اولاً اسأل الله الرحمة الواسعه لشهيد الواجب وشهيد الوطن الملازم اول ابراهيم بدوى.
ثانياً الثريد ادناه لتسليط الضوء علي الوضع الراهن في الشرق من احتجاجات واعتصام لقبيلة البجا:-
ثانياً الثريد ادناه لتسليط الضوء علي الوضع الراهن في الشرق من احتجاجات واعتصام لقبيلة البجا:-
مبدئيا ولانو في ناس بتلخبط بين قبايل الشرق وبتقول البجا هم الهدندوه، قبيلة البجا من اكبر واعرق قبائل شرق السودان تاريخياً وجغرافياً، والبجا هو الاسم الجامع لعدد كبير جدا من النظارات (قبايل) تندرج تحتو، منها الهدندوه والبشاريين والأمارأر.
والاحتجاج القائم حاليا قايمين بيهو البجا.
والاحتجاج القائم حاليا قايمين بيهو البجا.
يجب توضيح انو مجتمع السودان عموما (شرق السودان خصوصا) مجتمع قبلي جدا، ودي طبعا مشكله كبيره، لكن اي محاوله لحل هذه المشكله عن طريق تجاهل وجودا حيؤدي لمشاكل ومصايب اكتر زي ماشايفين وحاصل حاليا. يجب علي الحكومه احتواء الموقف والتعامل معاو بحكمه وتروي.
زي ماذكرت قبيلة البجا بتتكون من عدد من النظارات لكل نظيره نظار قبيله، دا بيعتبر شيخ النظيره او القبيله وكلمتو مسموعه وهو الامر والناهي. بمعنى اكثر دقه:
لو قال ليهم اقعوا في النار بيقعوا.
لو قال ليهم اقعوا في النار بيقعوا.
فالحصل شنو؟ وحاليا البجا محتجين ليه؟
قالوا الاشخاص الاختارتهم الحكومه لتمثيل مسار الشرق في اتفاقية السلام بجوبا ناس غير مفوضين ولا يمثلوا البجا، لازم برضو اوضح انهم غير معترضين علي اتفاقيه السلام ولا بنودها ولا مبدأ السلام، كل اعتراضهم علي ممثلي مسار الشرق الشاركوا في التوقيع.
قالوا الاشخاص الاختارتهم الحكومه لتمثيل مسار الشرق في اتفاقية السلام بجوبا ناس غير مفوضين ولا يمثلوا البجا، لازم برضو اوضح انهم غير معترضين علي اتفاقيه السلام ولا بنودها ولا مبدأ السلام، كل اعتراضهم علي ممثلي مسار الشرق الشاركوا في التوقيع.
بالنسبة ليهم الحصل دا تهميش ليهم وعدم احترام لقياداتهم المتمثلين في نظاير القبايل وكباراتها، التجاوز الحصل من الحكومه لصوتهم سواء كان مقصود او غير مقصود فهو خطأ فادح هم شايفين انو مابينسكت عليهو.
الشخصيه القائده للاحتجاج الان هو الناظر تِرك، وتقريباً يعتبر كبير البجا وقائدهم. واللي ماتمت دعوتو لتمثيل قبايل البجا (اللي هو علي رأسهم) 🤷🏽♀️
الاحتجاجات بدأت بإغلاق الطريق القومي البري، واتطورت لاغلاق ميناء بورتسودان الجنوبي..
الاحتجاجات بدأت بإغلاق الطريق القومي البري، واتطورت لاغلاق ميناء بورتسودان الجنوبي..
وللاسف انتهت محاولتهم لاغلاق ميناء بشائر بقتل الملازم ابراهيم بدوى لانو كان في الحراسه وحاول يمنعهم من اغلاق الميناء. (نحتسبه عند الله شهيدا)
رأي شخصي:
كشخص مولود ومتربي في شرق السودان وعلي علاقه لصيقه بقبايلو المختلفه، قبيلة البجا متعصبة جدااااا لمن يتعلق الامر بشخص منهم، مكانة شيخ القبيله غير قابلة للمساس، مستعدين للموت حفاظاً علي سمعة ومكانة القبيله. هم الان معتصمين ومصرين يوقفوا عجلة الانتاج في الشرق.
كشخص مولود ومتربي في شرق السودان وعلي علاقه لصيقه بقبايلو المختلفه، قبيلة البجا متعصبة جدااااا لمن يتعلق الامر بشخص منهم، مكانة شيخ القبيله غير قابلة للمساس، مستعدين للموت حفاظاً علي سمعة ومكانة القبيله. هم الان معتصمين ومصرين يوقفوا عجلة الانتاج في الشرق.
وللاسف في اصوات بينهم بدت تنادي بحق تقرير المصير وتطالب بانفصال الشرق عن الخرطوم وبيهتفوا بأنو قبيلة البجا حتصبح دولة مستقله. الحكومة اقترفت خطأ كبير جدا والحل الان في يديهم، اتمنى يتم تدارك الموقف قبل ان يتفاقم ويصل مرحلة الانفلات الامني.
في رأي بيقول تم ابعاد تِرك (لانو مؤتمر وطني) ودي حاجه انا ماعندي علم بيها ولكن في الشرق الانتماء القبلي فوق التوجه السياسي ودا الغاب عن الحكومه يمكن.
يجب علي الحكومه التحرك فوراً وارسال وفد للتفاوض والاعتذار ربما لتعود الامور لمجاراها الطبيعي.
ربنا يحفظ السودان من شر الفتن والمصائب (لانو ماناقص).
وشكراً
ربنا يحفظ السودان من شر الفتن والمصائب (لانو ماناقص).
وشكراً
جاري تحميل الاقتراحات...