بتكلم عن النوم المتقلب وتجربتي مع برنامج يحسب نومك ويحط المنبه بوقت النوم الخفيف عشان تصحى بوقت مناسب وتكون نشيط وتستفيد من وقتك بشكل افضل..
لي فترة طويلة نومي غير منتظم وارقد متاخر اغلب الايام واقوم وانا بفترة النوم الثقيل ودائما اصحى بوقت غلط باقي فيني نوم وتعب واغلب الوقت ارجع ارقد اذا مافيه دوام. حاولت اغير وقت نومي لكن للاسف نفس الشيء اقوم وانا مجهد حرفيا واضطر ارجع ارقد.
امس بالصدفة طحت على برنامج يحسب النوم وعدة ويسجل الصوت او يستمع طول فترة النوم. سبق وحملت مثل هالبرنامج لكن ما استفدت منه. لكن هذا مختلف حملته وحددت وقت المنبه، ومن البرنامج نفسه وضع رينج او مدى نص ساعة اللي فيه ممكن يرن فيه المنبه عشان اصحى بوقت النوم الخفيف
أمس رحت ارقد متاخر على ١ ونص وعارف أني بصحى بدري عشان عندي محاضرة الساعة ٨ قلت اقوم قبلها اصحصح وارتب نفسي. المهم واحط المنبه على ٦ وربع وطبعا يقول لك خل جوالك على الشاحن ويكون فوق الكمدينة جنب السرير بالضبط
حطيته على الكمدينة اشوف الجوال الا وهو يسجل صوت طلع من هالبرنامج، يسجل مستوى الاصوات ويراقب حركاتك وقت النوم وفيه ميزة اذا كنت تشخر يخلي لك تسجيل وانت تشخر. قبل ما احمل البرنامج حطيت منبه على ٦ الصبح اكثر من واحد ونسيت منه ولحسن الحظ منبه البرنامج ذا رن قبلهم..
- وصحيت وانا نشيط واحب اقول لكم يوم جديد وفلوق يديد 😆✌🏻.
- بكتب هنا تجربتي بالايام الجاية مع هالبرنامج هنا
- حاب اقول لكم حكمة من جيبي "اذا زان نومك زان يومك".
- بكتب هنا تجربتي بالايام الجاية مع هالبرنامج هنا
- حاب اقول لكم حكمة من جيبي "اذا زان نومك زان يومك".
جاري تحميل الاقتراحات...