📈 قانون غيّر حياتي كلياً:
❤️المبادرة
أنا كنت انسان يتردد في بعض الأمور خوفاً من ردة الفعل، أو الرفض، أو من الشخص نفسه!
حتى ترددت في منعطف مهم في حياتي وهنا كانت الطامة الكبرى لأني ضيعت فرصة كبيرة جداً فقط لتوهمي بشيء لم يكن له وجود!

بعدها دخلت في مرحلة قلق وخوف وندم شديدة! وكنت اقول "انا مستعد اندم من اليوم على اي شيء اسويه على اني اندم على شيء ما سويته". وعزمت من لحظتها اني ما أتردد في أي أمر اراه مناسباً لي. اي فرصة اشوفها مناسبة أغمض عيوني واقدم بدون خوف او تردد وانتظر النتيجة فقط.

والله اني بعد ما وقفت هذا التردد ٨٠٪؜ من الأشياء الي اطلبها تجيني،ودائماً ما يكون تخيلي عن الشيء خاطئ جداً. ف الصورة الوهمية اللي تبنيها لنفسك مو شرط تكون صح! واذا انرفضت جداً عادي. لا تضيع مزيد من الفرص فقط لخوفك من أمور وهمية في رأسك.

- عندك طلب من شخص؟ روح كلمه. عندك معاملة متردد فيها؟ روح كملها.
- عندك بنت تبي تخطبها وخايف يرفضوا؟ روح اخطبها.
- عندك مقابلة خايف تنرفض؟ جهّز نفسك وروح سويها.
- عندك مشروع؟ ياخي ابدأ فيه
"تلحلح" ع قولة أمي ☺️👍🏼