بحكي عن موضوع مزعلني خصوصا ان يمديني احكي هنا من دون خوف لان محد من صديقاتي او اقاربي يعرف عن حسابي هذا ومستحيل يعرفون و لان محد ح يهتم للي بقوله ح احكي عنه
في بيني وبين صديقه علاقه جدا قويه لكن جاء يوم و جت طالبه جديده والبنت تقرب لي و قلت لصاحبتي خن نكون صداقه معاها لان صراحه كان بين امي وامها علاقه حلوه وايام يوم كنت صغيره كنا نروح هناك ونلعب مع بعض بس البنت انقطعت علاقتها فيني ع اي حال كنت اسعد انسانه لاني شفتها لاول مره من سنين
ف كلمتها قلت انتي فلانه قالت ايه واستانست مره مره لان من جد احبها واحترمها و ردت علي رد تسليكي م اهتميت لان وجودها كان كفيل بانه يتركني م افكر بشي سيئ كان افضل يوم واسوء يوم بحياتي حاولت ادخلها بيننا وضبطت خطتي لان م كنت ابيها تحس بالوحده ولان اعتقدت بهذيك الفتره انها تحتاج صديق
بعدها بكم يوم البنت بدت تتمادا معايا لدرجه صارت تتكلم عن اشكالنا خاصه ع جسمي بس م حبيت اقول شي لان هي بعيده عن امها ف م حبيت انها تزعل اذ قلت لها لاتتكلمين عن شي م يخصك ولان كنت خايفه بأي لحظه تتركني ف تحملت اذاءها بعدين بدت صحبتي اللي من سنين معايا تتغير
تعرفو الشعور اللي لما تكونو مجموعه مكونه من ثلاث اشخاص والكل يتجاهلك والاثنين مقربين وغالبا الضحيه يكون الشخص اللي عرف صديقه بهذا الشخص الجديد حاولت افهم وضعهم لان بالعاده م كانو يتكلمون بس صار اللي صار و صارت الجديده مقربه لدرجه كانت تنام عند صاحبتي لمده اسابيع ممكن وبعدها حسيت
باني شخص غير مرئي و كأن وجودي عدمه واحد بس سكت لان هم اصحابي الوحيدين ع الرغم من ان لما كنا نمشي كانو يمسكون يد بعض و يمشو و كان همسهم لبعض كثير لدرجه ان فيه مره قالو لي لاتجين ح نقول شي خاص بيننا وليومكم هذا م انسى كل كلمه قالوها لي حاولت حاولت م قدرت تعبت جدا نفسيتي كل شي تغير
من يوم م دخلت هالبنت في حياتي من جديد م عدت انا كرهتني بنفسي و بروحي بشكلي بجسمي بعيوبي نجحت بانها تجعلني شخص فيه عيوب كان مالي شي حسن فيني خلتني اكره نفسي شكرا جاني توحد و اضطرابات بالشخصيه اصبحت وحده كالجميع وحده تستحي من نفسها جعلتني اتمنى الموت لدرجه صليت و دعيت ع نفسي بالموت
كنت اوقف قدام المرايه وكنت اكرهه البنت اللي قدام المرايه اكرهها مره كنت كارهه نفسي لدرجه اخذت سكين وجرحت كتفي عشان ازيد عيوبي و اكرهه كل ندبه بجسمي و صحبتي اللي معايا من سنين شكرا لانك عاملتني بنفس الطريقه اللي هي كانت تسويها كنت اعيش بحاله سيئه وقبل م اقرر اتركهم كنا في الفسحه
ف اشترو و اعطوني اغراضهم حتى م قالو لو سمحتي قالو لاتحطين ع الطاوله دخلي بالشنطه نعم انا شخص اودي اغراض اصحابه واعمل لهم واجيب و لازلت نفس هالشخص اللي الناس يأمرؤنه ع اي حال رحت وديت اغراضهم كانت اشكالهم حزينه بس لما مشيت لفيت راسي حبيت اقولهم كلمه والطف الجو لقيتهم يضحكون فجاءه
دمعت عيني وكنت بهذيك اللحظه اشعر بالشفقه ع نفسي ثم سبحان الله ربي طلع لي انسانه صح م نتفق وممكن نتهاوش مع بعض و مرات تحس بشعور غريب بس اقل شي كانت صادقه وسالتني ليه م تكوني صديقتي هالبنت بكل صراحه كنت معجبه في شخصيتها مره مره ومرات لما اجي الصبح بدري نسولف مع بعض قلت لها اكيد
وقلت لها ممكن انقل من هالمدرسه بسبب البنتين هذولا بس البنت اقنعتني بان ابقى فيها كان اخر يوم بالمدرسه وحتى م تكلمت مع صحبتي ولا قلت لها ابي انهي العلاقه م قلت شي ولا هم اللي قالو شي و تعرفو اخر يوم مدرسه الكل يودع بعض بس م ودعوني وراحو بدري مع بعض وكانت عندهم وهذي اخر اخبار اخذها
منهم الشي الوحيد اللي اعرفه ان البنت لازالت تنام عند بيت صحبتي ف رجعت البيت وشفت ان م جتني ولا رساله منهم قلت يمكن نايمين لان ابي اتكلم عن هالموضوع و قلت مراح اسوي اللي اسويه دايم ولا راح ابادر بالكلام مر ثلاث اشهر وانا اشوف كل شي صحبتي تسويه من حساب مجهول م تعرفه عشان ابي اتطمن
عليها المهم بعد ثلاث اشهر رسلت نقطه وقلت هلا ثم بعدها بدت تقول لي اشتقت لك لك فتره قلت بخير حتى انا اشتقت لك ف قالت تهاوشت انا والفلانه و قتها عرفت ان م جت شوق لي بل لان هذي الفلانه هي الشخص الوحيد بحياتها وبعد ذهابها م عندها اي شخص ف حاولت ترجع علاقتنا وقالت اسفه وانها تبي نرجع
زي قبل فقلت لها انا سعيده الان و كل همي ارجع ضحكتي لاتحاولين تقومين همومي فقالت لي كلمه الفلانه كانت تقولها وقتها عرفت ان صحبتي اخذت كل طبايع هالبنت صار كلامها نفسها فحكيت لها انتي اخترتي غيري وانا الله عوضني و ف بدت تعاتبني والمفروض انا اللي اعاتب بس هذا اللي حدث فصارت تنقل
كل كلمه سيئه قالتها عني فلانه لما كنت اروح اجيب اغراضها فصارت تقول احنا كنا نضحك و نحش و نطقطق عليك لان صدقتها لما قالت ان انتي كذا وكذا و حطت الفلانه فيني عيوب وهي مب فيني وفوق هذا م كانت فلانه تعرفني ولا فيه بيننا ميانه فكيف يحق لها تقول عني كلام زي كذا اللي قهرني انه
طلعت عني كلام من دون اي سبب سكت ولا رديت وبعدها قالت لي ترا عندي صحبات غيرك يعني اذ تحسبين بوقف عليك فقلت الله يسعدك يعني وش بسوي وبعدها رجعنا ل المدرسه فصارت تجلس مع البنات اللي انا اقعد معاهم و كان اصعب اسبوعين يمرو علي لان حتى نظره م عطيتها حسبت انا السيئه وهي البريئه ف حدث
جاري تحميل الاقتراحات...