ما تتبرعوش عمياني .. عايز تتبرع بدوا ابعت المريض لطبيب تعرفه وقول له الكشف والدوا عليا.. الاستسهال في فعل الخير بيخلي الخير ما يوصلش لاصحابه .. جارة ساكنة جنبنا ونعرفها شخصياً كانت من كام شهر بتلم ٨٠ الف لعلاج مريض سرطان غلبان .. سألتها كام سؤال عرفت انها نصابة، من شهر بس اتفضحِت

طلعت ما سابتش حد من الجيران ما نصبتش عليه، وكل اللي لاموني اني وقفت اشكك فيها وهي بتلم لمريض السرطان وضحايا السيول رجعوا يقولولي كان عندك حق .. الموضوع مش حدس فقط دي حياة طويلة عشتها ساكنة فوق مستشفى بابا وشايفة كل صنوف النصابين، وبعد ده جه شغلي اللي دربني على أسس التقصي والتحقق.