رتبها

من الاتفاقية الى الإبراهيمية -٣
"شعب و جيش"
لما نقول #الشعب_المصرى فى جملة تقوم تقف ترمى السلام و تؤدى كمان التحية العسكرية.
دا مَش كلام، التاريخ قالها و الانتكاسات اختبرتها و جه العبور ايدها
هنطول اوى فى الكلام
يلا بينا على الحلقة الثالثة
👇🏼👇🏼
-٦٠
mgltmsr.com

mgltmsr.com/?p=11377

#من_الاتفاقية_إلى_الإبراهيمية
من ملفات السياسة الخارجية المصرية فى محيطها الإقليمى
حلقات مسلسلة – الحلقة الثالثة
على موقع #مجلة_مصر
بعنوان “شعب و جيش”
اتفقنا اننا هنكلم الحلقة دى عن ازاى المصريين دخلوا ما بعد النكسة وصولا لحرب أكتوبر و خرجوا ازاي من الأزمة
-٦١تابع

والإستعداد للحرب والانتصار فيها. مش بس كدة فنغطى كمان ليه التفاوض مكنش له مجال من وقت النكسة 5يونيو الى ان وصلنا للحرب.

تنبيه الحلقة الثالثة:احنا بنتكلم عن الحروب عشان هى ما تسبق التفاوض،يعنى موضوعنا الأساسي هو التفاوض مع اسرائيل او بلغة العصر دا كان اسمه“الكيان الصوهيونى”-٦٢👇🏼

او “العدو الإسرايئلى”

معلش خد تنبيه تانى: المصريين هما أبطال الحلقة دى ،
لا مش الجيش المصرى،
أنا قصدى ابويا و ابوك خالتى وعمتك، المكوجى و المهندس ، الفلاح و المدرسة، الطلبة و العمال حتى الأطفال لهم أدوار فى الحلقة دى.الشعب المصرى دايما كان مُصر يكون له دور فى المعادلة،
-٦٣👇🏼

شعب طيب و مسالم آه، لكن الرأى العام المصرى كان حاضر فى ذهن صناع السياسة و حرك لاعبين كتير على رقعة الشطرنج سواء بسكوته او بفورانه او حتى بإحتجاجه.
طلب و رجاء: إن كنت من أصحاب العصبيات الفكرية لرئيس او لعصر معين ، استحلفك بكل ما هو غالى و نفيس أن تترك هذا النص
-٦٤تابع

حفاظا على صحتك وسلامة مشاعرك و صيانة مودك الكريم. نظرا لإن كاتبة هذا النص لا تراعى إنتماءات ولا تهادن مع عصبيات ولا تخاف فى الحق اي عنتريات ولها سوابق فى دحر أصحاب الأجندات والمتثورين و المؤلهين لغير الله من بشر او حجر
هذا النص يخاطب المصريين فقط إللى“ولاءهم لمصر مش لأشخاص”
-٦٥👇🏼

ونبدأ من مشهد التنحى وخروج المصريين رافضين كسر قائدهم مع إنه قائد الجيش المنهزم،لكن شخصية الرئيس جمال عبدالناصر كانت طاغية وكان أول قائد مصرى يلتف المصريين حواليه و ساعده على كدة تمتعه بكاريزما غير مسبوقة.و أمر تانى مهم،إدراكهم ان من احد أهداف النكسة هى كسر أنف عبد الناصر
-٦٦👇🏼

“الرمز” و “الاب” اللى حبه وصل الى حد التقديس عند البعض و يمكن لحد النهاردة كمان. رفضوا الانهزام من القائد بعد الهزيمة من العدو. و بالفعل استجاب الرئيس و كمل فى منصبه .
كان عنوان اي منتج فى الفترة دى هو “الصمود” يعنى المصريين لو أنتجوا فيلم يبقى عنوانه الصمود
-٦٧تابع

و لو فكروا فى فكرة تبقى بتدور حول الصمود حتى خطابات عبد الناصر كانت بتسمى خطابات الصمود.
مكانش طبعا كسر عبدالناصر هو الهدف الوحيد من قيام الحرب انما بحسب اللواء طه المجدوب المؤرخ العسكرى انه كان من 1957 حتى 1967 ونتيجة للاندفاع القومي و إنتشار مصر عسكريا في الدول العربية
-٦٨تابع

و كل ما تطلب دولة جيش يتم ارسال الجيش المصرى ليها بداية من سوريا عام 1957 إلى اليمن 1962 إلى الجزائر 1963 حيث كانت المغرب تهاجم الجزائر بعد استقلالها بسنة وأحمد بن بيلا طلب قوات لحماية الجزائر لأنهم كانوا في بداية تكوين جيش،وطبعا راحت قوات مصر للجزائر وحتى نيجيريا فى 1967
-٦٩تابع

لما انفصل اقليم بيافرا عنها ارسل الجيش طيارات تضرب المتمردين عشان تحافظ على وحدة الشعب النيجيرى. طبعا دا مكانش بعيد عن عنين الغرب المتمثل فى أمريكا و فرنسا و انجلترا اللى لسة كانوا خارجين من المنطقة كمستعمرين و شافوا ان التمدد المصرى جاء ليستبدل أماكنهم
-٧٠تابع

و منسيوش أذيال خيبتهم فى 1956 و ضياع قناة السويس منهم. فى كمان امريكا و ابنتها المدللة اسرائيل اللى كان مطلوب لها تكون أقوى قوة إقليمية فى المنطقة و التمدد المصرى كان ممكن يحد من قدراتها. اللواء المجدوب كمان حضر 1967 وتحليله انها حصلت نتيجة لقصور قرارات سياسية خطيرة
-٧١تابع

كان لها أبعاد عسكرية أخطر. الأوضاع دى اعتبرتها إسرائيل فرصة ذهبية لا تعوض عشان تهاجم مصر مدعومة من الغرب ونجحت للأسف و احنا كنا نتحمل الأخطاء اللي تحملناها، و كان كلامه نصا” إن إسرائيل لم تنتصر بقدر ما هزمنا أنفسنا وأننا قدمنا النصر إلى إسرائيل على طبق من ذهب”.
-٧٢تابع

ننتقل بعد كدة ـ لمرحلة ما بين 1967 و 1973،و اللى تضمنت 3 مراحل أساسية: مرحلة الصمود ثم مرحلة الدفاع النشط ثم مرحلة الاستنزاف ثم الاعداد لحرب التحرير أكتوبر 1973. استغرقت مرحلة الصمود من عام 1967 إلى 1968 وكان هدفها إعادة بناء القوات المسلحة لكي تصبح قادرة على تأمين الدفاع
-٧٣👇🏼

لأننا مبدئيا لازم ندافع أولا و بعدها نفكر في الهجوم.
وبالتالي كان لازم الدفاع عن منطقة قناة السويس أما مرحلة حرب الاستنزاف فكان هدفها اننا نقنع إسرائيل بأن ثمن بقائها على الضفة الشرقية للقناة هيكلفها الكثير. وهدف تانى يعرف العالم أن احتلال العدو لسيناء،مش هيكون أمر واقع
-٧٤تابع

ذى اللى قدرت تفرضه اسرائيل في الأراضي الفلسطينية، وأن المصريين مصممين على تحرير أرضهم. و شرح جمال عبد الناصر لكاتبه المفضل محمد حسنين هيكل فلسفته الشخصية لحرب الاستنزاف و اللى بتتلخص فى الجملة الأتية ” أن يستطيع العدو ان يقتل 50 الفا منا فإننا نستطيع الإستمرار
-٧٥تابع

لأننا نمتلك الإحتياطى الكافى و لكن أن يفقد العدو 10 آلاف فسوف يجد نفسه مضطرا الى ان يوقف القتال فهو لا يملك الإحتياطى البشرى الكافى" و دا فعلا اللى حصل على الارض.
كان من أبرز عمليات الحرب دى:عملية تدمير “إيلات” اللي تم خلالها تلغيم ميناء إيلات وقتل عدد من العسكريين
-٧٦تابع

وإغراق البارجة الإسرائيلية “يافو”، على ايد رجال الضفادع البشرية المصريين بالتعاون مع القوات الأردنية والعراقية ومنظمة التحرير الفلسطينية. و كان فى معارك بارزة تانية طبعا للحرب امتدت على مدار الثلاث سنوات منها معركة “رأس العش” و معركة “شدوان” و بحسب موقع الحكومة الإسرائيلية
-٧٧👇🏼

و توثيقها لخسايرها فى الحرب دى ذكر الموقع انه قتل خلال المعركة 1،424 جندي إسرائيلي في الفترة ما بين 15 من يونيو 1967 و8 أغسطس 1970
لكن الحرب دى مكانتش من طرف واحد، لا الحقيقة: اتكبدت فيها مصر خساير كبيرة جدا و استعمل الإسرائيلين أحط انواع التعامل مع الجيش المصرى.
-٧٨تابع

الخساير دى عليت وتيرتها من انهيار الدفاع الجوى المصرى بنهاية 1969 و دا أدى لإنفتاح سماء مصر امام طيارات العدو و تمكنه من تنفيذ عمليات فى العمق الداخلى للبلاد من 7يناير 1970 علي المعادى ومصنع ابو زعبل ومدرسة بحر البقر. تم شن حوالى 3500طلعة جوية على الأراضى المصرية من اسرائيل
-٧٩👇🏼

فى مقابل 2900 طلعة من الجانب المصرى، دارت فيهم تقريبا 22 معركة جوية و اشتركت فيها 130 طيارة اسرائيلية فى مقابل 110 طيارة مصرية مدخلوش كلهم الخدمة من بداية المعارك. خسرنا 2882 شهيد من الجيش بخلاف المدنيين من العمال و المهندسين اللى سقطوا اثناء بناء حائط الصواريخ
-٨٠تابع

اللى كان نقطة إرتكاز هامة مهدت لحرب اكتوبر، دا بخلاف طبعا الجرحى اللى قُدرت أعدادهم ب 6285جريح بشهادة الفريق الشاذلى
انا بذكر دا عشان اوضح بمثال بسيط على فرق التسليح ومدى الخساير بين الجانبين و طبعا كان لازم يتم وضع حد لنزيف الإستنزاف دا وناخد فرصة نعيد بناء و ترتيب الجيش
-٨١تابع

بشكل يساعدنا نرجع الأرض
طيب وقفت الحرب دى ازاى ؟

مبادرة روجرز اللى هى ايه؟

يا سيدى مبادرة روجرز دى مبادرة طرحتها امريكا لإيقاف القتال لمدة 3 شهور بين مصر وإسرائيل بعد نكسة يونيو ١٩٦٧، لأن المعارك الجوية اللي دارت بين القوات المصرية والقوات الإسرائيلية
-٨٢تابع

وأُسقطت فيها طائرات أمريكية حديثة الصنع تابعة لسلاح الجو الإسرائيلى، واتسببت فى حرج داخلى واجهته إسرائيل بسبب الخسائر البشرية اليومية في صفوف قواتها من بداية حرب الاستنزاف كان لازم تقف. و بداية طرحها كان في سبتمبر ١٩٦٧ الذي إتجدد القتال بين مصر وإسرائيل بعد النكسة
-٨٣تابع

و قامت معركة بالمدفعية اشهرها او اكثرها ايلاما لإسرائيل كان في منطقة القنطرة خسر فيها الإسرائيلين حوالى ٨٠ قتيل و٢٥٠ جريح، و نجاح البحرية المصرية في إغراق المدمرة إيلات و اللى كانت بتمثل جوهرة تاج البحرية الإسرائيلي.
و طبعا كثّفت فيها إسرائيل غاراتها الجوية
-٨٤تابع

عشان تصيب النظام بالشلل بحسب كلام قالته رئيسة الوزراء، جولدا مائير، لكن خسائر إسرائيل تزايدت، وفى مؤتمر عقد في ٩ ديسمبر عام ١٩٦٩ قال وليام روجرز «إن سياسة الولايات المتحدة الأمريكية تهدف إلى تشجيع العرب على قبول سلام دائم وفى الوقت نفسه تشجع إسرائيل على قبول الانسحاب
-٨٥تابع

من الأراضى المحتلة بعد توفير ضمانات الأمن اللازمة».

ولما كان جمال عبدالناصر في زيارة للاتحاد السوفيتى في يوليو ١٩٧٠ أعلن قبوله المبادرة الأمريكية، بضغط من الإتحاد السوفيتى اللى كان بيتفاوض مع الأمريكان و طبعا عنده قنوات إتصال مع اسرائيل.
-٨٦تابع

عبد الناصر وافق مش عشان كان بيدور على السلام طبعا لا ، هو كان عارف إحتياج القوات المصرية لفترة التقاط أنفاس والانتهاء من مواقع الصواريخ على الشاطئ الغربى للقناة.

أما إسرائيل فقد بادرت إلى رفض المبادرة ليه؟
نرجع ونفكر حضراتكم ان اسرائيل مش بتتفاوض الا لما تكون خسرانة الحرب
-٨٧👇🏼

دا غير إنها كانت عارفة ان عبدالناصر مقاتل شرس و امام شعبه هو“اسد جريح”و مش هيقبل بانتصار بارد حتى لو كان هيرجع له الأرض وعارفة كمان ان الدخول معاه فى مفاوضات هتخسر الأرض و مش هتضمن الحصول على السلام. وفى يوم ٢٣يوليو جدد عبدالناصر قبوله للمبادرة،واقنع الأمريكان الإسرائيلين
-٨٨تابع

أن المبادرة هي خطوة جادة من عبدالناصر للسلام، وكان دا تصور الرأى العالمى لكن ردود الفعل العربية اتارجحت ما بين المتشكك او الغير واثق من العواقب أما بعض القوى الفلسطينية اتهمت كل اللى قبلوا المبادرة بالخيانة !! مش بس كدة دا الكاتب الدكتور عبدالعظيم رمضان ذكر فى كتابه
-٨٩تابع

عن حرب الاستنزاف أن عبدالناصر رد بنفسه على ياسر عرفات لما الأخير لامه على قبول “مبادرة روجرز” و قال “إن المضى فى حرب الإستنزاف على حين أن اسرائيل تتمتع بتفوق جوى كامل، معناه ببساطة إستنزاف أنفسنا”. موقفش الهجوم عند كدة، المنظمات الفلسطينية هى كمان كانت شديدة الهجوم
-٩٠تابع

على جمال عبد الناصر و قالت صراحة قبول مبادرة روجرز بإنها “صفقة استسلامية” و تمادت فى إهانة أخلص الرجال للقضايا العربية و بالخصوص القضية الفلسطينية و معيد مجد القومية العربية فى العصر الحديث بأن قبوله المبادرة يعد “تعبا من النضال ضد الدولة الإسرائيلية”
-٩١تابع

معلش لازم اقول “ما اشبه اليوم بالبارحة”
تقريبا الإتهام دا من المورثوات اللى قدروا يحافظوا عليها و بيتقال كتقليد جنائزي لكل دولة عربية تقرر تعمل هدنة/اتفاقية/تطبيع/او حتى مفاوضات مع اسرائيل. المهم،دخلت المبادرة حيز التنفيذ فى أغسطس ١٩٧٠ لمدة ٩٠ يوم
-٩٢تابع

الاهم ان مصر بقيادة عبد الناصر قالت لا للهزيمة وتمسكت بتقديم كل التضحيات الممكنة وبدأ عبد الناصر يفصل عبد الحكيم عامر والقوات المسلحة أصبحت لها قيادة جديدة بدأت تخرج أو تنفصل تماما عن عباءة السياسة وتتفرغ للقتال وبدأ الجيش المصري إلى جيش مهني محترف يستعد للقتال.

-٩٣تابع

دا فيما يخص الجيش والسياسين و التفاوض طيب فين المصريين؟ و عملوا ايه؟

لازم نذكر حاجة مهمة جدا لما تيجى سيرة “الزعيم جمال عبدالناصر”و حكمه و فترته و علاقاته الدولية: على اد ما كان زعيم للأمة العربية و القارة الإفريقية و دول عدم الإنحياز، على اد ما كان محمل بعداوات كبيرة جدا
-٩٤👇🏼

من العالم الغربي “العالم اللى بيتحكم فى العالم”. دفع تمن العداوات دى فى كتير من مراحل حكمه بشكل كان اشبه للحرب عليه و على زعامته و على تمدده فى الدول الأخرى. عبدالناصر على مدار حكمه واجه حروب باردة و حروب اقتصادية و حروب عسكرية. برضو ناخد امثلة و نشوف الشعب المصرى
-٩٥تابع

واجه دا عشانه و معاه ازاى.
ذكر استاذ العلوم السياسية الدكتور ابراهيم نصرالدين فى احد محاضراته ان الولايات المتحدة الأمريكية فى 1966 وقفت شحنات القمح اللى كانت “مدفوعة الثمن”كيدا فى عبد الناصر، فقال عبدالناصر “احنا اللى بياكل رغيفين هياكل واحد”و عشان رئيس دولة يقول الجملة دى
-٩٦👇🏼

اكيد واثق ان شعبه هيدعمه . طيب حتى و لو اكل المصريين نص اكلتهم هيجيبوها منين؟
هتندهش لما تعرف ان المصريين أكلوا “الذرة العويجة الصفراء” بديلا عن القمح و دا صنف من اصناف الذرة المرة جدا متتاكلش. المصريين أكلوا المر و هما رافعين راسهم و حاسين بالتحدى ادام امريكا
-٩٧تابع

عشان عيون جمال عبدالناصر. طبعا دا بخلاف الموقف الشهير لامريكا و بريطانيا و فرنسا من تمويل السد العالى و تحريض البنك الدولى على رفض تسليف مصر نكاية فى عبدالناصر و طبعا عارفين ان تبرعات المصريين للسد كانت صاحبة الفضل الأول فى بناء المشروع الى جانب الاتحاد السوفيتى.
-٩٨تابع

و على فكرة كمل صمود المصريين و تحملهم للظروف الصعبة و احتضانهم لظروف اقتصاد الحرب بكل ما تحمل الكلمة من معنى حتى بعد وفاة عبد الناصر و تولى السادات الحكم
قالت د.هدى زكريا استاذ علم الاجتماع العسكرى، “إنه لم تكن هناك حرب نفسية تمارس ضد الشعب المصرى من العدو الاسرائيلى
-٩٩تابع

ولكن كان دائما مايحدث العكس،فكان هناك الكثير من التخوفات من جانب العدو الاسرائيلى وكان يحاول بكل الطرق أن يحمى نفسه،وكان من ضمن هذه الاجراءات بناء خط بارليف لحماية انفسهم على المستوى النفسى قبل العسكرى بالإضافة إلى أن إسرائيل قامت بتغيير قانون التجنيد الخاص بها وقامت بمد
-١٠٠تابع

سن التجنيد لـ 55 عامًا للرجال والسيدات” وقالت كمان أن الشعب المصرى لم يسيطر عليه أى نوع من أنواع الخوف وكانت كل فئات الشعب بتمارس حياتها الطبيعية سواء الفلاحين أو العمال تحت القصف دون أى قلق، فكانوا بيحاربوا فى جبهتهم ذى الجندى على الجبهة فى سيناء
و قالت كمان
-١٠١تابع

« أنه فى حرب 67 عندما كنا طالبات فى جامعة القاهرة طالبنا بتدريبنا على المدافع الرشاشة « بورسعيد الرشاش» وكان أحد الاسلحة الحديثة فى ذلك الوقت وكنا نتقن استخدامه بالاضافة إلى صناعة القنابل وهو مايؤكد أن الشعب المصرى بكل طوائفه هو الظهير الشعبى للجيش
-١٠٢تابع

وكان لديه استعداد كامل للمحاربة بدون أى أسلحة.

ذكر اللواء متقاعد فى سلاح الدفاع الجوى اللواء مجدى بدر :ان بعد نكسة 67و تدمير مدن القنال بعد تعرضها للقصف كان لازم يحصل تهجير لأهالى المدن الثلاثة لحماية اهاليها و تم نقلهم لمحافظات بديلة و كانت معضلة كبيرة إيواءهم ونقلهم.
-١٠٣تابع

كانت المدارس و مراكز الشباب و اماكن اخرى على مستوى الجمهورية فى انتظارهم، و الموضوع مكانش سهل ابدا
“معاناة ما بعدها معاناة” على حد تعبيره. اتغيرت حياة المصريين تماما ما بين الحربين الا انها اقتصاديا كانت قاسية جدا. لإن السلع الأساسية مكانتش متوفرة الا بالكاد و كان فى
-١٠٤تابع

نظام بطايق التموين ” عشان تتمكن كل اسرة من الحصول على فرخة واحدة اسبوعيا و كذا صابونة غسيل واحدة لكل اسرة وبالبطاقة فقط،ناهيك عن عدم توافر الزيت و السكر والشاى و حتى الخبز” و هنا جه دور الشعب المصرى اللى كان متلاحم مع دولته برغم الهزيمة المرة.
جندت الدولة مؤسساتها الصناعية
-١٠٥👇🏼

و الانتاجية والزراعية للمجهود الحربي
كان فى مقاتلين خلف ماكينات المصانع لهم دور وطنى،بيساندوا المرابطين على الجبهة، واستطاعت المصانع الحربية أنها تساهم فى توفير الذخيرة والصيانةوفرت قلعة صناعة النسيج الأفرولات للمقاتلين (الزى العسكرى)
@magdybadr3
بحسب تصريحات سيادة اللواء
-١٠٦👇🏼

خاصة أن القوات المسلحة قامت بتعديل تصميم وشكل الملابس العسكرية قبل حرب أكتوبر.
والعمال فى المصانع كانت بتشتغل 4 ساعات إضافية يوميا، بلا مقابل لصالح المجهود الحربى فى كافة القطاعات الإنتاجية لمضاعفة الإنتاج فى الصناعات الغذائية والنسجية والصناعات الثقيلة والعسكرية.
-١٠٧تابع

أدرك من هم فى الحياة المدنية أنهم شركاء فى الميدان، فكانوا على قدر المسئولية،وقدرت الصناعة تقوم بدور مهم فى المعركة.
فخلال فترة حرب الاستنزاف وحرب أكتوبر استطاعت الشركات الوطنية العاملة سواء قطاع عام او خاص فى مجال المنتجات الغذائية أنها توفر للقوات على جبهة القتال
-١٠٨تابع

اللى تحتاجه من مواد غذائية (تعيين قتال) للمقاتلين، وكمان الملابس، و قدرت المصانع الحربية أنها توفر قدر كبير من الذخائر.

فى الظرف دا كان الصناع شايفين انهم جنود فى معركة كبيرة لازم يقوموا بدورهم فيها لحد ما يتحقق النصر.وباب التبرعات اتفتح لصالح الجيش و الانتاج الحربي.
-١٠٩تابع

من اول الفلاحة البسيطة لحد الطفلة ام حصالة كانوا بيتبرعوا للمجهود الحربي عشان مؤمنيين بالنصر. كل الطبقات اتبرعت، و اللى كانت لهم حقيقي ايادى بيضاء هما قوة مصر الناعمة و فى المشهد دا كانوا قوة ضاربة و مؤثرة .

ضمن قائمة هؤلاء الفنانين: “أم كلثوم، وعبدالحليم حافظ، وشادية،
-١١٠تابع

وتحية كاريوكا،ونادية لطفي،وغيرهم كتير
ام كلثوم على رأس القائمة من بعد النكسة
و لحد وفاتها تقريبا كانت رافعة شعار
“الفن من اجل المجهود الحربى”
احييت حفلات فى مصر و الدول العربية والاوروبية واتبرعت باجرها بالكامل وعشان نشوف الصورة اقرب شوية وصل ايرادات الحفلة الواحدة لها
-١١١تابع

فى المحافظات ل 150 الف جنيه اما حفلاتها فى الدول العربية جمعت منها مبالغ كبيرة جدا و على راسهم حفلتها فى الكويت لوحدها جمعت 100 الف دينار كويتى و عملت حفلتين فى باريس و واحدة فى لندن وصل ايرادهم 212 الف جنيه استرلينى.
واتبرع الفنان عبدالحليم حافظ بأجر جميع حفلاته
-١١٢تابع

للجيش المصري بعد النكسة، ومنها حفلته الشهيرة في لندن، وبإيرادات فيلمه “أبي فوق الشجرة” اللى حقق أرقام كبيرة في شباك التذاكر وقتها، وأيضا كان له دور في الدعم المعنوي للجنود، قدم اكبر مجموعة من الأغاني الوطنية ومكانش بيفارق الاذاعة لا هو و لا الفنان كمال الطويل عشان الاغانى
-١١٣👇🏼

تطلع حماسية بروح محاربين الفن
كمان الفنانة تحية كاريوكا،قادت حملات كثيرة للتبرع عشان تسليح الجيش،اتبرعت بجزء من مجوهراتها لدعم المجهود الحربي،قبل حرب أكتوبر 1973

اتبرعت الفنانة الكبيرة شادية، بأجرها في بعض الحفلات والأفلام لصالح المجهود الحربي والدعم المادي للجيش المصري
-١١٤👇🏼

استعدادا لحرب أكتوبر 1973،و دعم المصابين خلال الحرب.
والفنانة نادية لطفي،اللي بدأ دعمها للقوات المسلحة عقب حرب الاستنزاف وخلال حرب أكتوبر73،اتطوعت فأعمال التمريض سواء على الجبهة أو فالمستشفى العسكري،كمان كانت بتتولى كتابة الرسائل من الجنود المصابين إلى أمهاتهم وذويهم،تخيل!
-١١٥👇🏼

و عشان منغفلش دور حد من الشعب المصرى لازم نذكر احتجاجات الطلبة:
في 1972، انطلقت المظاهرات الطلابية المنادية بالانتقام من “الصهاينة” وتحرير سيناء من الاحتلال، ومكنش في مخيلة الجميع أن القيادة السياسية في الوقت دا بتعتزم الحرب، وبقوة، إلا أن الأمر كان يلزمه نوع من التكتيم
-١١٦تابع

مش بس على المستوى المحلي، بل على المستوى الدولي كمان ، حتى تكتمل فكرة “الخداع الاستراتيجي”،ويستعد الجيش المصري بكامل طاقته لحرب مصيرية. كان فى شعور ملموس انتاب طلاب الجامعات، مفاده أن السادات بيماطل فى قرار الحرب مع إسرائيل، كانت نتيجته صدور بيان فى 24 يناير عام 1972
-١١٧تابع

من الحركة الطلابية للخروج في مظاهرات حاشدة تطالب باسترداد الأراضي المصرية المحتلة، وتدعو لفتح باب التطوع للالتحاق بالجيش، لخوض حرب التحرير”، حسب الدكتورة إيمان رجب، مدرس التاريخ الحديث والمعاصر بجامعة بني سويف: “كانت احتجاجات الطلاب قد مهدت الطريق للنضال الذي قامت به
-١١٨تابع

القوات المسلحة المصرية خلال حرب أكتوبر 1973،والتي تحقق بسببها أعظم انتصارات الجيش المصري في التاريخ الحديث”

نركز بقى فى اللى جاي و ناخد بُعد استرتيجى مهم من الحروب اللى ذكرناها واللى مذكرناهاش إسرائيل هي القاسم المشترك في كل الحروب اللى دخلناها عشان “مصر”من اول 48 لحد 73
١١٩👇🏼

كلها حروب ضد المصدر الرئيسي لتهديد الأمن القومي المصري، وبالتالي تهديد الأمن القومي العربي، فقضية الصراع العربي الإسرائيلي قضية خاضت فيها مصر الحروب بكل أنواع النظم السياسية، في النظام الملكي اضطرت مصر تخوض الحرب ضد إسرائيل، وفي وجود عبد الناصر خاضت مصر الحرب ثلاث مرات
-١٢٠تابع

و أنور السادات اضطر أن يدخل الحرب في 1973 . ومعنى هذا ان مصر أيا كان نظامها السياسي سوف تدخل الصراع مع إسرائيل حتما لأن إسرائيل بتشكل تهديد أساسي لأمن مصر القومي. ولو بنقيم الإدارة المصرية للحروب فهى اختلفت وتفاوتت من حرب إلى حرب، ففي 1956 خسرنا الحرب عسكريا
-١٢١تابع

لأن إسرائيل تمكنت من احتلال سيناء واضطررنا للانسحاب منها لكننا كسبنا الحرب سياسيا وأدار عبد الناصر عام 1956 معركة سياسية من الطراز الأول رغم خسارته للحرب على الصعيد العسكري إلا أنه خرج منها منتصر. وفى حرب 1967 الإدارة المصرية لها كانت من أسوأ الإدارات
-١٢٢تابع

ولكن مَن من الشعوب والنظم لم يتعرض لانتكاسات؟
الحلقة دى كانت طويلة و بشكل مبالغ فيه لاننا كنا بنتكلم عن رحلة 6 سنين من كفاح شعب مصر اللى غصبن عنى لازم كنا نقف و نطول الوقفة و الاعجاب بنضاله. تقريبا كدة احنا غطينا كل معظم جوانب الحياة فى مصر ايامها و قدرنا نتعرف على قوة
-١٢٣تابع

تأثير الشعب المصرى فى مجريات الأحداث . شعب كان ساند جيشه بالدعم المادى و المعنوى
ابدا مقبلش الهزيمة ولو بعد حين. وهنتوقف هنا و نروح للحرب بسرعة فى الحلقة الجاية ونشوف ايه اللى تم من تفاوض من اول العبور و لحد وقف اطلاق النار.

بقلم #شيرين_هلال
-١٢٤مخلصناش
استنوا الحلقة الرابعة

@bsalama86 قهوتك و تعالى ☕️

@AlTohamy66 تسمحلى اعزم حضرتك على المرافعة دى يا سيادة المستشار مع فنجان قهوة☕️
و فى انتظار حكم المحكمة الموقرة 🌸

@amalfhm this one is waiting for you 😇🧚🏻‍♀️🦋

@moon_light1425 تعالى هنا
هو انا اكتب دا كله و جنابك بتتمشي على التايملاين و سايبانى😂😂😭😭

@MyTrueHope مكان حضرتك هنا و فنجان القهوة موجود اتفضل ☕️

@Zman_AlGhareeb لن ارحمك
الخلقة الثالثة نزلت
و فاتك التانية
هفضل اسجلك غياب كدة كتير 😱🧐

@WafaeittaWriter اتفضل 🌸

@Mosh_Hana السلسلة دى مينفعش تفوتك
طويلة جدا و موثقة و مختلفة و دسمة

انه يوم النصر
مينفعش يعدى من غير الحلقة الرابعة
ندخل على الحرب عدل
رتبنا أوراقنا
و جهزنا للمعركة
و عبرنا القنال و كسرنا انف العدو
و قطعنا ايد اسرائيل الطولى
و حطمنا أسطورة الجيش الذى لا يقهر
عشان احنا #الجيش_المصرى
يلا بينا و حلقة رقم ٤
"العبور"
-١٢٥
mgltmsr.com

mgltmsr.com/?p=11708

#من_الاتفاقية_الى_الإبراهيمية ٤
من ملفات #السياسة_الخارجية_المصرية فى محيطها الإقليمى
حلقات مسلسلة – الحلقة الرابعة
بعنوان “العبور“
احنا خلاص رايحين للحرب،
لا نستنى شوية، احنا معرفناش #مصر جابت السلاح منين؟
والكلام تحديدا من بداية 1971
و قبل كل حلقة بقول تنوهيات وتحذيرات
-١٢٦تابع

حفاظا على سلامةالقراء من الاندهاش او الإنزعاج
تنبيه:الحلقة دى معمولة لإنصاف أبطال حرب أكتوبر بالأدلة والشهادات والوثائق ورجوع النصر لأصحابه
تنويه :هنتعرف على خطوات صناعةالحرب من الأيام القليلة اللى قبلها و نقرب من كواليس اتخاذ القرار و ناخد فكرةعن التسليح وخطةالهجوم عن قرب
-١٢٧👇🏼

توجيه :اه توجيه بوجوب الإحترام والقاء تحية على الكرام من أرواح الشهداء والأحياء وضرورة الإحتفال بالنصر مش بس لتمجيدهم لاكمان لمنع اسرائيل من تزييف تاريخ الإنتصار ونسبه لنفسها
احنا عرفنا من الحلقة اللى فاتت ان كان فى مفاوضات بين الإتحاد السوفيتى والولايات المتحدة الأمريكية
-١٢٨👇🏼

بخصوص إستقرار الأوضاع فى الشرق الأوسط. او بمعنى أدق: الطرفين كان عاجبهم نغم اللحن الشهير ” يبقى الوضع على ما هو عليه” و الموقف كالتالى :
امريكا: يرضيها بقاء اسرائيل فى سيناء و استتباب الوضع الأمنى لها بإحتلالها
الإتحاد السوفيتى: مش عايزنا نحارب عشان منطلبش منه سلاح
-١٢٩تابع

و فى نفس الوقت مش عايز يخسرنا كحليفه الأكبر بالشرق الأوسط.
اسرائيل: كانت راضية تماما عن احتفاظها بسيناء و بتعتبرها منطقة عازلة و آمنة بعيدا عن الخطوط المصرية و بنت خط بارليف لزيادةالأمان.
الدول العربية: مفيش جيوش بالمعنى الحقيقي لكلمة جيش و لكن فى وعود بالدعم و التحفيز
-١٣٠تابع

مصر: جيش بيستعد و شعب بيغلى و قيادة بين شقى الرحى
أدرك السادات انه امام تحدى غير اعتيادى لما نقول انه كان عارف موقعه فى أذهان المصريين بعد رحيل الرئيس جمال عبدالناصر و انه لنيحظى بالقبول فى الشارع الا بعد تحقيق النصر و اجتياز التحدى اللى يشبه المعجزة. وعشان يقدر يعمل دا،
-١٣١👇🏼

ابتدا يرتب البيت من الداخل فكان لازم يواجه رجال عبدالناصر اللى كانوا بيسموا ب “مراكز القوى”واتخلص منهم بعد تقديهم لإستقالات جماعية وأطلق جملتهالشهيرة
”الناس دى لازم تتحاكم بتهمة الغباء السياسي”
وانا بذكر هذه الواقعة عشان نعرف جانب من شخصية صانع القرار ونفهم كمان ازاى تعاطى
-١٣٢👇🏼

معاه جهازه التنفيذى بعد كدة وانطلق من هنا يخلع عن نفسه شخصية المسالم الى شخصية المهاجم.
أتفرغ السادات بشكل شبه كامل للقوات المسلحة وكان الروس هما الحليف الاستراتيجى لمصر ومصدر السلاح الرئيسى والوحيد تقريبا. كان المكلف من عبدالناصر بتعاقدات التسليح و زار موسكو عشانها مرتين
-١٣٣👇🏼

و كان أول المحتكين بمماطلة الروس لكن الدب الروسي مقراش شخصية السادات اللى مبتقفش عند الوعود و التسويفات و مش بتعترف غير بالانجازات المادية على الأرض، دا بخلاف انه مكنش يميل الىالافصاح عن مخططاته مسبقا و يهوى إتخاذ القرارات الجريئة بعيد عن الزخم. و سأل السادات قواته
-١٣٤تابع

عن مدى تأثر الجيش فى حالةالإستغناء عن الخبراء الروس وأكدوا انهم على جاهزية تامة وتدريب عالى بدون الحاجة للخبراء الروس. و من الواضح من المصادر ان السادات كان عنده 3 اسباب اقوى من بعض عشان يقدم على طرد حلفاؤه بالشكل دا.
اول سبب كان مماطلة الروس فى إمداده بالسلاح اللى يمكنه
-١٣٥تابع

من استرداد الأرض او حتى وضع خطة.
تانى سبب كان رغبته فى اثبات جدية للجانب الأمريكى و مغازلته لها على حساب الروس فى مقابل تدخلها لانسحاب اسرائيل من سيناء.
و تالت سبب انه يكشر عن انيابه للروس لدفعهم إعطاءه السلاح المطلوب فى حالة عدم تحرك الأمريكان.
-١٣٦تابع

و إتنقل عن هنرى كيسنجر انه سخر من السادات و قال انه كان مستعد يدفع مبالغ طائلة مقابل طرد الروس من مصر الاانه هو كمان مقراش السادات و اعتبر نفسه حصل على #مصر مجانا و اللى اثبتت عكسه الأحداث المتلاحقة بعد كدة.
المهم القطيعة مطولتش، ونجح الطرفين فى الحفاظ على شعرة معاوية
-١٣٧تابع

بدليل النتائج اللى حققتها زيارة الدكتور عزيز صدقى رئيس الوزراءالمصرى لموسكو فى أكتوبر 1972،واللى استعرضها المشير سعدالدين الشاذلى فى كتابه ووصفها بأنها حققت نجاحا كبيرا، «وتمثل ذلكفيما وعد السوفيت به مصر بإمدادها باسلحة متقدمة لم يسبق إمدادنا بها من قبل،ومنها: أسراب ميج 23
-١٣٨👇🏼

وسوخوى 20، ولواء صواريخ سطح ــ سطح لمدى 300 كم».
وفى لقاء مسجل للسادات هناخد كلام قاله: الاتحاد السوفيتي أبلغنى خلال زيارتى لموسكو قبل حرب أكتوبر أنه “لا مساس بحدودإسرائيل وهي حدود 1967″،ولذلك اعتبر أن “اسرائيل حقيقةقائمة ولا مساس بها“،وما قيل عن القاء إسرائيل في البحر
-١٣٩👇🏼

مزايدة أنا غيرمستعد لخوضها،فإسرائيل بحدود 67حقيقة قائمة،ومن يريد تغييرها فليتفضل لكنني لن أجازف بمصر ومقدرات شعبها من أجل مزايدات.
من بعد التصريح دا من الروس كان بمثابة مؤشر جديد على“عدم جدوي التحالف معهم”و رايحين للحرب بحليف “أعوج”
ودا هيظهر فى تحركاتهم على الصعيد السياسي
-١٤٠👇🏼

العسكرى القادم:
وناخد الكلام من اللواء ناجي شهود،المستشار بأكاديمية ناصر العسكرية، وأحد أبطال حرب أكتوبر “مصر طلبت من الدول بعض الأسلحةفى حرب73
ولكن الاتحاد السوفيتي أعطى لمصر الأسلحة المناسبة له وليست المناسبة لمصر
وجميع الدول كانت تؤكد أن الحل سيكون سياسي ولن تحدث حرب
-١٤١تابع

ولذلك لم يعطوا مصر الأسلحة المناسبة” وكشف أن السادات كان يعلم أنه يحتاج لغطاء جوي لشن حرب أكتوبر،والجميع رفض مساعدته لتأمين القوات المصرية شرق القناة،لذلك طلب من القوات المسلحة أن يعبروا شرق القناة، قائلا:“خدوا شبرواحد من الأرض،ومحدش يرجع منه
تراجع الدول فى مد مصر بالأسلحة
-١٤٢👇🏼

لم يكسر عزيمة المصريين، وأن المصريين حرصوا على المرور بـ170 كيلو، بأسلحة دفاعية وليست هجومية، ورغم ذلك استطاعوا الوصول للهدف المرسوم”
الكلام اللى اتقال من اللواء شهود و آخريين عن شح الإتحاد السوفيتى و حجب السلاح عن مصر دفع القيادة العسكرية انها تكثف إعتمادها
-١٤٣تابع

على العنصر البشرى المصرى وتطلع منه أفضل طاقاته وناخذ نموذج من أحد الأسلحة اللى تقريبا لم يتم القاء الضوء عليهابشكل كبير و لها دور عظيم فى النصر و هو سلاح “الدفاع الجوى“
*ونعرف سلاح الدفاع الجوى عشان الناس بتخلط ما بينه و بين الطيران من تعريف اللواء مجدى بدر لواء دفاع جوى
-١٤٤👇🏼

و من أبطال حرب أكتوبر.@magdybadr3
قال: الدفاع الجوى دا بيتكون من محطات الصواريخ والمدفعيات ومحطات الرادار و بتكون محطات الصواريخ فى دشم تحت الأرضلحمايتها من طيران العدو اما الظاهر فوق السطح فيوجد قواذف للصواريخ واجهزة الرادار. دور الدفاع الجوى هو اعتراض الطيران المعادى
-١٤٥👇🏼

وتدميره وعدم السماح له بدخول سماء مصر و حماية المنشأت الحيوية
أبسطها أكتر:”هما دول اللى بيرصدو الطيران المعادى فى الجو وبيقومو بقصفه بالصواريخ بعد ما شاشات الرادار تلقطه”
ودا من أهم الأسلحة اللى كانت محتاجة دعم كبير قبل 73واللى اتبنى عشانها حائط الصواريخ واستشهد فيه آلالاف
-١٤٦👇🏼

من المدنيين جنب العسكريين
و نذكر الأتى عن أحد النجاحات اللى تتسجل داخل حرب أكتوبر من نفس السلاح اللى أخدناه كمثال على ادارة الجيش:
في سنة 1972 مكانش يتوقع الدكتور محمود يوسف سعادة رئيس قسم الهندسة الكيميائية والتجارب نصف الصناعية في المركز القومي للبحوث
-١٤٧تابع

ان قرار الرئيس أنور السادات بطرد الخبراء السوفييت من مصر، هيترتب عليه أنه يكون له دور في مرحلة ما بعد الخبراء الروس، ويتم تكليفه بإنتاج بديل مصري لوقود الصواريخ قبل حرب أكتوبر، يا لا الهول!
واتلقى سعادة مكالمة من اللواء محمد علي فهمي، بيطالبه فيها الأخير بابتكار وقود بديل
-١٤٨👇🏼

بعد وقف الاتحاد السوفييتي توريد وقود للصواريخ، و طبعا شكل سعادة بسرعة فريق بحثي من قسم الهندسةالكيماوية اتكون من 4 باحثين بعد ما شرح لهم أهمية البحث.
في البداية طلب الدكتور سعادة أن ترسل له في المركز عينتين من وقود الصواريخ، واحدة لوقود منتهي الصلاحية والتانية لوقود صالح،
-١٤٩👇🏼

ومع مواصلة الليل بالنهار عشان الوقود دا يولع في طيارات اسرائيل،
فوجئ الفريق فهمي بعد خمس أيام فقط بالدكتور محمود سعادة بيبلغه أنه تمكن مع معاونيه من حل شفرة الوقود ومعرفة العناصر المكونة له، ونسبة كل عنصر بالتحديد!!
“أنه العنصر البشرى المصرى يا سادة“
-١٥٠تابع

وبعد ثلاثة أسابيع نجح الدكتور سعادة في إنتاج عينة أولية من الوقود، وأخذها لقيادة الدفاع الجوي، وقام الضباط في وجود قائد القوات بملء أحد الصواريخ بالوقود، وقاموا بتجربة إطلاق ناجحة للصاروخ،
و من شدة فرحتهم بنجاح التجربة شالو الدكتور سعادة على اكتافهم ولفو بيه
-١٥١تابع

و بعد كدة نجح فى خلال شهر واحد بس في استخلاص 240 لترا من الوقود الصالح من الوقود المنتهي الصلاحية الموجود بالمخازن،
وكان لا بد من استثمار النجاح دا،فتم تكليف خلية نحل اخرى؛جهاز المخابرات العامة بإحضار عينة من الوقود السوفييتى من دولة تانية ومقارنته بالعينةالمصنعة في مصر،
-١٥٢تابع

وتم استيراد مكونات الوقود كمواد كيميائية أولية، وبالعمل المتواصل داخل المركز القومي للبحوث وبالتعاون معالقوات المسلحة تم إنتاج 45 طن من وقود الصواريخ «أرض–جو» دفاع جوي،
وبكدة أصبح الدفاع الجوي المصري في كامل الاستعدادلتنفيذ دوره المخطط له في عملية الهجوم.
-١٥٣تابع

وبلا أدنى شك يعتبر نجاح الدكتورمحمود سعادة في تخليق الوقود المصري للصواريخ أحد أهم أسباب نجاح حائط صواريخ الدفاع الجويالمصري في تدمير 326طائرة إسرائيلية في أكتوبر1973
مش هقدر اسرد كل تجارب النجاح فى مختلف الأسلحةالمصرية فى الحرب
لكن نقدر نقيس على النموذج دا حاجتين مهمين:
-١٥٤👇🏼

الأول: قرارات القيادة فى الحرب دى كانت قايمة على حسابات العلم و القدرة الدفاعية والتكتيك وحسن توظيف امكانيات العنصر البشرىالمصرى. و دا عشان يتم الاعتماد عليه مع جيش انهزمنا منه فى 48 و كمان فى 67 ،و مدعوم من أكبر قوة عظمى سخية معاه فى السلاح،كان يعتبر نوع من أنواع الجسارة
-١٥٥👇🏼

من الإدارة العسكرية المصرية تحسب لرصيد الجيش المصرى وقيادته.
التانى: الجيش المصرى كانت له امكانيات فنية إتخلقت مخصوص عشان تخدم المعارك المتوقعة مع العدو بغض النظر عن امكانيات التسليح و التمويل او حتى توقيت الحرب بمعنى أدق الجيش بلواءاته المختلفة و رجاله من محاربين او فنيين
-١٥٦👇🏼

او حتى ضباط احتياط كانوا مؤمنيين ان الحرب جاية لا محالة و عندهم الإستعداد لعمل كل شيء ممكن او غير تابع لحسابات القوة اللى روج لها جيش الدفاع الإسرائيلى او الاعلام الامريكى اليهودى او التهديدات السوفيتية المعيقة.
باختصار “المصريين عندهم إرادة النصر“
-١٥٧تابع

كدة نروح لخلية أخرى من خلايا صناعة الحرب و هى الوزارة المصرية فى بدايات 1973
وناخد كلام وزير خارجية مصر أثناء الحرب من كتابه
“التفاوض من اجل السلام فى الشرق الأوسط”
الوزير اسماعيل فهمى، ونفضل حافظين الإسم دا كويس عشان هنحتاج لشهادته فى الحلقات القادمة وهيطول معانا شوية.
-١٥٨تابع

قال سيادة الوزير،ان السادات اتناقش معاه عن فكرة الحرب وطلب منه تصور لشكل الحرب والتوقيت الأمثل وحجم الدور الدبلوماسي فيها.
ثم تطور الأمر الى إرساله لوزير الدفاع عشان يتناقشوا في التصورات دى ويرجعوا يعرضوا عليه نتيجة مباحثتهم وبعدها زاد عدد المشاركين فى مناقشة
“مشروع الحرب”
-١٥٩👇🏼

الى ان شمل الوزراء كلهم
اجتمع السادات بمجلس وزراءه وفتح باب النقاش للجميع وبحسب السيد فهمى المناقشة كانت غير مجدية لكن طلع الإجتماع بالإجماع اننا رايحين الحرب ومعندناش حلول سياسية ولا دعم دولى يذكر
وهما 3اختيارات ادام مصر عشان ترجع الأرض لكن كلهم اولهم الحرب وأخرهم التفاوض
-١٦٠👇🏼

وهنقول ال٣ إختيارات اللى كانوا مطروحين عشان نعرف بعد كدة نكون حكمنا على إختيارات القيادة السياسية ايامها:
الإختيار الأول:الحرب الشاملة التى تشن بالتنسيق مع كل دول المواجهة العربية بحيث توجه ضربة رادعة على كل الجبهات على أن تواصل القوات القتال العنيف لمدة لا تقل عن4اسابيع
-١٦١👇🏼

متتالية لإن اسرائيل لا تستطيع صد حرب من جبهات متعددة لمدة طويلة لا إقتصاديا و لاعسكريا .
ويشترط ان لا تبدأ مصر بالهجوم الا بعد الإستعداد و التنسيق الشامل مع كافة الجبهات العربية وايضا التأكيد على الجاهزيةالقتالية. ثم يأتى العالم ليتفاوض مع العرب من اجل وقف اطلاق النار
-١٦٢تابع

و استعادة ضخ النفط لكن الأرض هتكون مضمونة قبل التفاوض.
الإختيار الثانى: القيام بعملية عسكرية محدودة لا تهدف الى إستعادة الأرض وإنما لتحريك المياة الراكدة فى الرأي العام العالمى بدرجةكافية للسعى جاهدا من اجل السلام فى الشرق الأوسط.وكان ايضا هذا الحل ذو تكلفة عويصة على الجيش
-١٦٣👇🏼

و غير مضمون النتائج و قد لايكون مؤثرا لتحقيق الهدف المرجو منه و ممكن نتفاوض وقت طويل و لا نصل للأرض.
الإختيار الثالث: حرب إستنزاف جديدة و هذا ما رفضه السادات شكلا و موضوعا و اعترض حتى على مناقشته لان الحل دا كلف مصركتير و طويل الأمد و لن يسترجع الأرض فى الأغلب.
-١٦٤تابع

وبكدة نكون عرفنا احنا اختارنا الحل الأول ليه
ندخل الحرب العربية الإسرائيلية الرابعة اللى شنتها مصر وسوريا على إسرائيل فى1973م. بدأت الحرب في يوم السبت 6أكتوبر1973الموافق10رمضان1393هـ بهجوم مفاجئ من الجيش المصري والسوري على القوات الإسرائيلية اللى كانت في سيناءوالجولان
-١٦٥تابع

وساهم في الحرب بعض الدول العربية سواء عسكريا او اقتصاديا
لو انت مصرى الحرب بالنسبة لك اسمها حرب أكتوبر أو حرب العاشر من رمضان
ولو سورى هيبقى اسمها“حرب تشرين التحريرية”
امالو البعيد إسرائيلى هيكون اسمها “حرب يوم الغفران”او “الكيبور“
الحرب بدأت لما شنت مصر وسوريا هجوم متزامن
-١٦٦👇🏼

على إسرائيل الساعة 2ظهر يوم 6 أكتوبر اللي كان بيوافق عيد الغفران اليهودي، هاجمتالقوات السورية تحصينات وقواعد القوات الإسرائيلية في مرتفعات الجولان، وهاجمت القوات المصرية تحصينات إسرائيل بطول قناةالسويس وفي عمق شبه جزيرة سيناء
ونجحت مصر في اختراق خط بارليف خلال ست ساعات فقط
-١٦٧👇🏼

من بداية المعركة،بينما دمرت القوات السورية التحصينات الكبيرة اللي أقامتها إسرائيل في هضبة الجولان، وحقق الجيش السوري تقدمًا كبيرًا في الأيام الأولى للقتال واحتل قمةجبل الشيخ وقدر يربك الجيش الإسرائيلي لبضعة ايام لكن الوضع على الجبهة المصرية كان اخطر من كدة بكتير و طول اكتر
-١٦٨👇🏼

من كدة بكتيرو كسر عضم القوات اللإسرائيلية اكتر من كدة بكتير…
هستفيض فى شرح الجبهة المصرية عشان نحاول نقرب الصورة للقارئ و نعرفه الجيش اللى تم تدمير 80% من امكانياته ازاى قدر فى ست سنين بس يحقق الإنتصار بالرغم من الضغوط و الحصار عليه و دا مجمع من مصادر مختلفة
-١٦٨تابع

وشهادات حية لأصحاب الحدث أنفسهم ولكن أخص بالذكر المجموعة 73 مؤرخين و اللى ذكروا الاتى:
تشكيلات القوات المصرية المشاركة فى الحرب:
حشدت مصر 300,000 جندي في القوات البرية والجوية والبحرية. وتألفت التشكيلات الأساسية للقوات البرية من 5 فرق مشاة و3 فرقمشاة آلية وفرقتين مدرعتين
-١٦٩تابع

إضافة إلى لواءان مدرعان مستقلان و4 ألوية مشاة مستقلة و3ألوية مظليين مستقلة. وكانت خطة الهجومالمصرية تعتمد على دفع 5 فرق مشاة لاقتحام خط بارليف في 5نقاط مختلفة واحتلال رؤس كبارى بعمق من 10-12كم وهي المسافة المؤمنةمن قبل مظلة الدفاع الجوي.على السطح في حين تبقى فرقتان مدرعتان
-١٧٠👇🏼

وفرقتان ميكانيكيتان غرب القناة كاحتياطي تعبوي فيما تبقى باقىالقوات في القاهرة بتصرف القيادة العامة كاحتياطي استراتيجي
القوات الجوية المصرية تمتلك 305 طائرة مقاتلة وبإضافة طائراتالتدريب يرتفع هذا العدد إلى 400 طائرة. مروحيات القوة الجوية تتألف من 140طائرة مروحية فيما تمتلك
-١٧١👇🏼

قوات الدفاع الجوي نحو 150كتيبة صواريخ أرض–جو. القوات البحرية المصرية تمتلك 12غواصة و5 مدمرات 3فرقطات 17زورق صواريخ 14كاسحة ألغام، وبالرغم من أن البحرية المصرية لم تشترك في الحرب بشكل مباشر إلا أنها فرضت حصار بحري على إسرائيل بإغلاق مضيق باب المندب بوجه الملاحة الإسرائيلية
-١٧٢👇🏼

شكل الجبهة اللإسرائيلية:
الدفاعات الإسرائيلية(خط بارليف)أنفق الإسرائيليون 300 مليون دولار لإنشاء سلسلة من الحصون والطرق والمنشآت الخلفية أطلق عليهااسم خط بارليف ولقد امتدت هذه الدفاعات أكثر من 160كم على طول الشاطئ الشرقي للقناة من بور فؤاد شمالا إلى رأس مسلة علىخليج السويس
-١٧٣👇🏼

وبعمق 30-35 كم شرقاً. وغطت هذه الدفاعات مسطحا قدره حوالي 5,000 كم² واحتوت على نظام من الملاجئ المحصنةوالموانع القوية وحقول الألغام المضادة للأفراد والدبابات. وتكونت المنطقة المحصنة من عدة خطوط مزودة بمناطق إدارية وتجمعات قوات مدرعةومواقع مدفعية، وصواريخ هوك مضادة للطائرات،-١٧٤👇🏼

ومدفعية مضادة للطائرات، وخطوط أنابيب مياه، وشبكة طرق طولها 750 كم. وتمركزتمناطق تجمع المدرعات على مسافات من 5 – 30كم شرق القناة. كما جهز 240 موقع للمدفعية بعيدة ومتوسطة المدى. وطبقاً لما قاله موشيهدايان كانت القناة في حد ذاتها،واحدة من أحسن الخنادق المضادة للدبابات المتاحة
-١٧٥👇🏼

وفوق الجوانب المقواة للقناة، أنشأ الإسرائيليون ساترترابي ضخم امتد على طول مواجهة الضفة الشرقية للقناة بدءاً من جنوب القنطرة. وكان ارتفاع الساتر يراوح بين 10 م، 25 م، واستخدمكوسيلة لإخفاء التحركات الإسرائيلية، وصُمّم ليمنع العبور بالمركبات البرمائية بفضل ميله الحاد.
-١٧٦تابع

خطة الهجوم:
الضربة الجوية في تمام الساعة 14:00 من يوم 6 أكتوبر 1973 نفذت القوات الجوية المصرية ضربة جوية على الأهداف الإسرائيلية خلف قناة السويس. وتشكلت القوة من 200 طائرة عبرت قناة السويس على ارتفاع منخفض للغاية.
وقد استهدفت الطائرات محطات التشويش والإعاقة
-١٧٧تابع

وبطاريات الدفاع الجوي وتجمعات الأفراد والمدرعات والدبابات والمدفعية والنقاط الحصينة في خط بارليف ومصاف البترول ومخازن الذخيرة
وكان مقرر أن تقوم الطائرات المصرية بضربة ثانية بعد تنفيذ الضربة الأولى إلا أن القيادةالمصرية ألغت الضربة الثانية بعدالنجاح الذي حققته الضربة الأولى
-١٧٨👇🏼

وإجمالي ما خسرته الطائرات المصرية في الضربة هو 5 طائرات
العبور (عملية بدر) حدد الجيشان المصري والسوري موعد الهجوم للساعة الثانية بعد الظهر بعد أن اختلف السوريون والمصريون على ساعةالصفر. ففي حين يفضل المصريون الغروب يكون الشروق هو الأفضل للسوريين، لذلك كان من غير المتوقع
-١٧٩تابع

اختيار ساعات الظهيرة لبدءالهجوم،وعبر القناة8,000من الجنود المصريين، ثم موجتا العبور الثانيةوالثالثة ليصل عدد القوات المصرية على الضفة الشرقيةبحلول الليل إلى60,000جندي،في الوقت الذي كان فيه سلاح المهندسين المصري يفتح ثغرات في الساتر الترابى باستخدام خراطيم مياةشديدة الدفع
-١٨٠تابع

في إسرائيل دوت صافرات الإنذار في الساعة الثانية لتعلن حالة الطوارئ واستأنف الراديو الإسرائيلي الإرسال رغم العيد. وبدأ عملية تعبئة قوات الاحتياط لدفعها للجبهة.
انجزت القوات المصرية في صباح يوم الأحد 7 أكتوبر عبورها لقناة السويس وأصبح لدى القيادة العامة المصرية 5 فرق مشاة
-١٨١تابع

بكامل أسلحتها الثقيلة في الضفة الشرقية للقناة، وانتهت أسطورة خط بارليف الدفاعي.
وقد واصلت القوات المصرية تدعيم روؤس الكباري لفرق المشاة الخمس كما قامت بسد الثغرات التي بينها وبين الفرق المجاورة داخل كل جيش طيلة يوم 7 أكتوبر وبحلول يوم 8 أكتوبر اندمجت الفرق الخمسة
-١٨٢تابع

في رأس كوبريين في جيشين.وكان رأس كوبري الجيش الثاني يمتدمن القنطرة شمالا إلى الدفرسوار جنوبا أما رأس الكوبري الجيش الثالث فيمتد من البحيرات المرة شمالا إلى بور توفيق جنوبا وكان هناكثغرة بين رأسي الكوبري للجيشين بطول30-40 كيلومترا في أثناء ذلك دعمت القوات الإسرائيلية موقفها
-١٨٣👇🏼

على الجبهة ودفعت بـ5 ألوية مدرعةليصل مجموع القوات المدرعة الإسرائيلية في سيناء إلى 8 ألوية مدرعة. وكانت تقديرات المخابرات المصرية قبل الحرب تشير أن الهجومالمضادة الإسرائيلي سوف يبدأ بعد 18ساعة من بدأ الهجوم المصري بافتراض أن إسرائيل ستعبأ قواتها قبل الهجوم بحوالي 6-8 ساعات
-١٨٤👇🏼

ومعنى ذلك أن الهجوم المضاد الرئيسي سيكون في صباح الأحد 7أكتوبر إلا أن الهجوم الإسرائيلي لم ينفذ إلى مع صباح يوم 8أكتوبر
الهجوم المضاد الإسرائيلي مع اطلاله صباح يوم 8أكتوبر نفذت القوات الإسرائيلية هجومها المضاد حيث قام لواء إسرائيلي مدرع بالهجوم على الفرقة 18مشاة المصرية
-١٨٥تابع

كما نفذ لواء مدرع إسرائيلي آخر هجوما على الفرقة الثانية مشاة وقد صدت القوات المصرية الهجمات.وبعدالظهيرة عاودت إسرائيل الهجوم بدفع لواءين مدرعين ضد الفرقة الثانية مشاة وفي نفس الوقت يهاجم لواء مدرع الفرقة 16مشاة ولم تحقق الهجمات الإسرائيلية أي نجاح. في 9أكتوبر عاودت إسرائيل
-١٨٦👇🏼

هجومها ودفعت بلواءين مدرعين ضد الفرقة 16 مشاة وفشلت القوات الإسرائيلةمرة أخرى في تحقيق أي نجاح. ولم يشن الإسرائيلون أي هجوم مركز بعد ذلك اليوم. وبذلك فشل الهجوم الرئيسي الإسرائيلي يومي 8 و9 أكتوبر من تحقيق النصر وحافظت فرق المشاة المصرية على مواقعها شرق القناة.
-١٨٧تابع

وفي الساعة ال٨صباحا بتوقيت واشنطن (ال٣عصرا بتوقيت القاهرة) من يوم الثلاثاء 9أكتوبر أجتمع السفير الإسرائيلي في واشنطن مع وزير الخارجية الأمريكي كيسنجر في البيت الأبيض ليطلعه عن تفاصيل الحرب وتحديد احتياجات إسرائيل من الأسلحة الأمريكية، وقد أطلع كيسنجر خلال اللقاء عن خسائر
-١٨٨تابع

إسرائيل التي بلغت 500دبابة منها 400على الجبهة المصرية أضافة إلى خسارة 49طائرة على الجبهتين وطلب السفير من كيسنجر الابقاء علىسرية هذه الأرقام وعدم اطلاع أحد عليها سوى الرئيس.
تطوير الهجوم مع اطلاله صباح 8أكتوبر نفذت القوات الإسرائيلية هجومها المضاد حيث قام لواء إسرائيلي
-١٨٩تابع

مدرع بالهجوم على الفرقة18مشاة كما نفذ لواء مدرع إسرائيل هجوما على الفرقة ال٢ مشاة وقد صدت القوات المصرية الهجمات.وبعد الظهيرة عاودت إسرائيل الهجوم بدفع لواءين مدرعين ضد الفرقة الثانية مشاة وفي نفس الوقت يهاجم لواء مدرع الفرقة 16مشاة ولم تحقق الهجمات الإسرائيلية أي نجاح
-١٩٠تابع

في 9 أكتوبر عاودت إسرائيل هجومها ودفعت بلواءين مدرعين ضد الفرقة 16مشاة وفشلت مرةأخرى في تحقيق أي نجاح. ولم يشن الإسرائيلون أي هجوم مركز بعد ذلك اليوم. وبذلك فشل الهجوم الرئيسي الإسرائيلي فى 8 و9 أكتوبرمن تحقيق النصر وحافظت فرق المشاة المصرية على مواقعها شرق القناة
-١٩١تابع

وفي الساعة الثامنة صباحا بتوقيت واشنطن (الثالثة عصرابتوقيت القاهرة) من يوم الثلاثاء 9 أكتوبر أجتمع السفير الإسرائيلي في واشنطن مع وزير الخارجية الأمريكي كيسنجر في البيت الأبيضليطلعه عن تفاصيل الحرب وتحديد احتياجات إسرائيل من الأسلحة الأمريكية،
-١٩٢تابع

وقد أطلع كيسنجر خلال اللقاء عن خسائر إسرائيل التي بلغت500 دبابة منها 400 على الجبهة المصرية أضافة إلى خسارة 49 طائرة على الجبهتين وقد طلب السفير من كيسنجر الابقاء على سرية هذه الأرقام وعدم اطلاع أحد عليها سوى الرئيس
-١٩٣تابع

القوات المصرية عبرت الضفة الشرقية لقناة السويس.
و هتوقف لحد هنا مصر كانت مكتسحة الجبهة تماما و قامت بدك العدو دكا و هاخد اللقطة من الاعترافات للقادة الإسرائيلين بالهزيمة والعار و الانكسار دوما يا رب
ونبدا برئيسة وزراء اسرائيل جولدا مائير و هى بتعترف فى مذكراتها
-١٩٤تابع

اللى نزلت بعنوان “حياتى“:
“كان التفوق علينا ساحقًا من الناحية العددية سواء من الأسلحة أو الدبابات أو الطائرات أو الرجال.. كنا نقاسى من انهيار نفسى عميق.. لم تكن الصدمة فى الطريقة التى بدأت بها الحرب فقط، ولكنها كانت فى حقيقة أن معظم تقديراتنا الأساسية ثبت خطؤها،
-١٩٥تابع

فقد كان الاحتمال فى أكتوبر ضئيلا.. وكان يقيننا بأننا سنحصل على الإنذار الكافى قبيل الهجوم، وكنا نؤمن بأن فى استطاعتنا منع المصريين من عبور قناةالسويس“
بس لحسن الحظ دا محصلش لأن الجاسوس المكلف بإبلاغهم عرف إن المعاد كان6 المغرب مش 2الضهر
ودا كان جزء من خطةالخداع الإستراتيجى
-١٩٦👇🏼

اللى نفذتها القيادة المصرية .
أفادت صحيفة “يديعوت أحرونوت” العبرية ببعض تفاصيل من أرشيف الجيش الإسرائيلي،
بأن المسؤولين الإسرائيليين (سياسيون وعسكريون) تخوفوا من مجئ نهاية دولتهم، على خلفية مفاجأة الجيش المصري واقتحام خط “بارليف“، ودخول الضفة الشرقية لقناةالسويس،
-١٩٧تابع

واستعادة شبه جزيرة سيناء. وبلسان رئيس هيئة الأركان الإسرائيلي، الجنرال ديفيد أليعازر، أن بلاده “تخشى من الانسحاب وترك السلاح“،
وبأن كل التقارير السابقة ليوم ال٦من أكتوبر كانت تشير إلى انخفاض احتمالات اندلاع حرب بين مصر وإسرائيل. وأن القادة العسكريين حاولوا شحذ همم
-١٩٨تابع

جنودهم وضباطهم في أرض المعركة، بعد خسارتهم أمام الجيش المصري بالقول:
وأكدت الصحيفة العبرية أن أرشيف الجيش الإسرائيلي يؤكد أن
موشيه دايان، وزير الدفاع إبان الحرب، تخوف وبقوة، من فناء دولته،وبقائها دون سلاح أو دون من يدافع عنها، ودون طائرات ودبابات، وخشي من
-١٩٩تابع

أن يحيط العرب بإسرائيل من كل جانب.
يشار إلى أن العنوان الرئيسى للصحيفة جاء كالتالي: “العرب يحيطون بنا من كل جانب”
ودا كلام صفحة الحكومة الاسرائيلية عن الحرب
حقّق الجيشان المصري والسوري بعض الإنجازات الهامة فإنّ حرب يوم الغفران دخلت تأريخ إسرائيل كإخفاق خطير بسبب المفاجأة
-٢٠٠👇🏼

إذ ان الحرب كبدت إسرائيل ثمنًا باهظَا بمقتل 2،688 جنديًا إسرائيليًا.
فقد اتُهمت أجهزة الاستخبارات الاسرائيلية بالعجز عن توفير الإنذار في الوقت المناسب– واضطرّ رئيس هيئة الأركان دافيد إيلْعَزار ورئيس هيئة الاستخبارات في جيش الدفاع إلى الاستقالة. وتم خلال الحرب
-٢٠١تابع

إسقاط طائرات إسرائيلية نتيجة لتعرضها لإطلاق صواريخ وفقدت 265 دبابة إسرائيلية في النسق الأول لم تبق إلا 100دبابة صالحة للخدمة
خلصت حلقتنا لكن لسة مخلصناش حكايةهزيمتهم ولا سردنا كافة انكسارتهم
لكن وعد الحلقة الجاية هنشوف المجتمع الإسرائلي بينزف عار ويشلب صراخ منكم يامصريين
-٢٠٢👇🏼

و نختم الحلقة ببيان العبور عشان الحلقة الجاية هنكمل بس الحلقة دى مينفعش تتختم بأحلى من كدة
“أيها الأخوة المواطنون:
البيان رقم 7 الذى صدر عن القيادة العامة للقوات المسلحة بتاريخ السادس من أكتوبر سنة 1973 .
بسم الله الرحمن الرحيم
نجحت قواتنا المسلحة فى عبور قناة السويس
-٢٠٣تابع

على طول المواجهة، وتم الإستيلاء على منطقة الشاطئ الشرقى للقناة.وتواصل قواتنا حالياقتالها مع العدو بنجاح.كما قامت قواتنا البحرية بحماية الجانب الأيسر لقواتنا على ساحل البحر الأبيض المتوسط. وقد قامت بضرب. الأهداف الهامة للعدو على الساحل الشمالى لسيناء،وأصابتها إصابات مباشرة.
-٢٠٤👇🏼

هنا القاهرة“
والحلقة الجاية انتصارات على طول خط المواجهة مع مزيج من المفاوضات والكثير من الأسرار والحقايق. والى أن نلتقى برجاء إقامةالإحتفالات فى القاهرة لتصم آذان من هم فى تل أبيب.
من موقع مجلة مصر
بقلم
#شيرين_هلال
استنو الحلقة الخامسة
وعاش اللى قال للرجال عدو القنال🇪🇬💪
-٢٠٥