بتكلم عن رحلتي ل #مصر... كانت من الرحلات اللي ادبتني على المستوى الانساني.. السبب لزيارتها كانت زيارة دراسية ٤ شهور لزوجي وكنا بين مصر والاردن. بس اخترنا مصر عشانها تاريخ وارخص. بالبداية ماكنت متحمسة و طاقتني الغلقة اني بروح مصر 😔. لانها بلد عربي فكرت مافيها شي جديد بالنسبة لي.
الشيء اللي كان محمسني للسفرة اني بكون العشر الاواخر من رمضان فيها.. يعني بعيش الاجواء الرمضانية..كنا حاجزين شقة في المهندسين واول ما وصلنا علطول رحنا لها. طلعت شقة مذيعة مصرية ماعرفها صراحة بس شكلها كانت مشهورة زمان. بنتها مأجرة البيت علينا. دفعنا ب الف دولار لكل هالشهور.
اول ماوصلنا كان بالليل وقلت يلا ننزل نشوف اجواء رمضان.. طلع كله رجال على القهاوي بالحواري وحنا نمشي الكل يطالع فينا ويتميلح ومن بعدها حرمت اطلع ماحسيت بالامان بسبب نظراتهم.
كنت كل يوم اودي زوجي لمدرسته واستناه لحد ما يخلص ونرجع سوا.. وكنت اجلس مع مدام سهير اللي تسوي القهوة وسواليف.لسبب ما كنت ًخايفة عليه يعني للاسف رجعنا من السفرة وهو ما تعلم شي لاني معه ٢٤ ساعة.. المدرسة كلها معلمات يجننون.. ممتنة لهم طول عمري.. لاني شفت مصر على حقيقتها منهم هم..
كونت صداقات مع معلمات زوجي لحد الان.. لو رجعت مصر راح يكون عشانهم وعشان اهل مصر مو عشان البلد.. كرماء بوقتهم وفلوسهم وعلمهم.. اول يوم وصلنا مصر.. قلت لزوجي رجعني 🤣.. بس بعده بكم يوم المعلمة خذتني ل حي شعبي "امبابة" عشان نشتري قطايف رمضان ومن بعدها تغيرت وتحسنت نفسيتي.. لبى روحهم
ركبت التك توك، السوزوكي، التاكسي، الحمار، القطار، والمترو... تعلمت شغلة ان المترو والقطار فيه قسم نساء وقسم رجال ومختلط.. لاني لقيت نفسي كذا مرة في مركبة رجال 🙁. لحالي من بينهم. 🙃..
من الاشياء اللي صارت لنا: كنا راكبين السوزوكي في حارة ماندري وين حنا فيه قبل الفطور.. قطعو علينا شباب السيارة ووقفوها وكان معهم اكياس بيضاء.. انا فكرتها خطف على مخدرات.. طلع ياعمري يوزوعون اكياس فيها سوبيا والا بالغصب تاخذون ويبون الاجر قبل الاذان. هالموقف مرة اثر فيني ❤️.
العيد ب #مصر كان من اجمل الاعياد بحياتي. اول مرة اصلي جنبي زوجي من دون مانتفرق قسم رجال وقسم نساء. الكل كان مع عيلته يصلي. كان في جامع مصطفى محمود
من بعد صلاة العيد قلت لازم يبي لها فول. ورحت ل محل اطلب وبرضو بالغلط ماكنت ادري ان فيه لاين للرجال ولاين للنساء..
نادرا ما كنت اكل من المطاعم في مصر.. كنت دائما اطبخ وكنا مفجوعين من رخص الخضار والفواكه...كل يوم مانقا لحد ما صفرنا
بنفس اليوم العصرية خذنا القطار وطلعنا للاسكندرية عطلة العيد.. الاكل البحري ولا قيمة ماكاندولز في امريكا.. رحنا القلعة ومكتبة الاسكندرية.. وذقت فيها احلى نوع مانقا اسمه "تيمور".
و رحنا برضو المقابر الاثرية وقصر المنتزه. زوجي كان يعرف عن مصر اكثر مني ك عربية صراحة..اول مرة اعرف عن المقابر وتاريخ المكتبة الا منه
تذاكر الدخول للاماكن السياحية الخليجي نفس سعر التذاكر للمصري بس الامريكي ضعف السعر.🙁😁💔.
في القاهرة.. رحنا زرنا جامع الازهر ومسجد الحسين.. اذكر دخلت اتوضا وعلى اساس زوجي بيتوضا ب#في قسم الرجال.. طلعت ولقيته قدامي.. قلت ماتوضيت؟ قال دخلت الحمام وحسيت اني بكون اوصخ لو توضيت من كمية القرف اللي فيه.. المهم مشينا وصلينا وربك عفو رحيم.
للاسف وانا اصلي في مسجد الحسين.. كنت اسرع بالصلاة ابي اطلع بسرعة لان فيه ناس كانت تاكل كشري بالمسجد 💔.
من الاشياء اللي تعلمتها في مصر:
١. فيه كثير عندهم فوقية بين بعضهم لدرجة عدم الرحمة صراحة..يعني مثلا صاحبة البيت اسمعها تصارخ عالخدامة صراخ يروع بس لما تشوفوني تصير الحمل الوديع.
٢. صحيح في ناس تلعب عليك وتاخذ فلوسك بس من قلبي حلال عليهم.. كلن يبي يدعم اهله ونفسه..
١. فيه كثير عندهم فوقية بين بعضهم لدرجة عدم الرحمة صراحة..يعني مثلا صاحبة البيت اسمعها تصارخ عالخدامة صراخ يروع بس لما تشوفوني تصير الحمل الوديع.
٢. صحيح في ناس تلعب عليك وتاخذ فلوسك بس من قلبي حلال عليهم.. كلن يبي يدعم اهله ونفسه..
٣. مع قوة الفقر اللي في مصر.. الا ان روحهم حلوة ومتعايشين
٤. الزبايل عندهم بكل مكان.. بعضهم يحرقها او يجمعونها قدام مدارس عشان الحكومة تجي تشيليها (طبعا اتكلم عن منطقتي اللي سكنت فيها). ماسكنت في ستة اكتوبر او المناطق الغالية.
٥. الكشري مو متوفر برمضان من المحلات المتخصصة فيه 😌
٤. الزبايل عندهم بكل مكان.. بعضهم يحرقها او يجمعونها قدام مدارس عشان الحكومة تجي تشيليها (طبعا اتكلم عن منطقتي اللي سكنت فيها). ماسكنت في ستة اكتوبر او المناطق الغالية.
٥. الكشري مو متوفر برمضان من المحلات المتخصصة فيه 😌
٦. اللمبة الحمراء اللي في غرفة للنوم اللي نشوفها بالمسلسلات طلعت صدق عندهم 🤣
٧. تعلمت انشر الملابس من على مرتفع 🙃
٨. عندهم منطقة خاصة للكتب تجننننننننن.. كتب ببلاش. صح طبعة لك عليها.خمخمت لين قلت بس.. بس اذكر طلعت من المترو لقيتها قدامي
٩. الموية كانت تقطع عندنا بالشقة وقت معين من نص الظهر لقبل المغرب. فصرت اطبخ الفطور من بدري 🤐.
١٠. يبي لك صاحب مصري يلفلفك حواري مصر ويعيشك التجربة من قلب. ممتنة للبنات اللي تعرفت عليهم.. لولاهم ما انبسطت في مصر.. ولا ركبت لا سوزوكي ولا مواصلات.هذا من احدى البنات اللي امها اصرت ترسل لنا فطور مصري ❤️
١١. كتب بكل مكان... لقيت كتب طفولتي وخميتها كلها
١٢. اللي استغربت اختلاف ثقافات ان فيه كثير منهم عادي يشربون من اكواب بعض(عقب بعض) زي مثلا كان مقدم لي عصير ولا عرفت وشو وسالت وحدة. خذت كاسي وشربت منه تذوق عشان تقولي وانا 😧.. طبعا انا استحيت وشربت بعدها.
١٣. للاسف محمد رمضان وتمثيله المقرف مأثر في كثير من شبابهم. نفس الستايل والبلطجية..صارت قدامنا حادثة ولا مسلسل.كان في هواش وقام واحد كسر قزازة بيبسي قدامي بيروح يهبد فيها احد..شافنا شخص ثاني محترم وعارف ان حنا سياح وماندري وش الطبخة..طلعنا من المهزلة ذي ووصلنا للفندق جدعنه منه❤️
١٤. تعلمت اني ما اخذ تك توك بحارة غير حارتي.. لان مرة خذناها من مسجد الحسين على اساس نروح منتزه قريب جنبه يقال انه مشهور.. ركبنا واحد وخذنا لحارة تروع لدرجة ناس وقفوه وقالو تدفعونا لنا فلوس عشان نمشيكم... كانو يتهاوشون علينا وزوجي مو فاهم وانا ما ابي اروعه بس مسكنا رجولنا وانحشنا
١٥. حقين التكاسي مافي اهضم منهم.. اغانيهم الخايسة وحزن ولا سواليفهم اللي تضحك ..صحيح لعابين بس حلال عليهم ومن قلبي ❤️. يكفي يضحكوني. بس حقين اوبر وكريم قمة بالادب وبروفشنال.. من جد اذا شباب مصر كملو كذا يا حظها فيهم..
١٦. لما احد يقولك شعب #مصر شعب عظيم. ماكذب! عظيم بصبره وبكفاحه وبقوته حتى بنصبه عليك عظيم.. رجعت امريكا وانا احس اني نظفت نفسيا من كلاكيع و طمع الدنيا..
١٧. حلاوة السفر انك تحاول تعيش زي اهل البلد.. مثلا كل حارة فيها تقريبا سوق خضار.. كنت اروح ادربي راسي اشتري الصبح بدري قبل لا يخلص. وفيه برضو دجاج وارانب ولحوم.
١٨. في العمارة بوابة يعطونها فلوس وتروح تشتري الخضار.. انا استحيت مرة اني اخليها تروح وانا قادرة ومنها تجربة ماراح اعيشها كل يوم... يمكن لاني ماني متعودة احد يسوي اموري عني.. هذا السوزوكي للي مايعرف وش هو.. سيارة سوداء صغيرة الناس فوق بعضها 😬
١٩. ما كنت ابي اروح للاهرام على ان ماعمري شفتها قبل. كنت اقول مثلثات وشفتها صور وخلاص. زوجي على انه سبق وسافر مصر وشاف الاهرامات الا انه اصر نروح.. وزين اني رحت.. ضحكت ضحك على براءة الاطفال اللي يحاولون يعطونك افكار للتصوير مع الهرم وياخذون فلوس..كل واحد يحاول يسترزق بطريقته ❤️
٢٠. اللي يحزن بالموضوع اي احد كنت اقوله "مصر" كان يتشائم وينصحني اني ما اروح. حتى المصريين نفسهم.. بس الامريكان غير لما تقول مصر يقولون "واو. ايجبت" . صحيح البلد معدومة من ناحية الخدمات والنظافة ولا اتمنى اعيش فيها طول عمري.. بس اهلها وتاريخها يسوون تحمل هالتعب والاختلافات.
٢١. سفرتي ما كانت سفرة سياحية..يعني ما سكنت في فندق ولا حي راقي ولا رحت مولات اتسوق.. سكنت مع الشعب وتعايشت معه كل الشهور.. اكب زبالتي بنفسي واطبخ واغسل وانشر. حتى المكيف ماتهنيت فيه عشان اللي ماجره علينا البيت ماتبينا نخسرها 🤣.. تراقب العداد.. سفرتي تمثل تجربتي فقط لا غير.
جاري تحميل الاقتراحات...