لسا خايف من الاستثمار ؟ تحس فلوسك ممكن تطير ؟!
قلل مخاطر استثماراتك بزيادة معرفتك المالية ..
كيف يعني ؟!
٥ نصايح .. تعال شوف 👇🏻
#الاستثمار_للجميع
قلل مخاطر استثماراتك بزيادة معرفتك المالية ..
كيف يعني ؟!
٥ نصايح .. تعال شوف 👇🏻
#الاستثمار_للجميع
طبيعي الاستثمار فيه مخاطرة .. لكن اتكلمت في تغريدات سابقة ليش الاستثمار حاجة مهي خطر اذا اتجنبنا بعض الأخطاء الهبلة .. وكمان انو ليش رغم المخاطرة نحتاج الاستثمار في حياتنا عشان تزيد فلوسنا .. 🤑
هنا حتكلم عن كيف ممكن انو نحن نقلل خطورة الاستثمار بزيادة معرفتنا عن الأموال واقتصاديات الأشياء .. جاهزين ؟! 💪🏻
1️⃣ لازم تدفع قيمة التعلم .. ولا يجي في بالك انو القيمة اقصد بيها مبلغ مالي معين .. ابدا .. عملة التعلم هنا الوحيدة هي الوقت .. لازم تدفع أوقات من حياتك عشان تتعلم .. 📖
2️⃣ طيب حتقولي ايش اتعلم ؟! .. ببساطة اتعلم البزنس وادارته .. حتقولي ايش دخل ؟! .. برضو ببساطة حقولك .. لو فهمت كيف البزنس يشتغل .. حتبدأ تعرف قرارك بالاستثمار في دا البزنس .. وتوقعات عنه في ممكن يوصل 🤓
طبيعة البزنس .. امكانية توسعه .. ارباحه وخسائره السنوات اللي راحت .. منتجاته الجديدة ومواكبتها للسوق .. كل ما حتكون مطلع اكتر على التفاصيل البزنسية للشركة .. كل ما كانت توقعاتك لنتائج الاستثمار فيها أكبر وأدق 💹
3️⃣ فرق بين الأصول والالتزامات .. ايش يعني ؟! .. فاكرين مصانع الفلوس اللي اتكلمنا عليها أول ؟ مصانع الفلوس دي اذا اخترناها صح حتكون بالنسبالنا أصول .. وأصول يعني شي ثابت .. يدخلك فلوس كل مرة 🏧
بينما لو اخترنا مصنعنا بطريقة غلط .. كدا الموضوع حيتحول إلى التزامات .. التزامات مادية تخلينا نصرف عالمصنع أكثر من اللي بيجيب لنا هو .. يعني لازم تحسبها قبل لا تشتري مصنع الفلوس الخاص بيك .. 💰
4️⃣ تدريجيا اعتمد أكثر على الدخل السلبي ودخل المحفظة اللي شرحناهم أول .. وحاول ما تعتمد على الدخل المباشر اللي يكون من الوظيفة أو المهنة .. لأنو فلوس الدخل المباشر حتروح بدون ما يقعدلك شي منها ! 💸
5️⃣ تعلم قراءة القوائم المالية .. عارف المصطلح يخوف شوية .. المقصود بيها كل ريال كيف وليش ومتى دخل وخرج من الشركة كأنها أشعة البزنس .. دا أهم أهم أهم فرق بين المستثمر الجيد واللي أي كلام .. حتكلم على كيف نقرأ القوائم المالية بالتفصيل في تغريدات ثانية ان شا الله .. شكرا 🙏🏻
جاري تحميل الاقتراحات...