اهم اهم اهم #مهاره يفترض يكتسبها المعماري هي الاسكتش وبقصد بالاسكتش الخطوط الاوليه والايحاءات لي شغلك (بالخطوط ، الهاتش الهتشره خخخخ ، الظلال ...الخ)
المعمار مزيج من (المهارات + المعلومات والنظريات ) لازم تتعلم توزن بينهم ، والبميل كفتك كمعماري هو شغل الاسكتش بتاعك ، كيف ؟!
المعمار مزيج من (المهارات + المعلومات والنظريات ) لازم تتعلم توزن بينهم ، والبميل كفتك كمعماري هو شغل الاسكتش بتاعك ، كيف ؟!
الاسكتش مهاره بتختصر زمن كتير في التصميم بتخليك ترسم الافكار الاوليه بصوره سريعه وماتحتاج مجهود منك ، بتقدر من خلالها تعرف اشكال الكتل بتاعتك بعد تنتهي من مرحلة التحليل والتنطيق ، بتقدر تعمل دراسه للشكل وحتي الواجهات بتاعتك
حتي بتساعد في التحليل وعلي مستوي المساقط بتاعتك والثري دي (شئ مهم لو التنطيق بتاعك فيهو مشاكل الاسكتش مامنو فايده لانو تااني حيرجعوك تعدل العلاقات ، لو التنطيق فيهو مشكله معناتا مخططاتك كلها غلط محتاج ترجع ورا تاني ، عشان كده جمع وتحليل المعلومات شئ مهم لازم تتعلمو )
لو عندك افكار الاسكتش هي الوسيله الوحيده انك تعكسها بيها وتدخلها في شغلك ، بنلاحظ هنا انو الاسكتش علي مستوى المقاطع ظهر كعملية تحليليه بتقدر تدرس وتحلل اشكال الاسقف والمواد والنشاء حتي الاناره والتهويه والاتصال الداخلي وعلاقه الكتل وتركيبها مع بعض
الاسكتش والعمليه التحليليه مربوطات مع بعض حاول دائما طلع اي شئ في راسك كاسكتش اااااااااي شئ درب نفسك وخليها عاده ، في ناس بتقول لي التعب ده انزل كمبيوتر وخلاص لايجميل استحااااااله يكون شغلك مميز لو ماشخبطت وعدلت افكارك ،، الكمبيوتر للاظهار ماللتفكير للاشكال ما للتحليل
مامهم الخطوط الشينه بتتحسن مامهم انت يدك كعبه بتتحسن هي مهاره بالشغل بتكتسبها ولو عايز تكتسب مهاره اشتغلها كتير ولو عايز تتميز فيها وتبقي فريد اشتغل اكتر من غيرك ، حاول اشتري دفتر فاضي او اسكتش بوك ارسم فيهو وبالجانب واتفرج لي ناس اشتغلت تحليل شوفهم بفكرو كيف
حاخت اسم مرجعين هنا ومعاهم قناة تلغرام خاتي فيها شوية كتب اساسيه الاول نزلو وصورو وخليها معاك دائما بساعدك شديد شديد
والمرجع التاني العماره كتله وفراغ ونظام ده اقرا منو كل فتره فيهو مفاهيم حلوه ،،،
ولو اي زول مقرر انو يبدأ اسكتش ويتابع فيهو انا مستعد اوجهو لكن لو مامستعد فكر فيها
والمرجع التاني العماره كتله وفراغ ونظام ده اقرا منو كل فتره فيهو مفاهيم حلوه ،،،
ولو اي زول مقرر انو يبدأ اسكتش ويتابع فيهو انا مستعد اوجهو لكن لو مامستعد فكر فيها
ده الكتاب المفروض دائما يكون معاك.،،، كتاب عظيم جداااااااا
انا منزل الكتاب في القناة
انا منزل الكتاب في القناة
جاري تحميل الاقتراحات...