في اول سلسلة راح نتكلم فيها بالمواضيع اللي مجهزها لكم اللي هي اللغة الأنجليزية ، اللغة الأنجليزية مهمه جداً لكل طالب او اي موظف في عمله والبعض يواجه صعوبه في تعلم اللغة بسبب تشتته او الطريقة الخطأ في التعلم في هذي التغريدات بكتب لك افضل خطوات بالترتيب لتعلم اللغة الأنجليزية
١- الأستماع : حاول تسمع جمل كثيره عود السمع عندك كل ما كثرت استماع كل ما كانت الفائدة كبيرة .
٢- استمع للجملة ونوع فيها : كيف يعني استمع للجملة ونوع فيها يعني انت الأن استمعت لجملة وتدربت عليها نفس هذي الجملة غير فيها الكلمات واستمع له وتدرب عليه .
٣- استماع + تحدث : دور محادثات قصيرة مشروحة وتمرن عليها يعني تسمع محادثه وتجلس تتكلم كانك بمحادثة .
٤- استماع + تحدث : لكن ماهي نفس الخطوة السابقة هالمره تجيب محادثات اطول والشرح فيها اقل تحفظ المحادثة وتجلس تتكلم كانك تتكلم مع شخص وتدرب على النطق.
٥- القراءة : قراءة قصة قصيرة وحاول قد ما تقدر تنطق اللهجة بشكل صحيح مع التدريب على المفردات اللي بالقصة بعد ما تخلص من القصة حاول بينك وبين نفسك تذكر القصة وتتكلم وتنطق هذا بيساعدك كثير بالقراءة .
٦- القواعد : خذ فكرة عن القواعد بدون تعمق فيها من حيث الأستخدام والفرق بين الأزمنة اهم شي بدون تعمق بالقواعد خذ فكرة بس عشان تفهم ليش الكلمة انحكت بالزمن هذا وليش ماتنفع بالزمن هذا اهم شي بدون تعمق .
٧ - الكتابة : اكتب عن الحاجات اللي تهمك ويفضل انه مثلاً لو كل يوم تكتب ملخص كامل ل احداث يومك واذا عندك شخص متمكن باللغة يشوف الملخص ويعلمك الأخطاء اللي عندك هذي راح تفيدك وتطورك اكثر بالكتابة.
٨- تابع مسلسلات وافلام بدون ترجمة : وصدقني لو انت ماشي على الخطوات اللي قبل صح تلاحظ انك بتفهم الكلام بدون ترجمة .
٩- تكلم مع اي شخص باللغة الأنجليزية : في تطبيقات تقدر تتناقش وتتكلم مع ناس اجانب او اذا عندك شخص متمكن باللغة تتكلم معه هذي الطريقة بتخلي التحدث عندك يكون ممتاز جداً .
١٠- اكتب اكثر ونوع بالمواضيع اللي تكتبه : اختصر لك النقطة هذي ادخل قوقل وتحصل مقالات حاول قراءة المقال كله وبعدين قفل واكتب ملخص للمقالة على حسب اللي تتذكرة بينك وبين نفسك هذا بيساعدك انك تتحسن بالكتابة كثير .
١١- تدرب على اللهجه والنطق : ركز عليها من اول خطوة الى اخر خطوة هذا شي مهم انك تجيد اللهجة بشكل صحيح
واحرص انك تمشي على الخطوات بالترتيب وما تستعجل وماتروح للخطوة التالية الا انت فاهم ومخلص من الخطوة اللي قبل ، بالتوفيق للجميع 🙏🏻❤️
وهنا وضعت مصادر سابقة للأستماع والكتابة وغيره من افضل قناة لتعلم اللغة الأنجليزية والخطوات فادتني انا والخطوات اخذتها من هالقناة 🙏🏻❤️
جاري تحميل الاقتراحات...