عمرة
طيب ..شوف ياسيدي ...بمجرد دخولك على الكعبة من بعيد بتحس برهبة ..تدخل الحرم من اي باب ولو اني بفضل باب الملك عبد العزيز ..لانه بيوصلك مباشرة لنقطة بدء الطواف ..تحس بودانك كانها بتتقفل ومش شامع غير همس ..حالة غريبة صح وتلاقي عينيك متعلقة بالكعبة مش هاين عليك تطرف بعينيك ..

كان معايا كتيب فيه الدعوات اللي هقولها اثناء الطواف لقيت نفسي نسيت كل الدعوات ونسيت افتح الكتاب ..وبدأت ادعو باللي بيخطر على بالي ..انت في ضيافة الرحمن ..في حضرة ملك الملوك ..مش حاسس باللي حواليك ..لا شعور لذيذ لذيذ لذيذ ..ماشي مش حاسس بتعب ..هديل تلحمام محسسك انك في الجنه ..

اجواء ماقبل الفجر تشعرك بالطمأنينه..انت في عالم تاني خالص ..اثناء الطواف حاولت اقرب من الحجر الاسعد ..موجات البشر تدفعني للخارج ..بعد خمسة اشواط فقدت الامل واكتفيت بالاشارة باليد اليمنى دلالة على بدء شوط جديد ..في الشوط السادس قررت ان لا امل ولا محاولات اخرى ..

نفس موجات البشر دفعتني برفق للداخل وكان هناك من يقول لي اتفضلي ..قبلت الحجر الاسعد ..وبكيت ..من الفرحة ..يقف حارس بجوار الحجر يامر الناس برفق لافساح المجال لغيرهم ابتعدت وانا شبه مذهولة ..بعدها بامتار حجر اسماعيل ....

انهيت الاشواط السبعة ..وصليت ركعتين وشربت من ماء زمزم ثم اتجهت للصفا ..لبداية السعي ..
ده جزء مما كتبته منذ سنوات لشاب بيناقشني ليه الناس بتعمل عمرة ..مش يتبرعوا بقيمتها للفقراء
رديت: طيب ليه بتروح البحر مع انك رحته قبل كده مئات المرات
@Rattibha