عندك فلوس جاهزة للاستثمار ؟!
وبنيت خبرة بسيطة عن السوق وبدأت تفهم ..
لكن برضه منت عارف من فين وكيف تبدأ ؟!
تسمع عن التحليل الأساسي والتحليل الفني في الاستثمار ؟!
موضوع مهمة جدا .. تعال معايا 👇🏻
#الاستثمار_للجميع
وبنيت خبرة بسيطة عن السوق وبدأت تفهم ..
لكن برضه منت عارف من فين وكيف تبدأ ؟!
تسمع عن التحليل الأساسي والتحليل الفني في الاستثمار ؟!
موضوع مهمة جدا .. تعال معايا 👇🏻
#الاستثمار_للجميع
تكلمت في تغريدات سابقة عن أنواع المستثمرين .. وقلت إنو عندنا ٥ أنواع : أساسي، مؤهل، متمرس، داخل، مطلَق .. وتكلمت عن النوع الأساسي بشكل تفصيلي .. اليوم حنتكلم أكثر عن النوع الثاني .. المستثمر المؤهل 🤓
المستثمر المؤهل باختصار .. عنده فلوس يقدر يستثمرها (زي الأساسي) وعنده كمان شوية معرفة مالية .. تأهله يبدأ يستثمر .. وأهم شي إنو يفهم الفرق بين التحليل الأساسي والتحليل الفني .. ايش يعني دا الكلام ؟! 😅
التحليل الأساسي .. باختصار يعني تقليل المخاطر مع تعظيم القيمة .. ويكون بإنك تعرف تقرأ القوائم المالية للشركة اللي تبغا تستثمر فيها (تكلمت عن القوائم بشكل مبسط في تغريدات سابقة) .. وتاخذ قرارك بناء عليها 📖
أما الاستثمار الفني .. يكون باتخاذ قرار الاستثمار بحركة السوق .. ويستخدم العرض والطلب (غالبا في الأسهم) في قرارات الشراء أو البيع .. اقرا المقالة لو حاب تفهم أكثر 💹
argaam.com
argaam.com
نرجع لموضوعنا .. المستثمر المؤهل .. هو اللي يقدر يفهم ويقرا البيانات من الطريقتين التحليليلة اللي فاتو (الأساسي والفني) .. ودا الشي اللي يخليه دايما ياخد قرارات بشكل صحيح .. غير اللي بيخبط ويشتري ويبيع ومهو فاهم اش الهرجة ! 🤣
طيب ايش أستفيد اني اكون مستثمر مؤهل ؟! .. طريقة المستثمر المؤهل .. انو اذا السوق نزل او طلع حتكون عارف ومستوعب اش بيصير .. ومتمكن من قرارك في البيع أو الشراء .. ودا يضمن لك انك ما تخسر خسارة كبيرة .. وتقدر بسهولة تكسب حتى لو السوق نازل 🤩
طيب .. انا كدا تهت شوية .. ومني فاهم منك شي 😂
طيب خليني الخّص اش استفدنا من تغريدات اليوم .. ٣ أشياء : ١- إذا إنت مستثمر مؤهل .. ممتاز .. زيد معرفتك المالية وخبرتك في طرق البيع والشراء .. والله يوفقك 🙏🏻
طيب خليني الخّص اش استفدنا من تغريدات اليوم .. ٣ أشياء : ١- إذا إنت مستثمر مؤهل .. ممتاز .. زيد معرفتك المالية وخبرتك في طرق البيع والشراء .. والله يوفقك 🙏🏻
٢- اذا إنت مو مستثمر مؤهل .. لكن عجبتك الطريقة .. وحابب تدخل سوق الأسهم .. انتبه تدخل السوق بدون معرفة .. قوي نفسك أول بالمعرفة المالية .. واقرأ عن التحليل الأساسي والتحليل الفني .. شد حيلك 😁
٣- أما إذا إنت مو مستثمر مؤهل وحسيت الطريقة مرة صعبة عليك .. معناها اصبر شوية .. حكتب عن باقي أنواع المستثمرين .. حتلاقي طريقة ثانية تكون فيها مستثمر حتعجبك وتناسب وضعك أكثر 💪🏻
جاري تحميل الاقتراحات...