السّلام عليكم،
موضوع بـ خاطري من زمان وأبا أتكلّم عنه، وأتمنى تقرونه بـ قلوبكم💗
يا حافظات القُرآن، أوجّه لكم هذا الكلام ونا والله ودّي إنكم تاخذونه بعين الاعتبار وتحطونه ببالكم دوم✨
- كلنا ننشغل، تصير عندنا ظروف صعبة، هل فيه حد ف هالدنيا حياته خالية من الضغوطات؟ أبدًا والله !
موضوع بـ خاطري من زمان وأبا أتكلّم عنه، وأتمنى تقرونه بـ قلوبكم💗
يا حافظات القُرآن، أوجّه لكم هذا الكلام ونا والله ودّي إنكم تاخذونه بعين الاعتبار وتحطونه ببالكم دوم✨
- كلنا ننشغل، تصير عندنا ظروف صعبة، هل فيه حد ف هالدنيا حياته خالية من الضغوطات؟ أبدًا والله !
إنتِ ك حافظة قُرآن، اللي ربّي اصطفاج ومنحج الفرصة إنج تكونين من أهل القرآن، أهل الله وخاصّته، ليش أوّل ما تنضغطين من الدراسة مثلا، أو حياتج الزوجية، أو بسبب عيالج وتربيتهم، يكون أوّل شيء تتخلين عنه حفظ القرآن؟ وكأنّه عبء ثقيل؟💔
وايد طالبات أول ما يصير عندهم شيء أول شيء يسوونه ينسحبون من الحلقة، طيب ابحثي عن حلول أخرى غير الانسحاب؟ قللي الكمية مثلا، خبري معلمتج عن وضعج تغيّر لج وقت التسميع إذا تقدر، سوّي أي شيء غير إنج تتركين حلقة القُرآن، فكري كثير قبل لا تتخذين قرار مثل هذا، ولا تحرمين نفسج الأجر♥️🌿.
الحياة ما تصفى لحد، ما بتمرّ عليج فترة من حياتج تكون خالية من الظروف والهموم، بتنشغلين بالدراسة، والزواج، والحمل، والأطفال وتربيتهم، ووووو، طيب إذا تخلينا عن القرآن ف كل مرة نصادف فيها ظروف متى بنحفظه؟ متى بنتقنه؟ متى بنثبته؟.
حفظ القُرآن "مشروع العُمر" مش هواية تحفظينه وقت فراغج بس، أو فقط ف الإجازات تتسلين بحفظه، وتتركينه وقت انشغالج، القُرآن "أولويّة" هو الشيء اللي يوم تحفظينه وتقرينه بتتبارك حياتج، وبتصيرين أسعد وأكثر طُمأنينة، هل فيه حد يتخلى عن سعادته وطُمأنينته؟ فكري عدل يا صديقتي💗.
القرآن هو اللي بينطق يوم القيامة وبيقول لـ ربي فلانة سهرت الليل تحفظني وتقراني، يارب اشفع لها، وتدخلين بسبب شفاعته الجنة، صبرج واجتهادج وتكرارج للآيات ما بيضيع سدى، تذكري هذا الكلام دائمًا، ولا تنسينه، ولا تخلين الظروف تمنعج من هذا الخير، ربي يجعل القُرآن ربيع قلوبكم ويسعدكم🌧💗.
جاري تحميل الاقتراحات...