الخلط بين #الحساب_الجاري و #الحساب_الاستثماري هو اللي يخلي الواحد إمّا بخيل جدًّا ومقتر على نفسه مقابل التحول لتاجر كبير .. أو يبقيه طول عمره #تاجر صغير.
حسابك الجاري هو الحساب اللي تصرف منه على احتياجك وشؤونك الخاصة (مصروفات) .. وهو الحساب اللي مطلوب منك تدّخر منه 10% على الأقل للظروف الطارئه حتى لاتحتاج أن تتسلف من أحد 100 ريال آخر الشهر!
حسابك الجاري ماهو مطلوب منّك تنميته أو المحافظة عليه من النقصان .. بالعكس هو لمصروفاتك اليومية / الشهرية ومايفيض منه يمكن أن ترفّه به عن نفسك أو تنقل شيء منه للمدخرات أو للحساب الاستثماري .. والأمر فيه سعة :)
أما حسابك الاستثماري فهو الخط الأحمر ويمنع أن تلمس ريال واحد منه .. اصرف 1000 ريال من الجاري ولاتصرف ريال من الاستثماري! الريال الاستثماري وظيفته يجيب ريال ثاني بس .. ولنفرض أن في حسابك الاستثماري (1000 ريال) وخطتك التجارية هي أن تشتري سلعة بألف وتبيعها في مكان آخر بـ1200.
بعد 5 صفقات بيكون معك 2000 .. والآن بإمكانك شراء سلعتين بنفس الوقت قيمتها 2000 وبيعها بـ2400 .. وهذا والمبلغ سيكون في ازدياد دائم .. وعند وصوله لـ10.000 تبدأ بتوسيع مجال (مثلاً البحث عن منتج آخر ربحه أكبر) يعني هذا ربحه 20% لو لقيت منتج ربحه 30-40% فعندك مبلغ يسمح لك بشرائه.
ولايُفهم من قولي حساب استثماري أن تضعه في البنك .. ربما يكون حسابك الاستثماري في تجوري / درج / ظرف في البيت .. خاصة إذا المبلغ صغير .. وإذا كبر ممكن تحطه بحساب خاص.
بهذه الطريقة راح تتصرف باعتدال .. تعيش حياتك بشكل طبيعي من خلال الصرف من الحساب الجاري اللي غالبًا مصدره (الراتب) .. وتوسع تجارتك عن طريق إبقاء أرباح حسابك الاستثماري لرفع رأس المال.. وتذكر بأن البدايات دائمًا صغيرة وفيها خسائر لأنك قاعد تتعلم.. فلا تبدأ كبيرًا حتى لاتخسر كثيرًا.
الآن نرجع للأعلى .. لو خلطت هذين الحسابين فأنت إما أنك راح تاكل دخلك من التجاري وعندها لن تسمح بتوسيع تجارتك .. وإما أنك بتعامل الحسابين معاملة حساب استثماري وتقتر على نفسك .. صحّ بتكثر فلوسك بس بتعيش دون المستوى المناسب لوضعك وتكون خادم للمال بدل مايكون خادم لك :)
اللي يخلط بين هالحسابين ويعاملها معاملة الحساب الجاري هو #التاجر اللي له 30 سنة ماعنده إلا محل صغير في عامل واحد .. واللي يعامل كل فلوسه معاملة الاستثماري هو #الملياردير اللي ثوبه مشقق وعياله يقولون متى يموت ونورثه :)
جاري تحميل الاقتراحات...