وش معنى اسهم ؟ كيف افتح محفظة استثمارية ؟ وش اشتري اي سهم؟ كيف ارتب محفظتي ؟ هذي الاسألة كثير من يجهلها ويحس ان صعب الجواب عليها لكن في الواقع موب الصعوبة اللي يتوقعها الشخص ,في هذا الثريد راح احاول اوضح اغلب الامور المهمة واساسيات اولية لمن يرغب في بداية الاستثمار في سوق الاسهم.
لما تفكر الشركات في بناء مشاريعها لابد من توفر سيولة (مال ) يكفي لتنفيذها.فتقدر انها تمول المشروع من خلال الديون او من خلال طرح اسهم,معنى سهم:هي حصة تملكها انت للشركة , فمن خلالها تكون شريك للشركة وتستفيد من ارباحها وتطورها. وتقدر بعدها اذا رغبت في بيع حصتك (اسهمك) بسوق الاسهم .
سوق الاسهم عبارة عن سوق يحتوي على جميع اسهم الشركات اللي تقدر تشتريها وتبيعها في اي وقت,فمثلا لو انك شريت سهم شركة المراعي ب 50 ريال, فمعناه انك مساهم في الشركة وتستفيد من ارباحها اللي توزعها , او تقدر تبيعها وتستفيد من ارتفاع سعرها اذا وصل فوق ال 50. طيب كيف اشتري وابيع ؟
طبعا فتح محفظة استثمارية صار اسهل من اول, تقدر تفتح محفظة من خلال البنك اللي تتعامل معه,مثلا بنك الانماء @AlinmaInvest, الصورة بتوضح الطريقه بسهولة, ودخول السوق من الساعة 10 صباحا الى3:20 العصر. فتقدر تشتري وتبيع الاسهم لأي شركة موجودة في السوق بسهولة وبسرعة
نجي اللحين للامر الاهم وهو كيف اختار السهم وكيف ارتب محفظتي, لابد اولا ان تختار ماهو سبب دخولك واستثمارك, هل تريد ربح على المدى الطويل( عشر سنوات او اكثر) ؟ او تريد ربح في فترة زمنية قصيرة ؟ لابد ان تكون مخطط وعارف وش سبب استثمارك ومنها تقرر طريقة واسلوبك في الاستثمار.
الاستثمار الطويل الاجل يكون بشراء شركات تكون لها مستقبل ومتوقعه تكون ارباحها ونموها ممتاز ولها سمعة قوية , اما اسلوب المضاربة (وهو شراء سهم وبيعه في ايام او في نفس اليوم), هذا النوع لاينصح فيه للمبتدئين بسبب خطورته العالية. ولا بد ان تكون فاهم ومجيد ومحترف لكي تربح.
ملاحظة: الخطورة في الاستثمار موب معناه خسارة, بالعكس ممكن يكون ربح, المقصد بالخطوره في الاستثمار هو لما يكون قيمة الخسارة او الربح عالية جدا (التذبذب) , فلو مثلا كنت مضارب فممكن تربح 10 ريال بنفس اليوم او ممكن تخسر 12 ريال بنفس اليوم ! فالتذبذب بالسعر اذا كان عالي = خطورة عالية.
كيف اقلل الخطورة؟ الطريقة الامثل لتقليل المخاطر هي التنويع, وهي عبارة عن توزيع الاسهم في المحفظة من خلال شراء انواع مختلفه من الاسهم لتقليل الخطورة, وهذا يعني ان يكون لكل سهم نسبة قليلة من اجمالي المحفظة. فلو افترضنا ان سهم شركة خسر, فمن الممكن ان سهم شركة اخرى ربح فيغطي الفارق
من عيوب التنويع ان نمو الارباح قليل, فبعض المستثمرين الكبار يحاجج هذي الطريقة ويستخدم طريقة التركيز, وهو اسلوب من خلاله يختار المستثمر الشركات اللي يراها قوية ومناسبة ويركز عليها بشراء كمية كبيره من هذي الشركة, خطورتها عالية لكن نمو العوائد اكبر." كلما زادت المخاطر ,زادت العوائد.
طيب كيف اختار واحلل السهم ؟ اولا واهم شيء فهم الشركة ومعرفة ماتقدمه من خدمات او منتجات, ثانيا قراءة وفهم القوائم المالية للشركة ومعرفة ارباحها واستثماراتها, كتبت سابقا ثريد عن كيفية فهم الشركة و القوائم المالية اتمنى تفيدكم.
اخيرا, لا تستخدم الا الاموال اللي ادخرتها وتريد ان تستثمر فيها, لاتتسلف او تستخدم المال اللي تحتاجه, كلما كنت صغير بالعمر حلو انك تتعلم مبكر اسس الاستثمار وتجرب لتستفيد, لاتسمع لاي شخص يوصي بشراء اسهم الا بفهم ومعرفة سبب الشراء, اتمنى اني ساعدتكم في هذا الموضوع, اشوفكم على خير.
sources:
#definition-of-stock" target="_blank" rel="noopener" onclick="event.stopPropagation()">investopedia.com
investopedia.com
#definition-of-stock" target="_blank" rel="noopener" onclick="event.stopPropagation()">investopedia.com
investopedia.com
investopedia.com/articles/inves…
Concentrated vs. Diversified Portfolios
Examine the relative advantages and disadvantages of utilizing either a concentrated or a diversifie...
investopedia.com/articles/inves…
How Does the Stock Market Work?
Learn how the stock market works, why companies issue stock, what happens when you buy a stock, and...
جاري تحميل الاقتراحات...