ثري خفيف وحلو عن الدول الإسكندنافية والممالك الثلاثة اللي زرتها في 2019 ماشاء الله وحكتب حاجات بسيطة عنها وعن الأماكن السياحية فيها اللي تستحق الزيارة وحبدأ بالصورة دي 🇸🇪🇳🇴🇩🇰♥️
الثريد كلو تصويري وشوووية صوري😍👌🏼
الثريد كلو تصويري وشوووية صوري😍👌🏼
طبعاً الدول الإسكندنافية عددها خمسة وثلاثة منها ممالك مملكة السويد 🇸🇪 مملكة النرويج🇳🇴مملكة الدنمارك🇩🇰 والرابعة ايسلندا 🇮🇸والخامسة فنلندا 🇫🇮 الجميل في الدول الإسكندنافية انها باردة طول السنة👌🏽لأنها تقع في شمال أوروبا وافضل وقت لزياتها في الصيف.
الدولة الأولى كانت السويد في خطتي.
الدولة الأولى كانت السويد في خطتي.
الشمال الأوروبي بيكون بارد طوال السنة عشان كدا السفر لها بيكون افضل في الصيف عشان الطبيعة احلى أما في الشتاء بردها قارص وصقيع ما اتوقع فيها سياحة شتوية كثيفة عشان كدا نصيحة للي حابين يزوروها يروحوها صيف مو شتاء عشان تستمتعوا، انا اول مره ادوق طعم العِجل في السويد لاتنسوا تجربوه🇸🇪
مبدئياً السويد هي ثالث أكبر دولة ف الإتحاد الأوروبي وطبعاً اكبر دولة جانب اخواتها الأربعة الإسكندنافية من حيث المساحة عاصمتها هي مدينة ستوكهولم و عُملتها هي الكرونه السويدية SEK شعبها شعب جداً بشوش و مبتسم والعاصمة تستحق الزيارة فعلاً لاتنسوا الجولة بالقارب 🇸🇪👌🏼هنا كان الجو مطر😍
مملكة السويد مشهورة بالقِلاع الضخمة 🏰 والدول الإسكندنافية تقريباً كلها لأنو كانت مِلك الملوك و الأمراء 👑 اللي حكموا الممالك في العصور القديمة و عصور حروب الصليبيين و انا شخصياً كان نفسي أزور قلعة من دي القِلاع اللي كنت اشوفها ف الأفلام 🥺لكن للأسف كانت جداً بعيدة عن العاصمة💔
طبعاً لأن القِلاع بعيدة ف بحثت ف النت عن أماكن تاريخية سياحية تانية ف ستوكهولم وبالصدفة لقيت الشي الخيالي دااا😍 متحف لسفينة عمرها 500 سنة كانت لبحارة سويديين لكنها غرقت في اول إبحار لها واستخرجوها وكانت سليمة بنفس شكلها الجديد لمن غرقت صراحة شعوري كان زي فيلم الكاريبي😍😂🧟♀️
السفينة إسمها " ڤاسا " وقبل ٣٠٠ سنة تقريباً قدرو يطلعوها من قاع البحر وحطوها في دا المتحف للذكرى ولجذب السُياح صراحة انا قد ماسافرت دول اوروبية ماشاء الله تبارك الله ماقد زرت متحف ضخم زي دا المتحف ضخم عشان السفينة ضخمة ستة أدوار والمتحف مصمم على شكلها وعدد أدوارها زوروه 👍🏼😍
طبعاً من الجميل في المتحف انو تذاكر الدخول مجانية للأطفال لين عمر ال١٧ سنة, المتحف مايضم السفينة فقط ولكن يضم عظام البحارة والناس اللي كانو فالسفينة وقت غرقها هنا بعض من ملابسهم وعظامهم واشكال تقريبية لهم بالشمع, من القبطان لمساعده لبعض النساء اللي كانوا موجودين ف السفينة.
صراحة ضخامة السفينة وجمالها يقشعروا تخليكم تتخيلو كيف قدرو يبنو سفينة بضخامتها قبل ٥٠٠ سنة ، شكلها ذكرني بالفيلم اللي اعشقو الكاريبي Pirates of the Caribbean 😍 كان نفسي ادخلها و اشوفها من جوه بس ممنوع دخول السُياح حفاظاً على السفينة بس حقيقي كنت جداً مبسوطة من زيارتي للمتحف♥️👌🏼
بعض ملابس القراصنة او البحارة السويديين اللي لقوها ف السفينة نفسي انزل كل شي صورتو بس حيطول الثريد ، انا صراحة اعشق الأشياء القديمة قصص اماكن معالم ف كنت جداً مبسوطة من الزيارة ونفسي ارجع ازورها تاني😍😂🌝
طبعاً بوابة الخروج من المتحف هي ستور لبيع التُحف والأشياء التذكارية زي اي مَعلم سياحي عشان السُياح يشتروا تذكارات وهنا كانت التذكارات عن السفينة زي كتب وقصص تحكي قصة السفينة و الأجمل انو بعض القصص بجميع لغات العالم ومن ضمنها اللغة العربية♥️♥️طبعاً كان لازم اخد ذكرى من المتحف😍.
الجميل ف مدينة ستوكهولم انو أغلب مَعالمها السياحية الجميلة موجودة على أطراف البحر يعني السائح مارح يتوه اذا يبغى يزور المَعالم دي حتكون سهلة الوصول والزيارة ومن خلال رحلتي البحرية بالقارب اكتشفت معالم مرره حلوة من ضمنها ملاهي Gröna Lund 😍🎢🎡 حقيقي مدينة ملاهي رهييبة 😭♥️👌🏽
الملاهي اغلبو قطارات لعبة قطار الموت اشكال والوان وكل واحد اخطر من التاني 😍😍😍😭♥️👌🏼🎢
الملاهي يضم أخطر وأجمل العاب حول العالم شخصياً تجربتي كانت حلوة الملاهي يضم تقريباً 6 أنواع من لعبة قطار الموت مساراتها داخلة ف بعض وكلها خطيرة😍🎢لازم تحطو الملاهي دا من ضمن الخطة ف ستوكهولم، ودي اللعبة جربتها اخيراً اختي صورتنا اقسم بالله جلسنا نتشهد انا واخويا فوق من الخوف😭😂
لاتنسوا تجلسوا لين الليل في الملاهي عشان تشوفوا الغروب الحلو وتستمتعوا بالجو البااارد في الليل👌🏼♥️🌇
ثالث مكان جميل زرتو في ستوكهولم كان كنيسة ضخمة من العصور القديمة لتاريخ المدينة طبعاً الكنيسة انقلبت لمتحف من جمال المبنى وضخامته و إطلالته ع البحر كان لازم يكون مَعلم سياحي للمدينة و دي باحة الكنيسة المُطلة على البحر 🏛
اسواق ستوكهولهم دايماً ممتدة بالشكل دا مو شوارع فيها جميع الماركات العالمية ومحلات لبيع الأشياء التذكارية، ومن الأشياء الحلوة كمان ستوكهولم تُعتبر من المُدن الأوروبية اللي جداً نظيفة وراقية رح تنبهروا من الشي دا لمن تزوروها وطبعاً عادتي ماشاء الله اني لازم اخد ميدالية للدولة♥️
اخر مكان زرته قبل سفري من السويد هي جزيرة صغيرة تبعد عن ستوكهولم تقريبا نص ساعة بالقارب الجزيرة هادئة وحلوة وفيها ورش لصنع النحاس و الزجاج و السُفن الصغيرة ووجبة الغداء فيها لذيذة من افخم مطعم و الوحيد في الجزيرة جزيرة حلوة من الفعاليات للعاصمة👌🏼🌳🏘⛰
المملكة والدولة التانية كانت دولة النرويج🇳🇴عاصمتها أوسلو وعُملتها هي الكرونه النرويجية, النرويج دولة جميلة وطبيعتها خلابة وساحرة جداً بالمناسبة مدينة أوسلو ما تحتاج أكتر من ليلة فيها وتقدرو تشوفو المدينة كلللها من خلال الباص السياحي دا لأنو الجمال كله موجود في ريف النرويج🌳🌲👌🏼
نجي دحين لريف النرويج اللي انا شخصياً عشقتو عشقتووو سبحان الله في جمال صُنعه ومخلوقاته بالنسبة ليا أوروبا كلها في كفه والنرويج لوحدهااا في كفه مافي دولة اوروبية بطبيعتها تشبه النرويج ♥️🌳🏡
اللي لازم تلاحظوه في الفيديو انو الساعة 10 مساءً لأنو النرويج دولة ماتغيب فيها الشمس 🌤
اللي لازم تلاحظوه في الفيديو انو الساعة 10 مساءً لأنو النرويج دولة ماتغيب فيها الشمس 🌤
طبعاً في معلومة جداً مهمة ريف النرويج جميييل وكبير عشان كدا بعد نزولكم من الطيارة ف اي ريف من أريافها لازم يكون معاكم أكل واحتياجات تكفيكم مدة السَكن في الريف وسيارة خاصة بجانب الكوخ اللي رح تستأجروه ف أرياف النرويج 🏡🚙لأنو هناك مافي تكاسي او مواصلات تقريباً غير سيارة مستأجرة🌝
وحدة من أمنيات حياتي كانت اني اسكُن ف كوخ ريفي زي أفلام ومسلسلات الكرتون اللي كنا نشوفها و احنا أطفال😍 بعيد عن ضجة المُدن و تلوثها ,والحمدلله حققت الأمنية دي ف ريف النرويج 🌳🌲 الكوخ طبعاً كامل متكامل وموجودة فيه كل الخدمات صورت الفيديو للذكرى من فرحتي بتحقيق الأمنية😂♥️
دا شكل كوخنا اللي استأجرناه من برا, في معلومة الأكواخ دي أملاك خاصة مو حكومية ف لمن تحبو تحجزو الأكواخ دي رح تحجزوها من أصحابها اون لاين وطبعاً في قوانين وفي شروط ومن ضمنها انكم ترجعو الكوخ نظيف زي ما استلمتوه عشان العائلة اللي تسكُن بعدكم ،والنظافة من الإيمان طبعاً👌🏽🏡
الجميل في أرياف النرويج الإستكناااان التام مافي فعاليات مافي غير هدوء و جو بارد و جمااااال مابعده جمال سبحان الله راحة نفسية رح تحسوها في المكان جو نقي و نظيف و بارد بعيد عن ضجة المُدن و أصوات السيارات و الإزعاج و التلوث 🌳🏡💛
طبعاً مع الإستكنان لازم ناكل ودي اشياء سويناها ف الكوخ طبعاً كل شي مع الكوخ جاهز شواية وفحم وجهاز البرجر وكل شيي الأكل بس اشتريناه من السوبرماركت 👌🏼♥️😍
أكواخهم دايماً فيها غرفة زيادة اللي اسمها علِية زي مسلسل هايدي😂اللي يضحك اني اكتشفت الغرفة دي ف اخر يومين ومن محبتي للمكان نمت فيه يومين طبعاً العلية فيها فراشين ولحافين ونظيفة وواسعة وفيها شباك صغير تشوفو الريف من فوق وكل شي متوفر فيها, تقريباً تعتبر غرفة ثالثة في الكوخ 😍🏡
يارب المنظر دا ف أسرع وقت ☹️💺✈️
جاري تحميل الاقتراحات...