اش يعني سوق الأسهم ؟!
وليش في سوق أسهم أصلا ؟!
طب .. ليه في شركات في سوق الأسهم وشركات لأ ؟!
النوع الخامس والأخير عن انواع المستثمرين ..
أصحاب الطموح الكبير .. شوف معايا 👇🏻
#الاستثمار_للجميع
وليش في سوق أسهم أصلا ؟!
طب .. ليه في شركات في سوق الأسهم وشركات لأ ؟!
النوع الخامس والأخير عن انواع المستثمرين ..
أصحاب الطموح الكبير .. شوف معايا 👇🏻
#الاستثمار_للجميع
تكلمت في تغريدات سابقة عن أنواع المستثمرين .. وقلت إنو عندنا ٥ أنواع : أساسي، مؤهل، متمرس، داخل، مطلَق .. وتكلمت عن الأول والثاني والثالث والرابع .. اليوم حتكلم أكثر عن الخامس والأخير .. المستثمر المطلق 🤓
باختصار المستثمر المطلق هو اللي يعمل شركات ضخمة جدا .. مثل مايكروسوفت وأبل .. (مثل اس تي سي والمراعي كمثال محلي) .. ويخلي الناس كلها تستثمر فيها .. وااو 🤩
خليني اقولها بشكل تاني .. المستثمر المطلق يقدر يصنع أصول لكن مهي بس لنفسه .. له ولأي أحد يستثمر معاه .. متخيلين ؟! .. والأصول دي تكبر لدرجة تفيد بعوائد وقيمة له ولكل المستثمرين اللي معاه ! .. خليني أفصل اكثر 😬
اذا اخدنا بيل جيتس كمؤسس لشركة مايكروسوفت كمثال .. بيل جيتس ما صار غني أبدا من راتبه الشهري .. بيل جيتس صنع شركة .. كبرها .. وصار لها قيمة كبيرة .. وخلى الناس يشاركوه في تكبيرها .. طب كيف دا صار ؟! .. هنا تجي فكرة سوق الأسهم 💹
خليني ابسطها .. دحين إذا قلنا عندنا شركة .. رأس مالها ١٠٠٠ ريال .. وفي ١٠ أشخاص تشاركوا فيها .. كل واحد فيهم دفع ١٠٠ ريال .. هذا إش معناه ؟! .. معناه إنو كل واحد فيهم عنده ١ سهم في هذي الشركة .. قيمة السهم الواحد في هذي الشركة يساوي ١٠٠ ريال .. سهلة ؟! 😉
طيب تخيل نفس هذا المثال صار على حجم أكبر .. مليون شخص مثلا .. عشان كدا صار عندنا سوق أسهم .. وكأنه مكان تشتري منه عدد الحصص اللي تبغاها من الشركة اللي اخترتها .. تمام ؟! 😎
طيب دحين يجي السؤال .. ليش اصلا بيل جيتس ولا غيره يوزع أسهم من شركته .. مع إنو كدا هو بيخسر حصص فيها ؟! .. الموضوع ببساطة انو بدي الطريقة قدر يحصل على تمويل خرافي لشركته .. عشان يكبرها وينجحها أكثر .. هو أستفاد والعالم كلها استفادت 🥳
طيب ليش في شركات مهي في سوق الاسهم ؟!
الشركات اللي تشتغل بدي الطريقة اسمها "شركات مساهمة" .. يعني فيها أسهم الناس يقدروا يشتروها .. أما النوع الثاني من الشركات فغالبا تكون رأس مالها أصغر وعدد الشركاء فيها أقل بكثير لأنو نشاطها أصغر 🤓
الشركات اللي تشتغل بدي الطريقة اسمها "شركات مساهمة" .. يعني فيها أسهم الناس يقدروا يشتروها .. أما النوع الثاني من الشركات فغالبا تكون رأس مالها أصغر وعدد الشركاء فيها أقل بكثير لأنو نشاطها أصغر 🤓
ابحث في جوجل عن أنواع الشركات .. حتفهم أكثر عن الموضوع .. واش علاقة كل نوع بسوق الأسهم .. كمان عندك نظام الشركات السعودي .. فيه شرح لكل دي التفاصيل 📖 تلاقوه عالرابط :
laws.boe.gov.sa
laws.boe.gov.sa
بكدا نكون ختمنا أنواع المستثمرين الخمسة .. الفكرة دحين إنك تشوف أي نوع من الأنواع يناسب وضعك المادي ومستوى معرفتك المالية .. عشان تبدأ بيه .. وفي أي لحظة بعدين .. تطورت .. تعلمت .. شفت طريقة ثانية أنسب .. أكيد تقدر تغير .. الموضوع في يدك .. الله يوفقك 🙏🏻
جاري تحميل الاقتراحات...