رتبها

زيارة لمتحف الغردقة
A visit to the Hurghada Museum

بورشور المتحف

المتحف عباره عن دورين؛
الدور الأرضي عبارة عن محلات تجارية وسوڤينيرات مختلفة، والتاني هو قاعات المتحف...
التذكره ب ٨٠ جنيه اسعار سياحية قوي، بس مش مشكلة

المتحف عبارة عن خمس أجزاء:
مصري قديم
يوناني روماني
قبطي
إسلامي
معاصر
مكانش فيه غير أشرف وأنا 😁 @Ash_Baraka

المتحف المفروض إنه بيهدف لإظهار الجمال خلال العصور المصرية كلها، ومن هنا جه استخدام ميريت آمون كواجهه للمتحف

اول حاجة في المتحف لوحة بتتكلم عن وحدة العائلة: أساس الحضارة المصرية

بعدها ڤاترينه جميله لأدوات التزيين المختلفة

في نفس الحته، مجموعة من التماثيل اللي مالهمش علاقة ببعض، وده حيكون السمة المميزة لباقي العرض في المتحف، ومع غياب أي كروت الشرح للقطع، الزائر حيكون تايه طول الزيارة...

فيه كذا ڤاترينه بتتكلم عن الأعمال الحرفية المختلفة، العجن، الفخار... الخ

نجمة المتحف... ميريت آمون

ڤاترينة المعرض المؤقت لآصار الملك توت عنخ آمون

طبعاً ڤاترينة النيل ومراكب الصيد خدت صور كتير، بس مع الاسف مافيش معلومات عن أي حاجة، كان ممكن العرض المتحفي كله يتنفذ بطريقة مختلفة...

عرض الحلي... مع وجود بعض بوتريهات الفيوم، وأقنعة توابيت رومانية 🤔

باقي ڤاترينة الحلي

فاترينة الكاتب دي لطيفة جداً، كان ممكن تكتمل بعرض لوحة لمنظر لكاتب مثلاً من معبد مصري قديم...

مجموعة تماثيل شبه بعض... ده كل اللي يربط المعروضات ببعضها...
غير فاترينه تصوير الملوك

الڤاترينه اللي من غير أي شرح... حاولت كتير أنا وأشرف نتخير الغرض منها، لكن ماقدرناش الصراحة... اللي عنده اقتراح يكتبه

وادي المومياوات الذهبية، اكتر حته مترابطة في عرضها في المتحف كله

المقبرة "الفرعونية"... هي محاولة لنقل الزائر لأجواء اكتشاف المقابر القديمة، مجموعة أبواب وهمية، جرار فخارية، وبعدين توابيت في الخلفية، مافيش أي معلومات عن أي قطعة منهم، وكنا فاكرين اننا حنقدر نشوف التوابيت اللي جوا دول، ولكن طلعوا موجودين زينه بس!

صور لباقي. "المقبرة"

مجموعة من الآثار اليونانية والرومانية

الفن القبطي والإسلامي

الحته الوحيدة في المتحف اللي بتنتمي للغردقة، هي ڤاترينة عرض لمجموعة منتشلات من مركب جزيرة سعدانة الغارقة، واللي موجودة جنوب الغردقة، وكنت عامل تويتات قبل كده عنها لأني اشتغلت في الموقع ده من كام سنه...

آخر ڤاترينه في المتحف هي التاريخ المعاصر
وهي مجموعة من النياشين من الأسره العلوية، وبورتريهات لأميرات من الأسرة المالكة

بس كده، هي دي جولتنا النهاردة في المتحف...
المتحف يستحق الزيارة، فيه قطع حقيقي متميزة، وأعتقد إن المتحف بيستهدف السائح الغير متخصص اللي عايز ياخد صورتين حلوين لآثار مصرية وخلاص...
الحقيقة إن المتحف في وضعه الحالي أنا بعتبره غير مكتمل... اتمنى أنه يتعدل في المستقبل.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد