ثريد عن ممفد ومرحلة المراوحة (1/8):
عم يمرق لبنان حاليا بمرحلة مراوحة ظاهرية وصار صعب نشوف أي شي غير الانهيار الكامل بينما قوى السلطة متمسكة بفكرة إعادة احياء المنظومة القديمة ومتمسكة اكتر بحصتها من هيدي المنظومة.
عم يمرق لبنان حاليا بمرحلة مراوحة ظاهرية وصار صعب نشوف أي شي غير الانهيار الكامل بينما قوى السلطة متمسكة بفكرة إعادة احياء المنظومة القديمة ومتمسكة اكتر بحصتها من هيدي المنظومة.
بس للأسف أجندات الأحزاب والمجموعات يلي خارج السلطة بتوقف ضمن حدود المنظومة يلي منعرفها، ونادرا نشوف مجموعات معارضة فعلية، بمعنى مجموعات عم تشتغل على إعادة تكوين العلاقات الاجتماعية بالبلد، مع استبدال للروابط المهترية يلي مكبلة مجتمعنا حاليا.
نحن منعرف اننا أقلية وانو ح نضل اقلية بس عم نشتغل لتكون فعاليتنا كتير كبيرة،ونستغلها لتغيير المنظومة بدون ما نصير اكترية،يعني عملية جراحية.هيدا ممكن بس بأوقات القطيعة مع منظومة قديمة،لما يكون الباب مفتوح للتغيير والقوى الموجودة فاقدة لقدرتها على التعامل مع الواقع.
طبعا زيادة العدد وحشد الناس كتير مفيد، بس واقعيا ما ح يكون هو مصدر التغيير لأن تغيير منظومة العلاقات بتصير دايما من أقلية وإلا ما بتكون المنظومة الحالية مستمرة. يعني اجباري يكون التغيير من فوق لتحت، بمعنى الوصول للسلطة وفرض التغيير.
من هون بصير بناء القوة الذاتية لهيدي المعارضة، يلي ممفد هي نواتها حاليا، هو العمل الأساسي بمرحلة المراوحة الى حين زوال فرضية العودة لتسيير المنظومة، ووضوح عدم قدرة الموجودين على الاستمرار.
طبعا هيدا الشي الو عدة اشكال بس الثابت يلي لازم يضل ببالنا هو انو السياسات السريعة يلي عم نُطالب نعملها (شكل عمل المنظمات غير الحكومية) بتعطي إحساس بالانجاز يلي المواجهة السياسة الحقيقية ما بتعطي الا بعد زمن طويل ونادرا ما يحس في الشخص أساسا.
بناء معارضة قوية صعب بس طريقه معروفة. المعارضة هيدي هي عدد من الناس الصلبين الواثقين بنفسهن وببعض، وعندن المعرفة والجرأة والحرية، ومستعدين يواجهوا كرمال مجتمعهن. في ناس بتقول اننا بحاجة لمعجزة لنغيّر واقعنا، بس هيدي المعجزة هي الإرادة الجماعية.
وبالتالي على كل الناس يلي مهتمين يشوفوا معارضة حقيقية، اذا هني بلبنان او برا، يلتحقوا بمشروع عمل سياسي حقيقي ليصير عنا القدرة على التقدم. حركتنا بحاجة للكل ولحالنا ما منقدر نفرض تغيير. حكونا واشتغلوا معنا لنغيّر جدول الأعمال ونفرض حالنا كبديل قادر يتعامل مع واقعنا الجديد.
جاري تحميل الاقتراحات...