بنات تبون ثريد نصايح في السواقه و السيارات حسب خبرتي ؟ خفت اتحمس و اكتبه و يصير محد مهتم 😂
طيب ، اول شي بتكلم عنه هي فقرة اختيار السياره ، لا تعتمدين على نصايح اللي حولك او اللي تسمعينهم باليوتيوب 100٪ الاهم هو حاجتك انتي لهالسياره ، اكيد ان النصايح بتفيدك بس اهم شي تحددين وش غرضك من السياره بالضبط لان انتي اللي بتسوقينها مب الناس
النصيحه هذي مب لكم يالغنيات ههههه لان انتو مب محتاجين تحتارون اسم الله عليكم 😂 بس الطبقه المتوسطه و الكادحه لازم تختارين سيارتك بعنايه ليش ؟ لان بتبقى معك 5 سنين اقل شي
وش هدفك من شراء السياره ؟ وش يهمك من مميزات ؟ لان مو صحيح اشتري سياره فل كامل عشان السقف البانورامي و انا اسكن منطقه حاره و ما افتح السقف الا كل سنتين مره !
او اني ادفع مبلغ فل كامل عشان اضافة مثبت السرعه و انا ما اطلع برا المدينه كل سواقتي داخل المدينه ف كذا ما استفدت من مثبت السرعه الا الشكل !
و هكذا قيسي على كل المميزات ، هل فعلا بتحتاجينها ؟ هل فعلا يسوى ادفع هالمبلغ عليها ؟ لان الفرق بين النص فل و الفل الكامل مب بسيط غالبا بالذات مع وكلائنا الحراميه 😃
يعني مثلا زي نظام الاوتو بارك عشان يشتغل صح ! يحتاج مواقف مخططه غالبا و مكان مناسب و انتي بالسعوديه حبيبتي مب كل مكان مهيأ للباركنق ، و حتى و ان لقيتي مواقف مخططه و جيده ما تثقين بالنظام 100٪
و زياده على كذا انتي شريتي السياره بمبلغ و قدره عشان الاوتو بارك ، ترى خلال 3 شهور بتضطرين ترجعين ريوس مع السواقه و بتعرفين حدود سيارتك مع الممارسه و بتصيرين توقفينها و بتكونين اسرع من النظام اللي دافعه عليه مبلغ و قدره
و برضو نقطه مهمه بكل سياره فيه بطاقه كفاءة الطاقه اللي تعلمك هل السياره استهلاكها للبانزين عالي؟ متوسط ؟ ممتاز ؟ اقتصادي ؟ و هكذا ضروري تشيكين عليها لان البانزين كل ماله يصير اغلى هذي صورتها و تلقينها ملصقه بكل سياره
و برضو ضروري نعرف بانزين السياره وشو هل هو اخضر ؟ احمر ؟ صيانة السياره كل كم كيلو ؟
كلها بالكتيب اللي يجي مع السياره لكن تقدرين تستفسرين من الوكاله او المعرض قبل الشراء ، ليش مهم اننا نعرف ؟
كلها بالكتيب اللي يجي مع السياره لكن تقدرين تستفسرين من الوكاله او المعرض قبل الشراء ، ليش مهم اننا نعرف ؟
لان لو سيارتك صيانتها كل 5 الاف و انتي تركتيها لين 7 الاف او 10 الاف بكره تضرب مكينة السياره يقولون لك انتي طالعه من الضمان صلحيها بفلوسك لان ما انتظمتي عالصيانه و تدخلين بمتاهه مالها داعي
عموما جدول الصيانه و كل الشرح اللي يخص سيارتك و ازاريرها و كل شيييي بكتيب السياره ضروري ضروري الاطلاع عليه بعد الشراء عشان تفهمين سيارتك فيه اسئله كثيره اجابتها بالكتيب هذا
و هجو يا بنات هجو من السيارات المستعمله ! نهائيا ما انصح فيها الا لو اضطريتي و فلوسك كانت ما تكفي تشترين سياره وكاله ، لان ماتعرفين اللي ساقها قبلك كيف كان يسوقها و ايش من بلاوي تطلع لك بعد ماتسوقينها بفتره حتى وان نجحت بالفحص
و تفضيلي الشخصي ان الشخص ياخذ السياره كاش حتى لو يضطر ياخذ قرض لان بتكون ارخص له من ناحية المبلغ و الفوائد مع ان الميزه الوحيده بالتقسيط انها يكون تامينها شامل ، و انتي ما تحتاجين هالميزه كثير الصدق ، لان اللي بيصدمك وهو غلطان ملزوم يصلح سيارتك لو يبيع كليته 😅
ف التامين الشامل غالي و نادرا نستفيد منه الا في حالة تلف السياره او سرقتها او لو انحرقت لاقدر الله و هذي اشياء نادر تصير 🤷🏻♀️!
افضل تأمين بنظري و دائما انصح فيه كل صديقاتي المبتدئات : سند بلس من التعاونيه ، يشبه الشامل في فقرة انه يصلح لك سيارتك لين مبلغ 10 الاف ريال في حال كان الغلط عليك ، تامين مناسب للمبتدئات جدا و استفدت منه باول شهر سواقه 😂
و اذا قررتي سياره معينه ابدأي شيكي عالمعارض و شوفي العروض اللي عندهم اوقات يبيعونك السياره ارخص من الوكاله و بمميزات بعد ، انا سيارتي اخذتها من معرض و طلعت علي ارخص من الوكاله ب8000 ريال و فوقها حاطين لي ميزة الشريحه حقت التتبع !
ف لا تكتفون بوكاله او معرض دورو و ابحثو و اسالو و استفسرو لان 500 ريال والله تفرق مع الضريبه الجديده 💔 و هجو من اللون الاسود تراه ابن كلب و ما ينظف و يشفط حرارة الشمس و يخليها بسيارتك 💔 تحسبون كل السعوديين سياراتهم بيضاء صدفه ؟ لا من الشمس و الغبار 😭
هذي فقرة اختيار السياره و التأمين و انتهينا منها ، باقي فقرة السواقه شلون تتغلبين على خوفك ؟ شلون تتقنين السواقه و تنطلقين مع السعاوده في نفس الشارع هذا ما سنعرفه بالحلقه القادمه لان اصبعي تشنج
طيب نكمل ، اللحين شريتي سياره و امنتيها ، وش اول شي تسوينه ؟ الداش كام الداش كام الداش كام مهم يا بنات بشكل ما تتخيلونه ، لان كلنا ندري ان لسى فيه سلق يحسبونه خفة دم انهم يحدون بنت و لا يتعرضون لها و هي تسوق او اقل شي يربكونها
الداش كام بتحفظ حقك ياما و ياما شفت هالاشكال و مجرد الف الكاميرا عليه يهج زي السلوقي 😂 ، الداش كام انواع و اسعار برضو شوفي وش يهمك فيها و اهم نقطه انصح فيها ؟ الواي فاي ، عشان لو احتجتي تاخذين مقطع ماتضطرين تطلعين الذاكره للاب توب و تطلعين المقطع و تطولينها على نفسك
نجي للسواقه خلاص سواء معك رخصه او ما معك ، سواقة الشارع مرعبه و تجربة مخيفه جدا فلذلك اول و اهم نصيحه اقولها لك تجنبي اوقات الذروه ، انتي تعرفين منطقتك و مدينتك متى اوقات الذروه و وين الطرق الضيقه و اللي فيها ناس متهوره ، تجنبيها هالفتره
لانك جديده عالسياره جديده على السواقه جديده على هالمسؤوليه اصلا ، ابداي اطلعي الصبح او الظهر خلصي مشاويرك بتلقين كم سياره بالشارع ، حبه حبه بتفهمين سيارتك و بتعرفين تتحكمين فيها و يكون عندك ردات فعل مناسبه لاي موقف
هالفتره تعتمد عليك و على كثر مشاويرك ، ادري ان الموضوع صعب بالبدايه و يجيك مغص و خفقان و تشيلين هم و تتوترين بس كل ما سقتي اكثر كل ما خف هالشعور اكثر
لان انا ضد تعليم الرجال اللي يركب جنبك و فجاه يطلعك على شارع عام يقاله يكسر الخوف 😅 ! يمكن ماتعرفين تتصرفين و تدخلين بشجره او بعامود او بمطعم و يجون سلق تويتر يقولون شوفو سواقت المرأت !
ف بعد فتره تبداين تستمتعين بالسواقه و تحبينها اكثر و تصيرين تطلعين بس عشان تتمشين بها و تشغلين اغنيه 😂 و حبه حبه ادخلي على اوقات الذروه لا تستعجلين على نفسك ابد .. الا ما تضطرين تطلعين باوقات الذروه بفترات متفاوته
و بتنصدمين ان تحكمك بالسياره و انتباهك للشارع صار افضل من قبل بمراحل 👍🏼 ، و اذا صدمتي لاقدر الله ، او سويتي تصرف غلط بالسياره او طلعتي رصيف او انحشرتي بمكان او ماعرفتي تدخلين السياره بالموقف بسرعه ((((لا تتفشلين)))) !!!!!!
حتى وان صارو امة محمد كلها واقفه تتفرج عليك لا تتفشلين و لا تتوترين ، ماحد انولد من بطن امه عالم ، عندي ادخل و اطلع بالموقف عشر مرات و اوقف سيارتي زين و لا اني اوقفها غلط و امشي عشان محد يضحك علي و ارجع القاها محكوكه
برضو فيه شي مهم لازم تعرفينه ، اغلب السيارات الجديده في الشاشه يطلع لك قياس ضغط الكفرات بس انا سيارتي ما تطلع لي الرقم بس يطلع تنبيه ، ف شريت جهاز و تعلمت شلون اقيس ضغط الهواء لاني اسوق خطوط و مب حولي دايم بناشر تشيك لي عليه
ف احس هالنقطه ضروري تكونين عارفتها و فاهمه شلون تسوينها ، او يمكن انا مهوله موضوع الكفرات لان عندي عقده منها مره و حرفيا كل شهر اشيك عليها ، حتى لو عندك احد خادمك فيها سواء زوجك ابوك اخوك او حتى السواق انتي لازم تعرفينها مب رايحين معك كل مشاويرك هم و يمكن تضطرين لها
و القفازات يا بنات عشان يدينكم ما يقلب لونها ترى استهنت بالموضوع و بست شهور انحرقت يدي و شريت القفازات المقفله و صارت يدي تعرق و تقرفت منها مره ماحب الكتمه 🤢
و اخذت هذي من شي ان تجنن و مفتوحه من الاصابع
الصدق انها طويله شوي على يدي بس اني اسحبها عادي اهم شي يدي تتنفس 😂
api-shein.shein.com
الصدق انها طويله شوي على يدي بس اني اسحبها عادي اهم شي يدي تتنفس 😂
api-shein.shein.com
و بس والله تقريبا هذي الاشياء اللي انصح فيها صديقاتي ، السواقه ممتعه و روقان بالذات الصباح قبل الدوام صرت اطلع قبل الدوام بنص ساعه عشان اشرب قهوه و انا افرفر 🥺❤️ ف لا تستصعبونها ، كل شي بيكون اول مره صعب و بعدين يسهل ، انزلو الشوارع و سوقو و زاحموهم يا بنات الله يكثركم ❤️❤️❤️❤️
مب بس ينفجر العطر الا تقلب ريحته مع الشمس و تصير سيارتك ريحة شراريب 💔، هل ترضينها لنفسك ؟
اصلا انا ترى خشمي حساس مره مع الروايح حتى الفواحات ما اتحملها اصلا احس ريحتها تتغير مع الشمس 🤢🤢
اصلا انا ترى خشمي حساس مره مع الروايح حتى الفواحات ما اتحملها اصلا احس ريحتها تتغير مع الشمس 🤢🤢
جاري تحميل الاقتراحات...