ثريد كيف صرت من ذوي الهمم ♿️:
بدأ الامر قبل 5 سنوات بعد ما كنت اسوق فجاة كنا نضحك الا ويصير كل شوي اسود هذا الي اتذكره
صحيت وكأني مخدر من كل جهة ما اشعر بأي شيء في جسمي وكأني جسد بلا نبض ولا روح وشفت كثير اجهزة علي وكان منظر مرعب بس ماكان عندي احساس
بعدها جاءت النيرس وتقول كيف حالك ومن هالكلام والحمدلله عالسلامة وانا في بالي الف سؤال وين انا وهل انا احلم بس كان لساني ثقيل ومافيني حيل للكلام بس إيماءات
بعدها اكتشفت ان كنت بغيبوبة اسبوع وجاؤو اهلي وكانو فرحانين وبنفس الوقت احس عندهم غصة وانا باقي ماشعر بشيء بجسمي
بعدها جاءني الدكتور يتطمن علي ويشوف ويتحمد لي بالسلامة ويقول بعد ايام بتبدا تتحسن اكثر والى الان اشعر بشعور غريب واحس ماقدر احرك شيء بالذات ماشعر برجولي نهائيا
بعد ثلاث ايام بدات استعيد عافيتي لكن برضه ماحس ان رجولي كويسة الى ان جاء ذاك اليوم الي مانساه 18/8/2015 جاءني الدكتور وكان يسولف معي وانا بدات اتكلم افضل قال لي تحس برجولك؟
قلت لحد الان باقي وقال لي انت انسان عاقل وذكي وانت بتقدر على التحديات والحمدلله الله انجاك من الحادث الشنيع
قلت لحد الان باقي وقال لي انت انسان عاقل وذكي وانت بتقدر على التحديات والحمدلله الله انجاك من الحادث الشنيع
قال لي ^^انت ماعاد بتقدر تمشي بعد الان ^^ وقع هالكلام علي كان اقوى من الصاعقة وكان موية باردة انسكبت علي ولا قلت اي كلمة وقعدت اناظره مصدوم
انطويت اكثر واكثر عن الكل وصرت ما اكلم احد نهائيا ولا بكيت بعد احس اني مو مصدق باقي وقاعد اقول يوم عن يوم بتتحسن رجولي اكيد بس مع الاسف جسمي من الجهة السفلية ماتغير شيء
صرت اكره كل شخص صار تعاملي مع اهلي جدا سيء ايام سوداء جدا وصرت ما اطيق اي شخص اشوفه ونظرات الشماتة من البعض كانت تاكلني من داخل والبعض كان ينظر لي بنظرة الضعيف وهذا اسوأ
السنة هذيك كنا اتوقع بالصيف اصبت باكتئاب حاد جدا وحاولت انهي حياتي لكن الحمدلله فشلت وكذا اهلي شافوا تدهور حالتي النفسية ودوني عند اخصائي جزاه الله كل خير الاستاذ تركي
كانت اول جلسة لي منزل الكاب وماسولف ولا اكلمه ابدا وهو قدر بطريقته يبدا يفتح معي المواضيع طلعت من اول جلسة وانا كنت اقول مابي بس بعدها بدات اقتنع اجي الجلسة الي بعدها
اتذكر الجلسة الثانية يوم جيته اول مرة انهار وابكي من بعد الحادث واقوله انا تو مابديت وعشت حياتي الي ابيها انا كنت ابي اصير واسوي وانا ابكي وكان مخلوق من ذهب يضمني ويقول معليك تقدر تسوي كل الي تبيه واكثر بعد ماخلصت بكاء حسيت براحة اكثر واحس هم وانزاح مني
مانسى كلمته لي بعد ماخلصت وكل شيء وهديت بعدها صرت معصب واقول ليه انا ونظرات الانتصار وكلام الناس متعبني صار يقول بقولك شيء هل القهر منهم ولا شيء بيوديك ولا يجيبك ولا ياثر عليك بشيء ولا بحالتك ؟ هل تبيهم فعلا يحسون انك خسرت وصرت ولا شيء؟ ولا توريهم انه عمر الحالة حقت الشخص
ماكانت عائق وعطاني مثال عن مهند ابو الديا اتوقع اسمه كذا وانه مابدات شهرته وانجازاته الا يوم اصبح كفيف بعد هذيك الجلسة تغيرت افكاري تغيرت مبادئي واشياء كثير كانت فيني تعلمت اشياء لو كنت صحيح ماكان تعلمتها اصبحت اقرا كتب اكثر حبيت نفسي اكثر علاقتي مع نفسي صارت افضل
وصرت متصالح مع نفسي وكل شيء فيني تغيرت اصبحت احب نفسي احب الحياه❤️ بعدها بالدراسة اصبحت الاول على الدفعة بنسبة 100٪ تعلمت لغتين واصبحت اتطور بمهاراتي واعتمادي على نفسي باموري اليومية بشكل اكبر💞تخرجت من الثانوي وانا من الاوائل بمنطقتي والان ادرس بتخصص كنت اريده من قبل❤️
اعزائي ارجو منكم انكم ماتقللون من انفسكم ولا قدرتكم مهما كنتوا ارجو ان الثريد اعجبكم لانه اول مرة اسوي ثريد
جاري تحميل الاقتراحات...