طيب عشان في ناس أخدت الموضوع بي شخصية شوية.
انا عايز افهمكم نقطة. انا شخصياً مجالي دا الي هو الأسنان ياما قلت وحذرت الناس من انها تخشو او تقراهو وعملت ثريدات عديل في الموضوع.
حاشرح ليكم وجهة نظري الشخصية في الدراسة واختيار التخصص يمكن تقتنعوا ويمكن لا.
انا عايز افهمكم نقطة. انا شخصياً مجالي دا الي هو الأسنان ياما قلت وحذرت الناس من انها تخشو او تقراهو وعملت ثريدات عديل في الموضوع.
حاشرح ليكم وجهة نظري الشخصية في الدراسة واختيار التخصص يمكن تقتنعوا ويمكن لا.
طبعاً في ناس كتير مننا وأولهم أنا ما كان عندنا الشغف بعد ما امتحنا ٣ ثانوي لي اننا نقرا مجال معين.
في ناس مثلاً من هم صغار مهتمين بالتكنولوجيا او التصميم والرسم او الكمبيوتر او الهندسة او بحبوا مواد معينة زي الاحياء وكدا بتخليهم يبدعوا في مجالاتها.
في ناس مثلاً من هم صغار مهتمين بالتكنولوجيا او التصميم والرسم او الكمبيوتر او الهندسة او بحبوا مواد معينة زي الاحياء وكدا بتخليهم يبدعوا في مجالاتها.
يلا ديل تحديداً انا بشوف ما عندهم عوجة في اختيار المجال لانه من بدري عارفين هم عايزين شنو.
ودا الشي الحاصل في اغلب دول العالم، انه بغض النظر عن تخصصك شنو، ممكن في الاخير تعيش حياة كريمة عن طريقه. وبالعكس لو عندك شغف للحاجة دي ممكن تبدع وتبقى ملياردير ومخترع الخ.
ودا الشي الحاصل في اغلب دول العالم، انه بغض النظر عن تخصصك شنو، ممكن في الاخير تعيش حياة كريمة عن طريقه. وبالعكس لو عندك شغف للحاجة دي ممكن تبدع وتبقى ملياردير ومخترع الخ.
لكن لمن نجي للسودان سواء انت كان عندك شغف معين لي مجال ما، او اذا انت كنت زي خلصت الثانوي وما عندك رغبة وما عارف تقرا شنو، فهنا تفكيرك واختيارك يحقق شرطين. اول شي حاجة انت ما عندك مانع تعملها، تاني شي، حاجة مرغوبة في سوق العمل وفيها مجال للتطوير.
يعني بتقدر تترقى فيها وتطلع السلم الوظيفي.
ما حاقول ليك شوف سوق العمل عايز شنو والتخصص العليهو طلب شنو واقراهو وخلاص.. لا شوف المجالات الكويسة شنو بعدين قرر البينفع معاك انت وشايف نفسك فيهو..
ما حاقول ليك شوف سوق العمل عايز شنو والتخصص العليهو طلب شنو واقراهو وخلاص.. لا شوف المجالات الكويسة شنو بعدين قرر البينفع معاك انت وشايف نفسك فيهو..
انا قريت هندسة سنة وشفت روحي فيها وحولت اسنان عشان لمن مشيت مصر قالو لي لو عايز هندسة الا تنتظر السمستر الجاي وانا كنت ضيعت سنة في السودان وما كنت عايز اضيع اكتر. خشيت اسنان وكنت شايف روحي فيها برضو.
واسا مهتم شديد بالبزنس والتسويق وعملت دبلوم بتاع ادارة اعمال ودورات وعايز اعمل ماستر لي قدام ان شاء الله.
العبرة انه مافي مجال واحد بس انت ممكن تشوف نفسك فيهو، ممكن يكون في كم خيار انت تختار منهم مجالك.
العبرة انه مافي مجال واحد بس انت ممكن تشوف نفسك فيهو، ممكن يكون في كم خيار انت تختار منهم مجالك.
الشغف شي كويس لكن فيهو مخاطرة ما كلنا في السودان مستعدين نخوضها.
طيب الشي التاني الحزين في الموضوع انه اولوياتنا وطريقة اختيارنا للمجال بتختلف من ولد لي بت.
طيب الشي التاني الحزين في الموضوع انه اولوياتنا وطريقة اختيارنا للمجال بتختلف من ولد لي بت.
انت كولد -عامة وغالباً-عندك مسؤلييات اكتر، عرس مصاريف ناس بيت الخ. طبعاً ما بيلغي انه في بنات كتار ماسكين بيوت وبيصرفوا على اهلهم. لكن غالباً البت ممكن تعرس وتكون شغالة في الحاجة البتحبها ومرتبها دا مصروف ليها بس لو راجلها مرتاح.
انت كراجل مسؤلياتك كتيرة وما عندك رفاهية انك تنزوج ليك واحدة مرتاحة وترتاح. انت غالباً عليك جزء كبير من العبء وما بتستحمل تخاطر شديد.
فلمن اجي اختار مجال، لازم اعاين لي وضعي المادي. ممكن اكون مرتاح واهلي مرطبين وما محتاج اخت شرط من شروط التخصص انه يكون تخصص فيهو قروش كويسة. ممكن اكتفي بي انه تخصص عاجبني وشايف نفسي فيهو.
اما اذا انت عارف انه اهلك ديل حيصرفوا اخر قروشهم عشان يقروك وتاني على الله وعليك.
اما اذا انت عارف انه اهلك ديل حيصرفوا اخر قروشهم عشان يقروك وتاني على الله وعليك.
هنا لازم تفكر في تخصص يناسب الوضع دا. مثلا تخصص اسنان لي زول زي دا في السودان ما بينفع ليه؟ لانه اسنان ممكن المواد المحتاج تشتريها تكون نص مصاريف جامعتك واضافية عليها.
تاني شي حتقرا ٥ سنين، تنتظرا امتياز ٢-٣ سنين، خدمة سنة ( قالو لغوها) يعني ٧-٩ سنين عشان يادوب تبقى دكتور. بعدها في السودان مافي شغل اصلا للناس وفي ناس عاطلين بالسنين. الخليج عايز خبرة سنتين، السنتين عشان تجيبهم في السودان محتاج تشتغل attachment بدون قروش.
انا بعرف ناس شغالين كدا ليهم ٣ سنين بس عشان ياخدوا خبرة يسافروا. يعني اسا بتتكلم عن ١٠ سنين من ما دخلت الجامعة لحدي ١٢ سنة وانت لسه ما بديت تدخل اي دخل يقدر يساعد اهلك خلي تحقق اهدافك وطموحاتك.
اسنان دي عايزة زول اصلا ما محتاجين منك شي. يعني تقعد تدقش براك وتاكل في بيت ابوك لحدي ما ربنا يفتحها عليك. وقيس على كدا في باقي المجالات.
لازم اختار مجال يناسب حوجتي ووضعي. دا اول شي.
مجال مرغوب وفيهو مجال تطور نفسك وتصعد السلم الوظيفي.
مجال انت شايف نفسك فيهو.
مجال مرغوب وفيهو مجال تطور نفسك وتصعد السلم الوظيفي.
مجال انت شايف نفسك فيهو.
لكن كوني بحب الانجليزي اقرا آداب انجليزي وانا محتاج قروش وعندي احلام وطموحات ومصاريف. دي في وجهة نظري ما حاجة ذكية.
لانه في مجالات كتيرة زي دي في الاخير ناسها بيلقوا نفسهم شغالين بعيد عن مجالهم. وشهادتهم بيبلوها وبيشربوها مويتها.
لانه في مجالات كتيرة زي دي في الاخير ناسها بيلقوا نفسهم شغالين بعيد عن مجالهم. وشهادتهم بيبلوها وبيشربوها مويتها.
وطبعاً في ناس بتبدع في المجالات التانية. واحنا الناس الاتخرجت من التخصصات دي ورفضها سوق العمل، مضطرين نجتهد ونشوف طريقة تانية نحقق بيها العايزينه. لكن انت كزول لسه عايز تختار مجال، انا ما حابخل عليك بي رأيي الانت ممكن تاخدوا في عين الاعتبار او ترميهو البحر. كلوا في يدك.
عايز اي زول قرا لحدي هنا يكتب لينا عن مجاله. مميزات ،مساوئ، فرص عمل، فرص التطور، فرص الاغتراب الخ. وانا بلم الحاجات دي بعدين في ثريد براهو عن كل تخصص من كلامكم بس. فما تبخلوا بي وقتكم وعزوا الشباب ديل💪🏽
جاري تحميل الاقتراحات...