رتبها

اليوم بحمد الله ومنته كملت ٥ سنين في وظيفتي كأخصائية علاج وظيفي بمدينة الامير سلطان الطبية العسكري
واحس كذا اللي ودي اسوي ثريد
عن خبرتي و تجاربي مدري اشوف خمس سنين كافيه اني ابدأ اتفلسف

اول شيء خلونا نعرف وش #علاج_وظيفي التخصص من تخصصات التأهيل فائدته انه يساعد الطفل او الكبار من ذوي الاحتياجات الخاصة على انهم يستقلون ويعتمدون على انفسهم 👏🏻💪🏻youtu.be

طيب ليه اخترت هالتخصص ؟
الصدق في البداية كان ودي طب اسنان بس ربي ماكتب والحمدلله
بعد ما دخلت العلوم الطبية عجبوني تخصصين التثقيف الصحي وا الاشعه
لكن بالصدفة كان فيه يوم تعريفي
سمعت عن #العلاج_الوظيفي وقررت ادخل فيه👏🏻
هذي كنت اجمعها من كل قسم واقرأ عن كل تخصص هذي من٢٠٠٩

طبعاً سنوات الدراسة كانت حلوه الدكتورات متعاونات والشعبة رائعة كنت القروب ليدر من التحضيري وبعدها بسنوات التخصص الحمدلله
وكان عندي تقليد نهاية كل مادة اقول للدكتورة happy new year 😂❤️ وهذي كيكة جبتها لبنات الدفعه اخر يوم ❤️

واضح الثريد بيصير ذكريات بنفس الوقت ماودي اكثر كلام وأصير بثرة وودي الطالبات والطلاب يستفيدون
اذا انتوا لسا بالتحضيري اقرأوا عن التخصصات اكثر
شوف نفسك مستقبلاً هل ودك تشتغل هالشغله اكثر من نص يومك؟
هل شخصيتك يناسبها هالتخصص وهالمجال ؟
اعرف ان المجال الصحي ممتع لكن يحتاج صبر🙏🏻

من النصائح اللي انصح فيها الطلاب كمان انهم يشاركون في أنشطة أندية الجامعه انا كنت في نادي الجامعة وكنت احب المسرح وكان شيء حلو يطلعك من ضغط الدراسة شوي 💗بس طبعاً مو بسنة التخرج بذا السنة ركزوا على البحث واهربوووو 😭🏃‍♀️😂😂

طيب بعد الجامعه والتخرج تجي سنة الامتياز ههههههههههههه هالسنة على قد ماكان فيني تحمس على قد ماكان فيني ربكة 😂
يعني الأخصائي يبدأ الروتيشن الساعه ٩ اروح له من ٧ ونص 😭
طبعاً ذَا الفتره نصيحتي تعلم ولا تستحي من أخطائك واسألوا لكن لا تنشبون يعني سددوا وقاربوا 👍❤️

في سنة الامتياز اول روتيشن كبار سن كان يجي مريض عمره ٩٠ سنه واذكر جبنا له بلوت وجرائد قديمة عشان ننشط الذاكرة عنده
بس اذا رجعت البيت اسوي لامي دراما انه مساكين كبار وتعبانين 😭
لين زبدت لي قالت انتي رايحة مستشفى وش متوقعه تشوفين؟؟ 😂😭💔

جينا للوظيفة بالبداية توظفت بجمعية الاطفال المعاقين وهي من افضل الأماكن لتأهيل الاطفال👏🏻❤️ جلست فيها شهرين تقريباً بعدها رحت لمدينة الامير سلطان الطبية العسكرية لأن كان ودي اشوف حالات مختلفة اكثر ب٢٠١٥ 👏🏻🏃‍♀️

طيب الان نجي للمهم بعد الوظيفة لا تجلس مكانك انا اخذت دورات وسافرت على حسابي عشان اطور نفسي
لأني اذكر كلمة الدكتور الرائع محمد بريكة لما قال لنا بوحدة من محاضراته (( العلم ما بيخسّرش )) ومن لما سمعت نصيحته وانا طفرانه ههههههههههه امزح @mohamedberika

في ٢٠١٧ رحت الهند مع ابوي الله يحفظه واخذت كورس عن العلاج الحركي لأطفال التوحد هو شيء قريب من موضوع التكامل الحسي لكن بشكل ترفيهي تعليمي اكثر
youtu.be
السفر لهالكورس تعلمت منه اشياء كثير شفت قد ايش الهند حلوه والشعب هناك طيب وراقي وكريم ❤️

اول ماوصلت المطار ضاعت شنطتي وتبهذلت ولما جينا نتعرف على بعض اول يوم وحكيت لهم كم اخصائية جوني ان احنا ساكنين قريب وتعالي اذا تبين نامي عندنا او استخدمي اي غرض من أغراضنا ❤️
وبعد سنين جاتني ام طفل توحد بالسعودية عن طريقهم وكانت محتاجة مساعدة وماتعرف احدوالحمدلله قدرت اخدمها💗

في ٢٠١٨رحت الكويت 🇰🇼 وطن النهار
حضرت مؤتمر الكويت الرابع للطب الطبيعي والتأهيل اذكر من لما جيت اسجل وعرفوا اني سعودية مارضوا ياخذون مني رسوم السجيل😩❤️
حضرت كم ورشة عمل والاستفادة الأكبر اني تعرفت على اخصائيات قمة في الاخلاق والمهنية تعلمت منهم اشياء كثير والى الان أتواصل معهم❤️

بعدها سمعت انا وندى عن كورس مدته ٣ ايّام بالشرقية واذكر تحمست لها اكثر عشان انا وابوي نجرب القطار 🚂
كان مع البروفيسور إيهاب وكنا بس احنا الثنتين علاج وظيفي الكورس كان ممتع وخفيف
تكلم عن تأهيل الاطفال بأنشطة وظيفية واللي هو اساس التخصص 🚂❤️

بقول لكم شيء مهم كونوا متواجدين بمواقع التواصل لانها ممكن تفتح لكم باب على عالم ثاني انتم تجهلونه
عن طريق تويتر كلمتني اختي الكفيفة سحر وعلمتني عن احتياج الاطفال الكفيفين ل #العلاج_الوظيفي وبسببها اخذت كورس برايل واستفدت وكذلك مرضاي ودخلت في قروب امهات معها❤️ @Brailworld1