ثريد عن ثورة سبتمبر المجيدة ٢٠١٣ م
#ذكرى_ثورة_سبتمبر
عن ليالي الجرح والنزيف عن مصعب وصلاح سنهوري وسارة عبد الباقي ووفاء
عن هزاع وبكور وشهداء لانعرفهم
عن البسالة المطلقة والفداء العظيم لتعرف الاجيال القادمة اي قسوة عاشها شعبنا لنصل الى ميدان القيادة في ٦ ابريل
بسم الله نبدأ
#ذكرى_ثورة_سبتمبر
عن ليالي الجرح والنزيف عن مصعب وصلاح سنهوري وسارة عبد الباقي ووفاء
عن هزاع وبكور وشهداء لانعرفهم
عن البسالة المطلقة والفداء العظيم لتعرف الاجيال القادمة اي قسوة عاشها شعبنا لنصل الى ميدان القيادة في ٦ ابريل
بسم الله نبدأ
1 يوم ٢٢ سبتمبر ٢٠١٣ كنت الضهر في استاد الخرطوم و استلمت من حاتم منشورات مامتذكر عددها كم بس كان اكبر عدد منشورات تتوزع في العاصمة
المنشورات حملت توقيع حركة ضميرنا الكان فيها محمد خليفة واخرين وكانت بتدعو للخروج للشارع وإسقاط النظام
المنشورات حملت توقيع حركة ضميرنا الكان فيها محمد خليفة واخرين وكانت بتدعو للخروج للشارع وإسقاط النظام
2
وصلت امدرمان وخليفة كان في انتظاري قسمنا المنشورات للمدن الثلاثة الخرطوم بحري امدرمان واتحركنا للتوزيع وكانت ساعة الصفر عند التاسعة مساء
وعند الواحدة صباحاً كانت المنشورات في كل مكان بالعاصمة في الشوارع والاسواق وفي منشات العربات في المساجد والاندية الرياضية وكل مكان
وصلت امدرمان وخليفة كان في انتظاري قسمنا المنشورات للمدن الثلاثة الخرطوم بحري امدرمان واتحركنا للتوزيع وكانت ساعة الصفر عند التاسعة مساء
وعند الواحدة صباحاً كانت المنشورات في كل مكان بالعاصمة في الشوارع والاسواق وفي منشات العربات في المساجد والاندية الرياضية وكل مكان
3 وكان تفاعل الجماهير كبير جداً لدرجة انو الناس بتشيل مننا المنشورات بكميات وتوزع معانا وسط هتافات وتهليل وتكبير
حينها شعرنا بأنو في ثورة في الطريق واتفقنا نتقسم ونراسل كوادر الاحزاب والمجموعات الشبابية ونوريهم شكل التفاعل الفي الشارع عشان الناس تستعد
حينها شعرنا بأنو في ثورة في الطريق واتفقنا نتقسم ونراسل كوادر الاحزاب والمجموعات الشبابية ونوريهم شكل التفاعل الفي الشارع عشان الناس تستعد
4 وقتها كانت مدني ونيالا في الشارع وتماما كما حدث في ديسمبر كانت بداية سبتمبر من الولايات بس كان الحراك اكبر واقوى
سبتمبر اتولدت بأنيابها وكبرت بسرعة وماتت بنفس السرعة
سبتمبر اتولدت بأنيابها وكبرت بسرعة وماتت بنفس السرعة
5 اتواصلنا مع الجميع وعرضنا عليهم اجتماع مستعجل قبل ما الشارع يندلع الكلام دا كان فجر ٢٣ سبتمبر واتفقنا على اجتماع الضهر في حوش النيلين
وعند الثامنة صباحاً تلقيت اتصال بأن امدرمان في الشارع وبعدها توالت الأتصالات لغايت الساعة ١٢ ضهر كانت كل احياء العاصمة قد اندلعت فيها التظاهرات
وعند الثامنة صباحاً تلقيت اتصال بأن امدرمان في الشارع وبعدها توالت الأتصالات لغايت الساعة ١٢ ضهر كانت كل احياء العاصمة قد اندلعت فيها التظاهرات
6الاندلاع المفاجئ للتظاهرات بحجمها الكبير اجبرنا انو نأجل الإجتماع لاسينما وقد تحرك جهاز الأمن بأعتقالات عشوائية وانخرطنا في التظاهرات كل واحد في موقعه وكنا بنحاول ننجز لافتتات قماش وتتوزع ع الناس عشان نهذب الهتاف ويكون موحد ونقدر نسيطر على الجموع المرقت بأعداد كبيرة جداً
7ميلاد سبتمبر كان عظيم بمعنى الكلمة وفي كل مكان مظاهرة وبأعداد كبيرة وبسالة ماحصل شفت زيها والحاجة دي خلعتنا وخلعت الحكومة وكانت ردة فعل النظام بنفس قوة الحراك وبدأ سقوط الشهداء برصاص في الصدر والرأس
كان الرصاص بنهال علي المتظاهرين زي المطر ومع كل شهيد بتزيد قوة المظاهرات
كان الرصاص بنهال علي المتظاهرين زي المطر ومع كل شهيد بتزيد قوة المظاهرات
8عدت ليلة ٢٣ سبتمبر ومع شروق شمس يوم ٢٤ اندلعت الشوارع من جديد وبشكل اعنف واقوى من يوم امس من الدروشاب والسامراب لشمبات والشعبية وغيرها من احياء بحري
ومن الفتيحاب والثورات والمرابيع وامبدات وامدرمان القديمة
وفي الكلاكلات ومايو وسوبا والازهري الصحافات واركويت والديم والبراري
ومن الفتيحاب والثورات والمرابيع وامبدات وامدرمان القديمة
وفي الكلاكلات ومايو وسوبا والازهري الصحافات واركويت والديم والبراري
9وزادت قوة حسم النظام للتظاهرات وانفلت الأمن تماما في العاصمة الخرطوم وسقط عدد مهول من الشهداء يتجاوز بكتير عدد شهداء ديسمبر وظهرت تنسيقية الثورة السودانية الي حاولت تكون بمثابة تجمع مهنيين الزمن داك لكن فشلت وساهمت في افشال الثورة وديل هنجيهم بعدين
10 استمر الحال في الخامس والعشرين من سبتمبر وتواصل سقوط الشهداء بشكل لايصدق فسقط مصعب الجميل ومحمد صادق وسارة عبد الباقي وهزاع وبكور ووفاء وكنا مابنقدر نحصر الشهداء من كترتهم دا غير ارتال من المصابين اغلبهم اصابات خطيرة واستشهدو لاحقاً
11 قام النظام بقطع خدمة الانترنت وفي السادس والعشرين من سبتمبر كانت الخرطوم بدون حكومة وهربو الكبار لخارج البلد بقينا نادر مانشوف قوات شرطة ونادر ماينضرب بمبان فقط قوات هيئة العمليات والرصاص الحي العشوائي وهنا تدخلت تاتشرات كانت بتفتح النار من الدوشكات على المتظاهرين
12عانقنا موت لاحصل شفنا زيو لاسمعنا بيهو كان رصاص الدوشكا بفرتق راس زول جمبك وبشرط بطن التاني وتلقي ناس بحاولو يرجعو مصارين شاب لي بطنو ويسعفو وحاجات كدة لابتتصدق لا بتتوصف موت عشوائي وفي كل مكان وبقينا مانركز مع اعداد الشهداء من كترة الموت والدم الفي الشوارع
13 حاولنا نرتب روحنا لأنو الحراك بدا يفلت وظهرت ملامح عنف من تكسير للسيارات وحريق للطرمبات وغيرو مع تخبط ومكابرة الجماعة الطيبين ناس التنسيقية
فأتفق الجميع على الخروج من صلاة الجمعة ٢٧ سبتمبر وبقينا في اختيار اسم للجمعة وسبحان الله صلاح سنهوري قال نسميها جمعة الشهداء وقد كان
فأتفق الجميع على الخروج من صلاة الجمعة ٢٧ سبتمبر وبقينا في اختيار اسم للجمعة وسبحان الله صلاح سنهوري قال نسميها جمعة الشهداء وقد كان
14 في صباح ٢٧ سبتمبر لاحظنا حاجة غريبة في السوق العربي اتمثلت في عناصر عسكرية بعضهم متلفح بالشال واخرين بضفائر طويلة بأعداد كبيرة جداً موزعين في كل مكان ملامحهم غريبة وبتكملو لغات غريبة فرنسي وسواحلي واتضح انو النظام استعان بمرتزقة من دول افريقية الأرجح انهم من مالي
15 كان الترتيب لجمعة الشهداء كبير جداً وكانت حجة وداعنا وصلاة مودع
اللافتات جاهزة المساجد محددة المسارات معروفة وكل زول هيتظاهر في منطقتو وهنا قال الشهيد صلاح سنهوري الجمعة دي ياسقطت النظام يا سقطنا نحن وقد كان
اللافتات جاهزة المساجد محددة المسارات معروفة وكل زول هيتظاهر في منطقتو وهنا قال الشهيد صلاح سنهوري الجمعة دي ياسقطت النظام يا سقطنا نحن وقد كان
16اندلعت الديم اولاً عقب صلاة الجمعة والسوق العربي ثم السجانة وابو حمامة ومن مسجد لمسجد خرجت الخرطوم العاصمة في مواكب مهيبة واغلب الهتافات لا إله الا الله الشهداء احباب الله وبدأ من جديد سيل الدم وفتح الغرباء رصاصهم مع الأجهزة الامنية ليتساقط الشهداء من جديد
17طلعنا تلاتة مظاهرات في العربي عشان نخفف الضغط الكان كبير جداً على البراري وهكذا الحال في بحري وامدرمان
اتحركت لزقاق الصحفيين لاقيت رشان واخرين واتحركتا منها بشارع القيادة للبراري وانا في الطريق تلقيت اتصال من عفراء وكانت في البراري وكلمتني بأستشهاد صلاح سنهوري عليه الرحمة
اتحركت لزقاق الصحفيين لاقيت رشان واخرين واتحركتا منها بشارع القيادة للبراري وانا في الطريق تلقيت اتصال من عفراء وكانت في البراري وكلمتني بأستشهاد صلاح سنهوري عليه الرحمة
18 كأنما اخد روحنا وفات شيعنا صلاح في موكب مهيب ورجعنا اشتغلنا مخاطبة قدام بيتهم وبكل تعب الدنيا بدأ الترتيب من جديد بس كان الخوف دخل لكل البيوت وفي كل ناصية شهيد وفي كل شارع دم
بشاعة ماحصلت لاشفناها في الجامعات لا في يونيو يوليو ٢٠١٢ ولافي ديسمبر ولاحتى في فض الإعتصام
بشاعة ماحصلت لاشفناها في الجامعات لا في يونيو يوليو ٢٠١٢ ولافي ديسمبر ولاحتى في فض الإعتصام
19 واقسم بأن رائحة الدماء وانين الجرحى طاردونا حتي الذكرى الأولى لسبتمبر المجيدة وللأن مشاهد القتل والسحل عالقة في الذاكرة الحاجة دي كسرت ناس وقوت اخرين وخلتهم اكتر اصرار ع اكمال مشوار الخلاص
20في الثامن والعشرين من سبتمبر كان الملثمين الغرباء يتجولون في شوارع العاصمة وكل البيوت بيوت بكاء شوارع العاصمة خالية ولا ضحكات في عيون الناس بل الحزن في اعينيهم يكاد يبكيك
خرجت مظاهرات خجولة هنا وهنا وجلسنا نرتب لحراك جديد في اول جمعة من اكتوبر واخترنا اسم جمعة اكتوبر الاخضر
خرجت مظاهرات خجولة هنا وهنا وجلسنا نرتب لحراك جديد في اول جمعة من اكتوبر واخترنا اسم جمعة اكتوبر الاخضر
21 ماحدث في جمعة اكتوبر الاخضر ٢٠١٣ سيظل حنظلاً في حلوقنا للأبد
كنا نمشي الي المساجد فتستقبلها الأمهات بالصراخ والنويح يطردن كل شاب داخل للمسجد ويرددن حرام عليكم كفاية موت خلاص امشو من هنا ماتصلو في الجامع حقنا امشو عليكم الله ماعاوزين نموت كفاية اولادنا الماتو
كنا نمشي الي المساجد فتستقبلها الأمهات بالصراخ والنويح يطردن كل شاب داخل للمسجد ويرددن حرام عليكم كفاية موت خلاص امشو من هنا ماتصلو في الجامع حقنا امشو عليكم الله ماعاوزين نموت كفاية اولادنا الماتو
22تنقلنا من مسجد لمسجد وكلما هتفت احدنا كان المصلين يبتعدون منه
اماكن بعينها لن تنسي ماحدث وظهر ذلك جلياً في ديسمبر منها الديم ومايو وسوبا والدروشاب والسامراب والشعبية والفتيحاب والشقلة والثورات والمرابيع حيث عانقو فظاعة وبشاعة في القتل والتنكيل ستظل في ذاكرتهم للأبد
اماكن بعينها لن تنسي ماحدث وظهر ذلك جلياً في ديسمبر منها الديم ومايو وسوبا والدروشاب والسامراب والشعبية والفتيحاب والشقلة والثورات والمرابيع حيث عانقو فظاعة وبشاعة في القتل والتنكيل ستظل في ذاكرتهم للأبد
23 وبأول جمعة في اكتوبر انتهى كل شي عادت الحياة لطبيعتها لكن الحزن الذي زُرع في صدور السبتمبريين لن يفارقهم للأبد وقد اعانهم ذلك على تجاوز يشاعة فض الإعتصام حيث عانقو قبل القض مواتاً يتجاوز في بشاعته كل ما حدث في ديسمبر
24 عقب ذلك ابتعد البعض وودع المعترك السياسي للابد واخرين تركو البلد للأبد ايضاً
ومنا من اصيب بأكتاب حاد ومن اهلكه الإدمان
كذلك مات بعضنا من الألم وعلى رأسهم عمار ضرار الف رحمة ونور عليه حيث توقف قلبه عن الخفقان وقد ظلت اشباح سبتمبر تطاردة لعام ويزيد
ومنا من اصيب بأكتاب حاد ومن اهلكه الإدمان
كذلك مات بعضنا من الألم وعلى رأسهم عمار ضرار الف رحمة ونور عليه حيث توقف قلبه عن الخفقان وقد ظلت اشباح سبتمبر تطاردة لعام ويزيد
25 تنسيقية الثورة الي كان مفروض تكون تجمع مهنيين الزمن داك استعجلت التغيير وجهزو بدلهم للحكومة رغم انو كنا عارفين لو نجحت سبتمبر هم هيكونو الحكومة وكنا راضين
وسبحان الله هسه ديل كلهم قاعدين في مكتب حمدوك
انتهى.
وسبحان الله هسه ديل كلهم قاعدين في مكتب حمدوك
انتهى.
جاري تحميل الاقتراحات...