راتبي على قدي .. ما عندي فلوس أبدأ استثمار .. إش الحل ؟!
إذا ما عندك فلوس تشتري أصول .. اصنعها ..
أقدر أصنعها ؟! .. كيف ؟! 🤩
دي طريقة ٩٠٪ من الأغنياء في بداية صناعة ثروتهم !
كلام يهمك .. ركز معايا 👇🏻
#الاستثمار_للجميع
إذا ما عندك فلوس تشتري أصول .. اصنعها ..
أقدر أصنعها ؟! .. كيف ؟! 🤩
دي طريقة ٩٠٪ من الأغنياء في بداية صناعة ثروتهم !
كلام يهمك .. ركز معايا 👇🏻
#الاستثمار_للجميع
تكلمت في تغريدات سابقة عن أنواع المستثمرين .. وقلت إنو عندنا ٥ أنواع : أساسي، مؤهل، متمرس، داخل، مطلَق .. وتكلمت عن النوعين الأول والثاني والثالث .. اليوم حتكلم أكثر عن النوع الرابع .. المستثمر الداخل 🤓
دي الطريقة من الاستثمار هي الوحيدة اللي تنفع للي دخله قليل .. وماعنده كمية الفلوس الجاهزة اللي يستثمرها .. كيف ؟! .. الفكرة باختصار إنك حتسوي شركة .. حيكون عندك حصة فيها .. حلو ؟! 😎
والشركة دي هي اللي حتكون الأصل اللي يضمن لك دخلك .. فاكرين تغريدات الأصول وأنواع الدخل؟ .. طيب انا فهمت الفكرة بس كيف يعني ابدأ شركتي ؟! .. حشرحلك حاضر 😁
اختار مجال تحبه أو تفهم فيه .. ابدأ دور على مشكلة الناس تعاني منها .. فكر في شي تتوقع انو الناس تبغاه .. فكر في منتج أو خدمة .. اكتب خطة بسيطة لو بعته كم حيجيب لك .. لا تنسى حساب التكاليف والارباح .. ابدأ بيع .. بس 😃
ادري سطحت موضوع البزنس شوية 😂 .. الموضوع كبير بس صدقني أي بزنس في العالم (لو اول بزنس لصاحبه) حيبدأ كدا .. بداية بسيطة على قدك .. حتجمع الفلوس شوية شوية .. خبرتك حتزيد تدريجيا .. كل خطوة تاخدها في الشركة وتنجح فيها فكر في الخطوة اللي بعدها : كيف اكبر الشركة كمان شوية 💰
طيب دحين اش علاقتي كمستثمر لو من جد سويت شركة وبدأت تكبر ؟! .. عندك حاجتين خرافية صارت معاك .. وهنا لازم تفهم وضعك كمستثمر اكيد .. 💰
شركتك الرهيبة صار فيها حاجتين : يا حتبدأ تعطيك ارباح وكل ما كبرت الشركة زادت أرباحك .. أو كبرت قيمة الشركة .. بالتالي لو بعتها أو بعت جزء منها (دخل مستثمر معاك) حيعطيك قيمة حصتك الكبيرة 🥳
شركتك ما حتاخد فلوس منك .. لكن حتتطلب مجهود أكيد .. وهي دي جوهر فكرة المستثمر الداخل .. يستثمر مجهوده ومعرفته في شركته .. وكل ما شركته كبرت .. قيمة مجهوده كبر معاه .. ويبدأ يكون ثروته بواحد من الطريقتين دي 😉
طيب حمستني .. اش احتاج عشان أبدا ؟! .. اول شي وقبل أي شي : معرفتك المالية .. ثم معرفتك المالية .. ثم معرفتك المالية .. اذا مو عارف كيف تزيد معرفتك المالية .. شوف التغريدات دي حتساعدك 👇🏻
ثاني شي : تعلم اشياء ادارية .. اش يعني محاسبة .. ايش يعني تسويق .. اسأل "ليش؟" و "كيف" في كل شي .. كيف اجيب مشترين لمنتجي .. ليش اكون موجود اون لاين في انستجرام مو تويتر مثلا .. الخ
ثالث شي : زبط بزنس مودل .. فكرة البزنس مودل يزبطلك أركان الشركة .. كانك تضمن وجود الاركان اللي بيت الشركة ما حيطيح لو هي موجودة .. كتاب "ابتكار نموذج العمل التجاري" فيه شرح ممتاز عن هذا الموضوع 💪🏻
رابع شي وأهم شي : افهم معادلة الحياة في التعلم = تغلط .. تتعلم من غلطك .. تطور نفسك .. تنجح .. وهذا اللي حيصير معاك في كل خطوة .. طبيعي جدا .. 😬
في الاخير لا تنسى نفسك كمستثمر في الشركة .. يعني لا يكون تعصبك لفكرة المشروع يخليك تنسى أهمية العوائد المادية .. انت كمستثمر بمجهودك لك قيمة معينة بتحطها في دي الشركة .. خليك مراقبها .. اذا قيمة الشركة ما كبرت .. عيد حساباتك .. وابدأ من جديد .. الله يوفقك 🙏🏻
جاري تحميل الاقتراحات...