النهاردة عشت تجربة لطيفة جدا مع صديقي @TamerAgha هحكيها في الثريد ده.
البداية كانت إن جيمس هوفمان، شخص مشهور في عالم القهوة، طلع بفكرة إنه ينظم أكبر حدث لتذوق القهوة في العالم وفعلا اللي حب يشارك إشترى علبة فيها ٥ أنواع قهوة إتشحنت من لندن لكل حتة في العالم.
البداية كانت إن جيمس هوفمان، شخص مشهور في عالم القهوة، طلع بفكرة إنه ينظم أكبر حدث لتذوق القهوة في العالم وفعلا اللي حب يشارك إشترى علبة فيها ٥ أنواع قهوة إتشحنت من لندن لكل حتة في العالم.
العلبة كان فيها القهوة وعينة لخشونة الطحن ومجموعة أملاح ممكن تنضاف لمياة مقطرة فا تطلع المياة المثالية لعمل القهوة والهدف من الخطوة دي توحيد جودة المياة بين المشاركين
عدد اللي قرروا يشاركوا ١٧ ألف
بسبب فروق التوقيت ١٠ ألاف حضروا الحدث وال ٧ ألاف اللي باقيين اللي زي حالاتي عملوا التجربة بعدها.
النهاردة جهزنا العدة وطحننا القهوة ووزناها، علشان المعايرة بالميزان بتكون أدق كتير من الحجم، وإستعدينا للتذوق بطريقة إسمها ال Cupping.
بسبب فروق التوقيت ١٠ ألاف حضروا الحدث وال ٧ ألاف اللي باقيين اللي زي حالاتي عملوا التجربة بعدها.
النهاردة جهزنا العدة وطحننا القهوة ووزناها، علشان المعايرة بالميزان بتكون أدق كتير من الحجم، وإستعدينا للتذوق بطريقة إسمها ال Cupping.
بالرغم من إنها مش أحسن طريقة لعمايل القهوة بس بتطلع نتيجة مشابهة كل مرة وبتخلي المقارنة أسهل وهي الطريقة المتعارف عليها في عمليات تجارة القهوة عموما.
القهوة المطحونة بيتضاف لها المية المغلية بنفس طريقة الشاي الكشري بس بنستخدم أطباق شوربة صغيرة علشان سهولة التعامل بالمعلقة بعدين.
القهوة المطحونة بيتضاف لها المية المغلية بنفس طريقة الشاي الكشري بس بنستخدم أطباق شوربة صغيرة علشان سهولة التعامل بالمعلقة بعدين.
المياة كمان بالميزان علشان نقلل المتغيرات ونخلي النتيجة واحدة تقريبا.
القهوة بتعوم على الوش وبعد دقيقتين بييجي دور خطوة إسمها كسر وش القهوة ودي بتبقى أكتر مرحلة بتبين العطريات اللي في القهوة وعلشان كده بنقرب للطبق ونحاول نتعرف على الروايح دي.
القهوة بتعوم على الوش وبعد دقيقتين بييجي دور خطوة إسمها كسر وش القهوة ودي بتبقى أكتر مرحلة بتبين العطريات اللي في القهوة وعلشان كده بنقرب للطبق ونحاول نتعرف على الروايح دي.
في المرحلة دي بدأنا نكتب ملاحظاتنا والحاجة اللي كانت واضحة إن القهوتين الأولى والتانية كانوا قريبين من بعض والريحة غلب عليها فواكه إستوائية وورود مع لمحة شوكولاتة خفيفة أوي.
التالتة كانت ريحة ليمون محببة جدا.
الرابعة كانت فيها لمحة تخمر يمكن غطت على روايح الفاكهة اللي فيها.
التالتة كانت ريحة ليمون محببة جدا.
الرابعة كانت فيها لمحة تخمر يمكن غطت على روايح الفاكهة اللي فيها.
الخامسة بقى أجارك الله، سماد عضوي مثلا، طين بعد شتا، حاجة كده تهادي بيها عدوك وضميرك مرتاح 😃.
جه دور التذوق وعلشان الخطوة دي بنحتاج نشيل القهوة المتعلقة على الوش ده بيتم بمعلقتين بنغرف بيهم كل الجزيئات علشان نسيب الوش صافي.
جه دور التذوق وعلشان الخطوة دي بنحتاج نشيل القهوة المتعلقة على الوش ده بيتم بمعلقتين بنغرف بيهم كل الجزيئات علشان نسيب الوش صافي.
سيبنا القهوة تبرد شوية وبدأنا ندوق.
جنبنا كان في كوباية فيها مياة سخنة بنغسل فيها المعلقة بين كل قهوة واللي بعدها وكنا بننقل القهوة بالمعلقة في طبق تاني نشرب منه علشان جو الكورونا اللطيف وكانت فكرة حلوة من جيمس الحقيقة.
جنبنا كان في كوباية فيها مياة سخنة بنغسل فيها المعلقة بين كل قهوة واللي بعدها وكنا بننقل القهوة بالمعلقة في طبق تاني نشرب منه علشان جو الكورونا اللطيف وكانت فكرة حلوة من جيمس الحقيقة.
نيجي للطعم بقى والفقرة دي كانت ممتعة جدا
الأولى والتانية أكدوا الروايح بطعم لطيف حامضيته فوق المتوسطة محببة جدا ولمحات الفواكه كانت واضحة مع ميل للحلاوة في القهوة التانية.
التالتة خطفت قلبي بصراحة، لمحة الحامضية كانت واضحة وطعم ليمون مميز مع حلاوة خلت النتيجة مبهرة الحقيقة.
الأولى والتانية أكدوا الروايح بطعم لطيف حامضيته فوق المتوسطة محببة جدا ولمحات الفواكه كانت واضحة مع ميل للحلاوة في القهوة التانية.
التالتة خطفت قلبي بصراحة، لمحة الحامضية كانت واضحة وطعم ليمون مميز مع حلاوة خلت النتيجة مبهرة الحقيقة.
الرابعة كانت مفاجأة وعوضت عن الريحة بطعم متكامل وإن كان فيه لمحة تخمر برضه بس كانت متوازنة مع قوام عظيم وحامضية قليلة ولمحة فواكه سكرية باينة.
الخامسة ثبات على الموقف، تراب تلاقي، خشب محروق تلاقي، فحم ممكن. حاجة شنيعة خمس نجوم يعني.
الخامسة ثبات على الموقف، تراب تلاقي، خشب محروق تلاقي، فحم ممكن. حاجة شنيعة خمس نجوم يعني.
جت مرحلة الكشف عن أنواع القهوة واللطيف إن توقعاتنا كانت قريبة جدا.
الأربعة الأولانين كانوا أرابيكا.
الأولانية من جواتيمالا ومغسولة قبل التحميص وده خلى طعمها أوضح بس أخف.
التانية كانت مو كوستاريكا وكانت متجهزة بطريقة إسمها العسل الأبيض ودي زودت الحلاوة وبينت لمحة الورد والفاكهة.
الأربعة الأولانين كانوا أرابيكا.
الأولانية من جواتيمالا ومغسولة قبل التحميص وده خلى طعمها أوضح بس أخف.
التانية كانت مو كوستاريكا وكانت متجهزة بطريقة إسمها العسل الأبيض ودي زودت الحلاوة وبينت لمحة الورد والفاكهة.
التالتة والرابعة كانوا من أثيوبيا والفرق إن التالتة مغسولة قبل التحميص والرابعة متخمرة والفرق رهيب.
القهوة الأثيوبي كثيفة وده كان واضح في صعوبة طحنها وطعمها مميز.
أنا حبيت التالتة بلمحة الليمون وحامضيتها اللطيفة، تامر حب الرابعة علشان طعمها كان متكامل والتخمر ضاف لها عمق جميل.
القهوة الأثيوبي كثيفة وده كان واضح في صعوبة طحنها وطعمها مميز.
أنا حبيت التالتة بلمحة الليمون وحامضيتها اللطيفة، تامر حب الرابعة علشان طعمها كان متكامل والتخمر ضاف لها عمق جميل.
الخامسة بقى كانت روبستا مش أرابيكا وكانت من أوغندا.
جدير بالذكر إن الروبستا قهوة شديدة التحمل لأمراض النباتات وأرخص في إنتاجها.
وهي مكون أساسي في خليط النسكافيه بيقلل الحامضية بتاع الأرابيكا وبيخليها للخليط.طعم ما، عمري ما حبيته.
كان عندنا حق كل ما ندوقها نغني أنا من تراااب 😁
جدير بالذكر إن الروبستا قهوة شديدة التحمل لأمراض النباتات وأرخص في إنتاجها.
وهي مكون أساسي في خليط النسكافيه بيقلل الحامضية بتاع الأرابيكا وبيخليها للخليط.طعم ما، عمري ما حبيته.
كان عندنا حق كل ما ندوقها نغني أنا من تراااب 😁
ختاما الأنواع دي مناسبة للشرب بدون إضافة لبن أو كريمر ويمكن يبقى طعمها وحش لو ده حصل.
برضه الروبستا ممكن.تبقى ألطف بلبن.
كانت تجربة ممتعة جدا ومشاركتها مع صديقي خليتها مميزة أكتر. وشكلنا هنتعب على ما نلاقي قهوة أثيوبي قريبة من دي.
برضه الروبستا ممكن.تبقى ألطف بلبن.
كانت تجربة ممتعة جدا ومشاركتها مع صديقي خليتها مميزة أكتر. وشكلنا هنتعب على ما نلاقي قهوة أثيوبي قريبة من دي.
جاري تحميل الاقتراحات...