صدق لا يصدق.
(نادية قلب الاسد)
قصة حقيقية حدثت لي منذ سنوات..
توجهت كعادتي الى البنك لسحب مبلغ كبير نصف مليون جنيه ..وكان من المفترض ان يقابلني زميلي بالبنك ليأخذ معظمه ويودعه في حساب مورد ببنك اخر بدلا من عمل مقاصة تستغرق عدة ايام ..👇
(نادية قلب الاسد)
قصة حقيقية حدثت لي منذ سنوات..
توجهت كعادتي الى البنك لسحب مبلغ كبير نصف مليون جنيه ..وكان من المفترض ان يقابلني زميلي بالبنك ليأخذ معظمه ويودعه في حساب مورد ببنك اخر بدلا من عمل مقاصة تستغرق عدة ايام ..👇
على ان اتوجه لمكتب البريد بمبلغ بسيط ٥٠٠٠٠ لعمل حوالة بريدية لمورد اخر..ولكن لظروف خاصة تغيب زميلي ..اتصلت به مرارا ولما اجابني علمت بظروفه ..وقلت له لاتقلق ساتصرف..وهنا تبدا القصة ..المبلغ استلمته في كيس مكتوب عليه اسم البنك ..تقولش دعوة للصوص لينتبهوا الست دي شايلة فلوس ..👇
دخلت على المدير صباح الخير ..اهلا صباح النور يانادية ..خير هتشتكي مين النهاردة ...رئيس الخزنة ..ليه عاكسك ..لا بس اعطاني نص مليون جنيه من فئات صغيرة ومش عاملة حسابي ..والشيلة كده هتخطف بيها ... انتي تتخطفي من غيرها كمان ..الله يكرمك ازي المدام ..طيب والمطلوب ..👇
نخلي المبلغ كله من فئة ال٢٠٠ جنيه ..ما انتي عارفة يانادية مينفعش ..فين زميلك ييجي يشيل ..عنده ظرف طارئ ..طيب اجيب لك كيس تاني تقسميهم على كيسين ...كده هتخطف من عصابتين ..كتر خيرك ..سلامو عليكم ..خرجت البنك في مكان هادئ ..كفر عبده.. مفيش تاكسي بيعدي دايما من هنا ..👇
اتمشيت بالكيس الى شارع ابو قير ..مشوار ..وقفت تاكسي ..بسال السواق ..رشدي ع البحر ..رد : والله ما شفته ...بيهزر حضرته ..طب اتفضلي ..ركبت بجواره ..ايه ده هي المقررات سهلة كده ..لا ياخفيف اصل الكرسي قدام واسع اقعد براحتي واحط النص مليون اللي في الكيس على رجلي ..👇
وكمان اديك فرصة تركب حد تاني وتسترزق ..تصدقي انت اول زبونه اشوفها بتهزر ومبتقفش .. طب ما تديني شوية م الكيس ..وماله انا اديك الكيس باللي فيه وانت تديني الايراد اللي معاك كله ..ههه دا انا كده هتقلب ..بدأ يقلق الست دي مش طبيعية ..اطلع بينا على سان ستيفانو ع البحر ..حاضر 👇
ايوة ياتامر لا متقلقش خليك في اللي انت فيه ..ربنا يقومها بالسلامة ..انا سحبت النص مليون ورايحة في تاكسي للبنك الاهلي ..لا متقلقش هو السواق طمعان في الكيس ..بس انا هقلبه في ايراد العربية ..سلام ..السواق بص لي ..لا اكيد الست دي مجنونه ..👇
طيب حضرتك لما الكيس فيه نص مليون ..ليه تبدليه بالايراد اللي ميكملوش ٢٥٠ جنيه ..ههه عشان ال ٢٥٠ فلوس حلال والنص مليون حرام ..تسيب الحلال وتاخد الحرام ؟؟ ..وجهة نظر برضه ..انا بسألك مش باخد رأيك.. لا طبعا انا ايش ضمني ان الكيس فيه فلوس بجد ..هو انا عبيط اصدق الكلام ده ..👇
عندك حق انا بصراحة بعمل النمرة دي عليك عشان اقلبك ..بس صعبت علي شكلك عريس جديد ووراك مصاريف ... وصلنا ياهانم ..طيب انزل افتح لي باب العربية وخد مني الكيس ..السواق لم كل الفلوس اللي شايلها في الشماسة ونزل ..خايف اقلبه ..فتح لي باب العربية شال مني الكيس👇
نزلت ادور على ٢٠ جنيه فكه مفيش ..فتحت الكيس وهو شايله طلعت رزمة فئة ال٢٠ جنيه ..سحبت منها ورقة ..هو سرحان في الكيس ومحتوياته ..مش قلت لك نبدل ..اخدت الكيس وسلمته ال٢٠ جنيه وقلت له دي الاجرة بزيادة ..بس فلوس حلال ..ربنا يرزقك .. 👇
طيب هو فيه واحدة تعمل كده برضه ..لازم تحرصي متضمنيش غيري ممكن يعمل ايه ..ماتخافش علي سلام ودخلت البنك
ليه احيانا الصدق لا يصدق؟
@Rattibha 🌺
ليه احيانا الصدق لا يصدق؟
@Rattibha 🌺
جاري تحميل الاقتراحات...