ثريد اليوم عن أضخم حيوانات الكوكب. عن حيوان يفوق التخيل عن كمية الخصائص الي عندو.
"الـحيتـان"
انواع الحيتان كتير واحجامها بتتراوح من 2 متر زي حوت العنبر القزم ل 30 متر زي الحوت الأزرق. بس كل هدول الحيتان الهم صفات مشتركة راح احكي عنها بهالثريد وراح احكي عن بعض الحيتان المختلفة:
"الـحيتـان"
انواع الحيتان كتير واحجامها بتتراوح من 2 متر زي حوت العنبر القزم ل 30 متر زي الحوت الأزرق. بس كل هدول الحيتان الهم صفات مشتركة راح احكي عنها بهالثريد وراح احكي عن بعض الحيتان المختلفة:
الهيكل تاع الحيتان بختلف كتير عن الحيوانات الي بتعيش عاليابسة. لانو الحيتان لما يكونو بالمي هم ما بحتاجو اشي يدعم وزنهم لانو المي بترفعهم. على عكس الحيوانات الي عاليابسة بدهم عمود فقري وأطراف حتى تدعم الوزن. والذيل بالحوت هو المسؤول عن الحركة وعظام الارجل والحوض صارت صغيرة كتير.
الجهاز العصبي يعتبر متقدم جدا زي القرود والانسان. والدماغ بنقسم لمخ ومخيخ. المخيخ مسؤول عن الحركة و التوزان و بالحيتان يعتبر متطور اكتر من المخيخ بالإنسان. لانو من اول ما ينولدو لازم يكون الحوت بعرف يسبح ويقدر يتحكم بجسمو على عكس الإنسان الي ما راح يقدر يمشي الا تقريبا قبل سنة.
بالنسبة لحواس. حاسة اللمس عندهم مهمة لأنهم بستعملو التواصل الجسدي لتقوية العلاقة بينهم بالإضافة إلى انها مهمة كتير في عملية التنفس. حتى يعرف انو الحوت صار قريب السطح ويحفز عملية التنفس - راح نحكي عنها بالتفصيل تحت-. وحاسة البصر عندهم قوية جدا لكن فقط للمسافات القريبة.
حاسة السمع تاعتهم كتير غريبة. كل الحيتان ما عندهم صيوان اذن خارجية. عشان هيك طريقة استقبال الصوت بتختلف بين الأنواع. مثلا زي الحوت القاتل بنتقل تردد الصوت عن طريق الفك للاذن الداخلية.
بس مثلا زي الحوت الاحدب بتنتقل الصوت جوا قناة الأذن للاذن الداخلية. بس في بالاذن اشي مميز الي هو سدادة شمعية بتساعد في نقل الصوت للداخل بالإضافة لحماية الأذن. وهاي السدادة بتكبر كل ما كبر الحوت بالعمر و نفس مبدأ الحلقات بساق الشجرة بنقدر نحدد عمر الحوت منها بس يموت.
قلب الحوت الأزرق ممكن يوصل وزنه لطن و الشرايين والاوردة تاعته كبيرة لدرجة انو ممكن انسان يسبح جواها.
في اشي مميز بنشوفو انو الحوت بنفخ من راسه مي. فعليا هو ما بنفخ من راسه هدول الفتحات هم أنف الحوت ومكانهم موجود فوق الراس بدل بمقدمة الوجه زي باقي الحيوانات. حتى تقلل اكبر مساحة ممكنة للخروج من الماء.
والحوت بتنفس 10-15 مرة على ثلاث دقائق قبل ما يغطس لاعماق. و بقدر يحبس نفسه اكتر من نص ساعة إذا كان في خطر ورئته احسن ب4 مرات من رئة الإنسان في امتصاص الأكسجين و بالاعماق بصير الأكسجين يروح من الأماكن الاقل أهمية للاهم زي الدماغ. لانو العضلات بتقدر تخزن أكسجين لوجود بروتينات خاصة.
الجهاز الهضمي بختلف كتير حسب نوع الحوت. في حيتان عندهم أسنان وفي حيتان عندهم اشي اسمو Baleen "باليين" الي هي عبارة عن اشي شكلو بشبه الشعر بتكون من مادة الكيراتين الي هي نفس الأشي الي بتكون من الأظافر بعمل زي مصفاة للعوالق البحرية والأسماك الصغيرة الي بتغذو عليها هالنوع من الحيتان
معدة الحوت بتتقسم ل3 أجزاء. اول بطحن الاكل بعدين بروح للجزء الجزء الثاني وهون بتطلع احماض المعدة الخاصة بالهضم. وثالث جزء بطلع منو الانزيمات الخاص بهضم وتكسير الدهون بعدين بروح للامعاء عشان الامتصاص.
مدة حمل الحيتان بتتراوح بين 10-13 شهر. وابن الحوت الأزرق لما ينولد بكون طوله 7 متر و وزنه طنين. وكل يوم ابن الحوت بزيد وزنه 85 كيلو. عشان حليب الام فيه 40٪ دهون مقارنة بحليب البقر الي بكون بس 3-5٪ دهون. و أنثى الحوت قادرة على إنتاج 190 لتر حليب يوميا
هسا بدي احكي عن انواع حيتان مختلفة:
الحوت ذو الراس المقوس Bowhead whale
يعتبر حوت أماكن باردة و شكله بدل على اسمه لانو راسه مقوس وقوي جدا. وممكن يكسر جليد سمكه 30سم بس عشان يعمل مكان يطلع يتنفس منه.
الحوت ذو الراس المقوس Bowhead whale
يعتبر حوت أماكن باردة و شكله بدل على اسمه لانو راسه مقوس وقوي جدا. وممكن يكسر جليد سمكه 30سم بس عشان يعمل مكان يطلع يتنفس منه.
الحوت القاتل Orca
يعتبر من أكثر الحيتان شهرة لجمال شكله و الوانه. بس هو من أشرس وافتك المخلوقات عالكرة الأرضية و ممكن يقتل حيوانات تانية بس لمجرد التسلية زي الدلافين و الفقمات و البطاريق.
يعتبر من أكثر الحيتان شهرة لجمال شكله و الوانه. بس هو من أشرس وافتك المخلوقات عالكرة الأرضية و ممكن يقتل حيوانات تانية بس لمجرد التسلية زي الدلافين و الفقمات و البطاريق.
حوت البالوقا Beluga
مشهور بلونه الأبيض المميز و بستعمل كتير خاصية الأمواج فوق الصوتية حتى تساعده بالصيد. وبرضو معروفين ب كناري البحر لانو بضلهم يطلعو أصوات و بعيش بالأماكن الباردة
مشهور بلونه الأبيض المميز و بستعمل كتير خاصية الأمواج فوق الصوتية حتى تساعده بالصيد. وبرضو معروفين ب كناري البحر لانو بضلهم يطلعو أصوات و بعيش بالأماكن الباردة
حوت العنبر القزم Pygmy Sperm Whale
هو أصغر نوع بالحيتان. طوله تقريبا مترين و عندو أسنان فقط بالفك السفلي.
هو أصغر نوع بالحيتان. طوله تقريبا مترين و عندو أسنان فقط بالفك السفلي.
النارول Narwhal
يعتبر حوت حجمه وسط بوصل وزنه طن ونص وطوله 5 متر. ويعتبر مميز لوجود قرن براسه. بس فعليا هو الناب اليسار عندهم استطال حتى وصل لهشكل و بضل يكبر مدى الحياة حتى يوصل بين 1.5-3 متر
يعتبر حوت حجمه وسط بوصل وزنه طن ونص وطوله 5 متر. ويعتبر مميز لوجود قرن براسه. بس فعليا هو الناب اليسار عندهم استطال حتى وصل لهشكل و بضل يكبر مدى الحياة حتى يوصل بين 1.5-3 متر
الحوت الأزرق Blue whale
الحوت الأزرق هو أكبر مخلوق عاش عالكرة الأرضية. بوصل حجمه ل33 متر و وزنه 200 طن. اي ما يعادل وزن 30-40 فيل وقد تقريبا اكبر ديناصورين تم اكتشافهم.
الحوت الأزرق هو أكبر مخلوق عاش عالكرة الأرضية. بوصل حجمه ل33 متر و وزنه 200 طن. اي ما يعادل وزن 30-40 فيل وقد تقريبا اكبر ديناصورين تم اكتشافهم.
اخر اشي بدي احكي اتمنى ما تدعموا عروض الحيوانات بشكل عام و الحيوانات البحرية بشكل خاص زي مثلا السباحة مع الدلافين و الحيتان الي بتعمل استعراض و الفقمات المضحكة لانه بكونوا بظروف معيشة سيئة بالإضافة للتعذيب مرات. والحيوانات هاي مش مبسوطة زي ما ببين شكلها خلال العرض.
وقد ما يكون وضع المعرض مبين منيح وكويس الا انو جميع الحيوانات بتكون باقفاص صغيرة بعد العروض و اغلبها بتم تجوعيهم حتى يعملوا الحركات ويعطوهم اكل ك مكافئة.
انتهى الثريد ❤️🐳
جاري تحميل الاقتراحات...