رتبها

تعرف إيه عن أجيال الطيارات المقاتلة ؟
—
شوف الـ Thread

الجيل صفر
—
و ده الجيل المستخدم من الحرب العالمية الاولى لحد الحرب العالمية التانية ، و كانت الطيارة بسيطة ، معتمدة علي قوة دفع المحرك المروحي و بالتالي مكانتش تقدر تشيل اوزان تقيله ، دي اللي استخدمت في الحرب العالمية الاولى و بدايات التانية و هجوم بيرل هاربور و الكاميكازي الشهير

الجيل الأول
—
مع اختراع المحرك النفاث ١٩٢٨ ، بدأ دخوله الخدمة في تصنيع الطائرات المقاتلة في اواخر التلاتينات و اوائل الاربعينات ، طبعاً قوة دفع المحرك النفاث لا تُقارن بالمحرك المروحي ، فالطيارة بقت اكبر و تشيل اوزان اكبر
—
طائرة هينكل النازية
طائرة ميج ٩ الروسية

الجيل الثاني
—
مع التطور في صناعه المحركات النفاثة ، بقت الطيارة بتعدي سرعة الصوت Super sonic ، و بالتالي الطيارات بقت اسرع و تقدر تشيل حمولة اكبر ، طبعاً التنشين في الاجيال دي كان تنشين بصري
—
اشهر امثلة الجيل التاني
ميج ٢١
F8 الامريكية

- من ملامح الجيل التاني هو ظهور الصواريخ الحرارية و ده نتيجة الحرارة الكبيرة جدا اللي بتنتج من المحرك النفاث اللي بتوصل لـ ٨٠٠ درجة تقريباً ، الصواريخ دي بتتبع الهدف عن طريق الحرارة الصادرة منه

- ظهور الصواريخ الحرارية ادى لظهور الفليرز و دي عبارة عن شعلات حرارتها عالية ، عشان تشتت الصاروخ الحراري عن الطيارة المستهدفة
—
- الجيل التاني كان بدايات ظهور الرادار فيه

- الجيل الثالث
—
تم تطوير الجيل الثالث ، و كانت اهم ملامحه زيادة سرعه الطيارة و قلة زمن الوصول لسرعات فوق صوتيه ، زيادة حجم و وزن الطيارة و بالتالي زيادة القدرات التسليحية
—
أهم الطيارات
—
الفانتوم الامريكية
ميراج ٣ الفرنسية

- من ملامح الجيل التالت هو تطور الرادار في الطيارة بشكل كبير ، فبقا المدى بتاعه اكبر ، و بالتالي تم اختراع الصواريخ الرادارية و دي صواريخ بتتم توجيها باستخدام رادار الطيارة للهدف

- الجيل ده كان ما بين ١٩٦٠ لـ ١٩٧٠ ، بالمناسبة منهم الطيارة حلون ٣٠٠ المصرية اللي تم الكشف عنها سنة ١٩٦٤ لكنها لم تدخل الخدمة

- من ملامح الجيل التالت ايضاً هو ظهور بدايات لانظمة الملاحة الحديثة ، و هو الـ NIS و ده قبل طهور الـ GPS ، فبقا تنقل الطيار اسهل بعد ما كان توجيه بيتم بشكل ارضي

- ده مثال علي الفرق في الحجم بين الجيل الثاني و الثالث
—
الميج ٢١ جيل ثاني
الفانتوم جيل ثالث
—
الطيارتين دول شاركوا في حرب اكتوبر ، مصر بالميج ٢١ و اسرائيل بالفانتوم

الجيل الرابع
—
و ده في الفترة بين ١٩٧٠ لـ ١٩٩٠ ، و حصل طفرة كبيره في بناء الطائرة فتم استخدام المواد المركبة بدل من سبايك الالمونيوم في بناء جسم الطائرة ، ميزة المواد المركبة انها خفيفة الوزن ، عالية المقاومة ، فبالتالي الطيارة تقدر تشيل اسلحة ووقود اكتر
—
اشهرهم
F16
F15

- ده مثلاً الفرق بين حمولة طيارة الفانتوم جيل تالت و بين الـ f15 جيل رابع و واضح فرق الحمولة للاف ١٥ بسبب زيادة نقاط التعليق

- طبعاً حصل طفرة كبيره في التكنولوجيا اترجمت في الطيارات لتطوير اجهزة الملاحة و القيادة و التوجيه و الردارت و كانت بداية ظهور انظمة الحرب الالكترونية و هي التشويش على انظمة الدفاع الجوي المعادية

- طائرات الجيل الرابع كان اغلبها طائرات متعددة المهام زي الاف ١٦ ، معنى متعددة المهام ، يعني طيارة لو عايزها في قتال جوي و اعتراض تقدر تسلحها بصواريخ حو جو ، عايزه قصف ارضي ، تسلحها بقنابل ، عايزه حرب الكترونية تحطلها بودات حرب الكترونية ، فكان التشكيل يطلع فيه اكتر من طيارة

- يعني كان فيه تسريبات ان الطيارات المصرية اللي ضربت ليبيا بعد اعدام العمال في ٢٠١٤ من داعش ، كانوا حوالي ٦٠ طيارة ، منها طيارات للقصف الارضي و طيارات حماية جوية و طيارات حرب الكترونية و تشويش و طيارات انذار مبكر ، مصر وقتها كانت تملك الاف ١٦ و الميراج ٢٠٠٠ فقط

- الجيل الرابع +
—
و دي تم بنائها علي الجيل الرابع و تم زيادة المدى و زيادة استخدام المواد المركبة في صناعة الطيارات و زادت استخدام التنكولوجيا نتيجة التطور الهائل في التكنولوجيا ، و ظهر فيها ميزة التخفي علي الرادارات بنسب صغيرة و دي زي بعض البلوكات الحديثة من f16 و f15

- ميزة التخفي معناها ، ان مثلا الطبيعي ان الطيارة تترصد علي رادارت العدو علي مدى ٤٠٠ كيلو ، ميزة التخفي خلت انها تترصد علي مدى اقل ، يعني بدل ما تترصد علي ٤٠٠ كيلو تترصد علي ٢٠٠ بس ، و طبعا مع زيادة التطوير في الاسلحة سهل علي الطيارة انها تضرب صواريخ مداها عالي قبل الرصد

من مميزات الجيل الرابع + ، هو ظهور الـ data link و دي عبارة عن بيانات ضخمة بيتم مشاركتها بين العناصر الصديقة للطيارة ، سواء طيارات ، رادارت ، اواكس ، سفن ، اقمار صناعية ، و بتكون مشفرة و بتحصل في الـ real time و بتكون صورة واضحة للمشهد الجوي قدام الطيار

- يعني مثلاً طيارة رادرها مداه ١٠٠ كم ، بالداتا لينك ممكن تشوف اللي الطيارات اللي معاها كلها شايفاه ، او ممكن تشوف اللي سفينة في البحر صديقة شايفاه ، او رادار صديق ، او طيارة اواكس انذار مبكر شايفاه او قمر صناعي ، فبدل ما كنت شايف ١٠٠ كم بس تقدر تشوف ١٠٠٠ كم و يمكن اكتر

الجيل الرابع ++
—
و ده تطور كبير حصل في بناء هيكل الطائرة فبقت تستخدم مواد اخف و بالتالي زيادة حجم الوقود و تسليح الطيارة ، و زيادة قدرة الطيارة علي المناورة ، و تطور كبير جداً في انظمة الحرب الالكترونية و القدرة علي التخفي
—
ابرز الامثلة
—
الرافال الفرنسية
سوخوي ٣٥
يورو فايتر

- طيارات الجيل الرابع ++ بقت اسمها طيارة كل المهام ، عكس طيارات الجيل الرابع متعددة المهام ، يعني طيارة واحدة تقدر تعمل كل حاجة ، تقدر تشيل صواريخ جو جو و قنابل و بودات حرب الكترونية و خزانات وقود ، و بقت طيارة واحدة قادرة تعمل كل حاجة

- ده مثلاً تسليح الرفال ، قدرة تسليح مرعبة ، شايلة ٦ صواريخ جو جو ، و ٦ قنابل ، بودات حرب الكترونية و خزانات وقود ، وده بسبب زيادة عدد نقاط التعليق بسبب خفة وزن الطيارة نتيجة استخدام المواد المركبة

- حصل تطور كبير في قدرات انظمة الحرب الالكترونية ، مثلاً في الرافال نظام سبيكترا هو احد افضل انظمة القيادة و الحرب الالكترونية في العالم ، و يقال ان النظام ايضا زود من تخفي الطيارة فبدل ما تترصد علي بعد ٤٠٠ كم تترصد علي بعد ١٠٠ كم

- نقطة للتوضيح : بداية من الجيل التالت فالتوجيه و استهداف الهدف ، بيتم عن طريق التوجيه سواء بالقمر الصناعي او الليزر او الرادار او الحرارة ، يعني لو هدف ارضي الصاروخ او القنبله بيتم توجيها بالليزر او القمر الصناعي

الجيل الخامس - الشبح
—
بسبب الطفرة الكبيرة في التكنولوجيا ، بدأ بناء طيارات الجيل الخامس و اضافة ميزة التخفي بشكل عالي يصل الي الشبحية ، ده عن طريق عمل انحناءات كتير في جسم الطيارة و طلائها بمواد خاصه عشان متعكسش موجات الرادار ، فيكون صعب اكتشافها
—
مثال
—
F35
F22

- لو لاحظت اشكال الجيل الخامس ، هتلاقيها مختلفة جدا عن الاجيال القديمة ، هتلاقي كلها شكل غريب كدا و بلون واحد و ده بسبب المادة اللي مطلي بيها

- تم اضافة الاسلحة داخل بدن الطيارة عشان مقاومة الهواء تقل و بالتالي سهل المناورة ، دي صورة لـ f35 و مخزن الاسلحة مفتوح

- دي صور لظهور الـ f35 و f22 علي الرادار ، f35 بتظهر زي حجم كرة الجولف ، بينما f22 بصمتها الردارية هي بصمة حشرة

- دي صور ازاي طائرة جيل رابع ++ و هي سوخوي ٣٥ ، تقدر تشوف الطيارات علي بعد كام ، تقدر تشوف f22 علي بعد ٣٦ كم و f 35 علي بعد ٥٨ كم ،ويعني الطيارة السوخوي سها تضرب قبل منهم قبل ما تشوفهم اصلاً

- f 35 هي طيارة شبحية جيل خامس ، تستخدم كطيارة في دول حلف الناتو و حلفاء امريكا ، من الدول اللي تملكها في الشرق الاوسط هي اسرائيل و كانت تركيا هتاخدها بس تم اخرجها من برنامج f 35 بسبب حصولها علي منظومة دفاع حوي اس ٤٠٠ الروسية

- طيارات f35 الاسرائيلية بتتمركز في قاعدة جنوب اسرائيل ملاصقة للحدود المصرية ، طبعاً محرم علي مصر الحصول عليها لأنها العدو الاساسي للكيان ، و كان محرم علي اي دولة عربية تملكها لضمان تفوق اسرائيل ، لكن اتفاق السلام الاخير بين الامارات و اسرائيل هيتم بسببه حصول الامارات عليها

- اما F22 هي طيارة محرم بيعها خارج امريكا بقرار من الكونجرس ، لأنها طيارة فيها تكنولوجيا متقدمة جدا ، حتى اسرائيل ممنوعه منها ، و تم صناعة عدد محدد منها و توقف تصنيعها ، بسبب تكلفتها العالية

- تم صناعه نسخة بحرية من f35 للعمل علي حاملات الطائرات تسمي f35B ، و دي بتستخدم تكنولوجيا الهبوط العمودي ، زي الهليكوبتر بالظبط

- حسب بعض التسريبات بالقمر الصناعي ، مصر نشرت منظومتين رادار انذار مبكر ، يبلغ مداه ١١٠٠ كم في شرق مصر ، حتى تكشف طيارات الـ f35 الاسرائيلية من مسافه امنه و توجيه المقاتلات المصريه للتصدي لها

- كان من اللافت نشر الجيش المصري لرادارات Resonance-NE بشكل متقارب شرق مصر بحيث يغطيان مجال واحد .. و هو القريب من اسرائيل ..
الرادار الروسي Resonance-NE وهو رادار إنذار مبكر ثلاثي الأبعاد يعمل في نطاق VHF و يبلغ مداه الاقصى 1100 كم ضد هدف يحلق على ارتفاع عالي 100 كم

- كسيناريو مفترض .. في حال تحليق مقاتلات F-35 بوضع صمت لاسلكي تام .. فإن رادار Resonance يمكنه كشف هذه المقاتلات من مسافة آمنة اذا كانت تحلق على ارتفاع عالي ..

عندها سيتم توجيه مقاتلات لمنطقة تواجد مقاتلات F-35 و عرقلة مهمتها بحيث تجبر على فتح راداراتها و هذا سيجعلها اكثر عرضة للكشف بوسائط الكشف السلبي المسلحة بها مقاتلات رافال و سوخوي35 ..

و بس

- مصر تملك طائرات اف ١٦ و دي العصب الاساسي للقوات الجوية ، و ٢٤ مقاتله رافال ، و حوالي ٤٠ طيارة ميج ٢٩ ، و ٢٠ طيارة سو ٣٥ و ٢٠ طيارة ميراج ٢٠٠٠

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد