تتطالب بالوحده مع الشعب المصري وهانشيل الحدود اللي مع مصر بالذوق أو بالقوه. وفعلاً بعت شوية آلاف على الحدود
والسادات سابهم يهتفوا ويدخلوا يتفسحوا في السلوم ومطروح ويشربوا شاي. ورجعوا.
القذافي قام معاقب السادات بطرد ربع مليون عامل مصري من ليبيا.
في ١٩٧٧ القذافي نفذ وعده وبعت فعلاً الكتيبة التاسعه الليبيه محميه بسرب طيارات ميراج و استولت على نقطة الحدود في السلوم وطردوا الجيش المصري
القذافي قام معاقب السادات بطرد ربع مليون عامل مصري من ليبيا.
في ١٩٧٧ القذافي نفذ وعده وبعت فعلاً الكتيبة التاسعه الليبيه محميه بسرب طيارات ميراج و استولت على نقطة الحدود في السلوم وطردوا الجيش المصري
السادات راح أمر بتحريك ٣ لواءات مدرعه
الجيش المصري وصل تاني يوم طوق الكتيبه الليبيه وصفاها تماماً. ماسابوش ولا دبابه ولا عربيه مدرعه إلا وضربوها. وفي ناس بتقول انهم كان بينادوا بالميكروفونات على العساكر الليبين ينزلوا من الدبابات الأول وبعدين يدمروها.
الجيش المصري وصل تاني يوم طوق الكتيبه الليبيه وصفاها تماماً. ماسابوش ولا دبابه ولا عربيه مدرعه إلا وضربوها. وفي ناس بتقول انهم كان بينادوا بالميكروفونات على العساكر الليبين ينزلوا من الدبابات الأول وبعدين يدمروها.
سرب الميراج الليبى كان وصل لغاية مطروح وبقى يقوم بعمليات طيران على إرتفاعات منخفضه للاستطلاع واستعراض العضلات. ا
السادات قالك جنان بجنان: قام طلب خطه من الجيش والطيران باحتلال طرابلس وازاحة القذافي . وساب الطلب ده اللي المفروض أوامر عسكريه سريه يتسرب للإعلام العربي والاجنبي.
السادات قالك جنان بجنان: قام طلب خطه من الجيش والطيران باحتلال طرابلس وازاحة القذافي . وساب الطلب ده اللي المفروض أوامر عسكريه سريه يتسرب للإعلام العربي والاجنبي.
بس السادات فعلا طلب من الجيش يروح يحتل القواعد اللي انطلقت منها الطيارات الليبيه. وفعلاً الطيران المصري راح احتل قاعدة جمال عبد الناصر في طبرق وقاعدة الكفره دون أي مقاومه تذكر.
ليبيا أسقطت ٤ طائرات مصريه . مصر ماكانتش مصدقه ان الليبيين ممكن يضربوا الطيران المصري بسهولة كده
ليبيا أسقطت ٤ طائرات مصريه . مصر ماكانتش مصدقه ان الليبيين ممكن يضربوا الطيران المصري بسهولة كده
فاكتشفوا ان في بطارية دفاع جوي روسيه في طبرق غالبا هي اللي عملت كده. فالسادات أمر بتدمير كل بطاريات الدفاع الجوي اللي على الحدود.
وفعلاً قام الطيران المصري بإسقاط قوات كوماندوز و ضرب بطاريات الدفاع الجوي في قاعدة طبرق والكفره. ومات ٣ فنيين روس وجرح ثلاث آخرين
وفعلاً قام الطيران المصري بإسقاط قوات كوماندوز و ضرب بطاريات الدفاع الجوي في قاعدة طبرق والكفره. ومات ٣ فنيين روس وجرح ثلاث آخرين
لوائين من الفرقه الأولى من الجيش المصري واللي معنيه بحماية القاهرة عبروا الحدود الليبيه وبلا مبالغه إفترسوا الثلاث كتائب المدرعه الليبيه اللي للأسف القذافي كان حدفهم للتهلكه لدخول لمصر "لإزاحة السادات من الحكم".
السادات كان مدي أوامر ان اي معسكرات على الحدود المصريه يتم تصفيتها وبأسرع وقت. فتم إنزال ١٢ فرقه كوماندوز مصريه على ٣ معسكرات: في الكفره كان فيها مصريين بتدربهم ليبيا مناهضين للسادات والجغبوب اللي كان فيها مرتزقه أفارقه بتدربهم ليبيا ضد تشاد و معسكر آخر في أم العيان.
الدنيا ولعت وياسر عرفات عمل حمامة سلام وكلم السادات ومايصحش والاخوة والعروبه السادات كان خبيث وعارف ان اللي هايقولوا لعرفات هايوصل للقذافي. السادات قاله : "لا لا ده ولد مجنون ولازم يتعلم الأدب . لا لا لا ده لازم يمشي خلاص - خلاص يا عرفات". طبعا عرفات بلغ القذافي
في الآخر اتوسط رئيس الجزائر هواري بومدين. وكان ليه دلال عند السادات عشان الجزائر ساعدت مصر جامد في حرب اكتوبر. وبومدين عرض اتفاقية هدنه وسلام. السادات قاله ماتتعبش نفسك انا كنت بس با أعلمه الأدب أنا ها أرجع "الولاد" بكره الصبح بس ماتقولوش
كارتر برضه راح مكلم السادات وقاله كبر دماغك و ماتشتتش نفسك انت وراك حاجات اهم (اتفاقية السلام) و ده متهور والاتحاد السوفيتي (روسيا) هما اللي زقينه عليك . السادات قاله ما انا عارف بس والله عشان مكالمتك دي وانت غالي عند المصريين ها أسيبه المره دي.
مصر كانت ساعتها بتشحت حرفياً (يعني يدوبك بناكل بالعافيه وساعات مافيش أكل). اللي واعي على ١٩٧٧ يكتبلنا قصه "حلوه" عن البحث عن الأكل في الجمعيات التموينيه.
كارتر عشان يلين دماغ السادات وبعد المقاطعه العربيه إدى مصر منحه ٥٠٠ مليون دولار
كارتر عشان يلين دماغ السادات وبعد المقاطعه العربيه إدى مصر منحه ٥٠٠ مليون دولار
القوات المصريه دخلت واحتلت الحدود بعمق 60 كم واحتلوا قاعدة طبرق الجويه لمدة ٢٤ ساعه . ماكانش في أي خطط للامدادات للقوات المصريه في ليبيا. ماكانش في خطه لاحتلال ليبيا ولا إزاحة القذافي ولاديالوا. مصر ماكنش معاها فلوس تصرف على مغامره زي دي.
لسادات فجر ٢٥ يوليو قالهم يالا "إرجعوا" يا ولاد. الطيارين المصريين ماكانوش مصدقين أساسا انهم ها يحتلوا ليبيا فعلاً وماضربوش ولا طياره ليبيه في الجو وكل خسائر الطيران الليبي كانت على الأرض.
وفي دعابات بقت تطلع عن ال ٢٤ ساعه اللي الطيارين المصريين قضوهم في قاعدة طبرق. و إنهم باتوا في الميز مع زمايلهم الليبيين اللي كانوا متخرجين من كلية الطيران المصريه. وفي فعلاً صور طلعت لطيارين مصريين بيشربوا شاي مع طيارين ليبين على طرابيزه في الهواء الطلق. وبيسلموا عليهم وهما ماشي
جاري تحميل الاقتراحات...