أيت نوع من أنواع المستثمرين تبغا تكون ؟! ما تعرف ؟!
٥ أنواع .. إذا تبغا تبدأ تستثمر فلوسك ..
تحتاج تعرفهم عشان تعرف اش الطريق اللي تستثمر بيه ..
ما فهمت ؟! .. اقرا معايا التغريدات حتفهم 👇🏻
#الاستثمار_للجميع
٥ أنواع .. إذا تبغا تبدأ تستثمر فلوسك ..
تحتاج تعرفهم عشان تعرف اش الطريق اللي تستثمر بيه ..
ما فهمت ؟! .. اقرا معايا التغريدات حتفهم 👇🏻
#الاستثمار_للجميع
مبدئيا في مواضيع عامة .. أي مستثمر في العالم في أي مجال وبأي طريقة .. لازم يكون ملم بيها .. نسبة الدخل للمصاريف، نسبة الأصول للالتزامات (اتعلمناها في القوائم المالية) .. الضرايب .. متى تشتري ومتى تبيع .. ايش شروط والأحكام حقت كل صفقة .. خبرة ومعرفة في المجال .. وغيرها 🤓
لا تخاف .. اكيد في مصطلحات كثيرة جديدة عليك .. وهذا الشي طبيعي لأننا بنتعلم .. وباذن الله حاحاول اغطي اشياء كثيرة منها حبة حبة .. ونكون كلنا فنانين 💪🏻
موضوعنا اليوم عن أنواع المستثمرين .. اللي لازم تختار تكون واحد منهم حسب وضعك وهدفك .. ٥ أنواع : أساسي، مؤهل، متمرس، داخل، مطلَق .. حتكلم عنهم واحد واحد عشان نفهم ليش لازم نعرفهم وايش الفرق بينهم .. 😁
1️⃣ المستثمر الأساسي : ودا غالبا عنده دخل شهري عالي من مهنته (وظيفة أو عمل حر مهني) .. مدير فرع ، طبيب .. الخ .. طور نفسه في مهنته وصار ياخد راتب شهري عالي نوعا ما .. مشكلته هنا انو ما عنده المعرفة المالية ! عشان كدا لو بدأ استثمار يجيب العيد 🙃
اذا كنت انت من دا النوع .. عندك خيارين .. الأول وهو الأفضل .. انك تبدأ تزيد معرفتك المالية بكل شي يخص عالم الفلوس والاستثمار .. الخيار الثاني .. لو مرة ماعندك وقت .. تخلي معاك مستشار مالي تثق فيه ويقدر يساعدك في قراراتك الاستثمارية 😁
2️⃣ المستثمر المؤهل : وهو اللي عنده شوية خبرة بكيفية التعامل مع أسواق المال المشهورة زي الأسهم .. يقدر يحلل السهم الطالع والسهم النازل .. مشكلته يلعب مع الشركة من الخارج .. يعني يشتري في اسهم ويبيعها بدون فهم عميق عن توقع اسباب الارتفاع او الانخفاض ..
اذا انت هنا .. تحتاج تزيد خبرتك في عالم البزنسس من حولك .. كيف يشتغل ؟! .. ليش كدا سووا .. كيف باعو حصة ؟! .. ليش كبروا بسرعة ؟! .. وتبدأ تربط علاقة الأسهم بأرض الواقع 😁
3️⃣ المستثمر المتمرس : وهنا بدأ يتشكل عنده خبرة جيدة عن الموضوع .. وعنده معرفة مالية عالية .. ويفهم في عالم الاستثمار .. الضراب .. ادارة الشركات .. القوانين .. الخ .. لكنه ما يحب فكرة صناعة الأصول (صناعة البزنس الخاص بيه) ..
مشكلته انو الطريق عشان يصير غني بالنسبة له صعب شوية .. لكنه ممكن .. يحتاج يطور فكرة المغامرة والتعلم من الأخطاء ويقوي قلبه شوي 🤑
4️⃣ المستثمر الداخل : وهذا عنده خبرة جيدة في ادارة البزنس .. ويبدأ استثماراته عن طريق دخوله في صناعة الأصول الخاصة بيه (شركة، منتجات، .. الخ) .. ميزته يبدأ استثمار بكاش بسيط .. لكنه يحتاج يطور معرفته المالية عشان يقدر يدير أصوله بطريقة أفضل 💰
5️⃣ المستثمر المطلق : وهذا يركز على فكرة انو يكون شريك وبعد ما تكبر الشركة يبيع حصته بقيمة أكبر .. فنان في عملية تحليله للسوق ومعرفته المالية تؤهله لتوقع كيف الشركة دي راح تكبر 🤩
في الأخير مافي نوع أفضل أو نوع أهم .. كل واحد من دول عنده طريقته الخاصة في الاستثمار .. لها مزاياها وعيوبها .. اذا عرفت هدفك من الاستثمار .. راح تعرف اي نوع من الانواع راح تكون .. وفي التغريدات القادمة راح أفصل عن كل نوع منهم .. وكيف يتعامل مع الفلوس عشان يصير غني 💪🏻
جاري تحميل الاقتراحات...