إمبارح لوكا مودريتش عمل مقابلة في قناة ريال مدريد، ولما إتسأل هل هو عايز ينهي مسيرته في ريال مدريد أو لا رد وقال: "بالطبع أتمنى أن أُنهي مسيرتي هنا مع ريال مدريد، لكنني لا أريد أن أمثل عبء على النادي بأي شكل."
الجواب ده من مين؟ من لوكا مودريتش، اللي هو في ظل إنه 35 سنة هو لسه بيعمل كل حاجة في الملعب مطلوبة من لاعب الوسط حرفيًا، من واجبات هجومية ودفاعية في نفس الوقت وبمعدل ممتاز وبدون أي مظهر من مظاهر الإجهاد طول الـ90 دقيقة كل ماتش.
أنا بحترم اللاعبين اللي زي مودريتش كده، اللاعب اللي مش بيكون "بجح" مع نفسه ومع جماهير فريقه، اللي مش بيكون عنده أي أزمة إنه يروح فريق أقل من مستواه الحالي لأنه لا يستحق أكبر منه حتى لو أسطورة،
والأهم مش هتلاقيه بيضحك على جماهير فريقه بموقف حلو أو كلمتين مرشوش عليهم شوية عسل، لأن اللي زي مودريتش لو قال أنا بحب النادي وجماهيره وعايز مصلحتهم، فهو كده فعلًا مش مجرد كلام حلو.
بالمناسبة، أنا عُمري في حياتي ما شوفت ماتش سئ لمودريتش.
جاري تحميل الاقتراحات...