50 عام على رحيل جمال عبد الناصر
ثريد طويل شوية
انا مواليد 81 .. قضيت 30 سنة من عمري تحت حكم حاكم واحد.. فتحت عينى على مكتبة والدي الاستاذ الجامعى اللى مليانة كتب من اليمين واليسار .. قضيت طفولتى ساذج مندهش من اجلال ماما لك ولذكراك وباعتبارها كانت فى صندوق دعم صناعة الغزل
ثريد طويل شوية
انا مواليد 81 .. قضيت 30 سنة من عمري تحت حكم حاكم واحد.. فتحت عينى على مكتبة والدي الاستاذ الجامعى اللى مليانة كتب من اليمين واليسار .. قضيت طفولتى ساذج مندهش من اجلال ماما لك ولذكراك وباعتبارها كانت فى صندوق دعم صناعة الغزل
كانت بتعيط لما تسمع شركة جديدة من شركات الغزل بتتباع .. تقول اللى عمله عبد الناصر فى سنين بيهدوه فى ساعات .. بابا فى نفس الوقت كان بيرفض عقود عمل فى الخليج وهمية وعلى بياض ويقول لى "اعلم فى ولاد بلدي ..انا بقيت استاذ جامعة واتعلمت ببلاش بعد ما البلد تعلمنى اطلع اربى ولاد تانية"
كبرت بقى وعرفت وفهمت.. فهمت ان جدى سواق التاكسى ماكنش حيعرف يخلى ابنه استاذ جامعة غير بسببك وان عماتى اتعلموا بسببك .. خالى نفسه الله يرحمه كان بيسيب كل انجازاته العلمية كأحد اساطير علم المحاسبة فى مصر ويفتخر بس بصورته معاك وانت بتكرمه قبل ما يبقى استاذ جامعة
جدى التانى كان ترزى خلف 2 محاسبين وكيميائية ومدرسة واستاذ جامعة كلهم بقوا كدة بسببك برده.فى اول شركة اشتغلت فيها اللى كان ماسك الامن كان من كفر الدوار .. لما روحنا نعزى فى ابوه قالنا كان فى مرض الموت بيقولهم مشونى جنب سور الشركة ويعيط وهو بيحسس على سورها ويقول الله يرحمك يا ناصر
مش باتكلم على سياسة مش باتكلم على مانديلا فى جنوب افريقيا ولا جيفارا وكاسترو فى كوبا ولا الاباء المحررين فى افريقيا كلهم .. مش باتكلم عن انك فضلت بطاقة تعريفنا سنين بعد وفاتك.. مش باتكلم على اعداءك اللى اعترفوا بعظمتك مجبرين .. باتكلم عن ناس عادية شوفتهم وسمعتهم
ناس اتأثروا بيك ومستقبلهم وشغلهم اتعمل بسببك.... جزاك الله عنهم وعنا كل خير..اجتهدت فأصبت واخطأت .. وخطأك الاكبر ان اللى عملته اتربط بيك انت بس مش بنظام يكمل بعدك...بس حتفضل جبل شاهق وحيفضلوا حوالك فئران
جاري تحميل الاقتراحات...