رتبها

سلسله تغريدات لاهم اساسيات لازم تعرفها ببرنامج #مايكروسوفت_تيمز وبعدها امورك تصير تمام👍🏻 صور الشرح من تطبيق الجوال و الاب توب🌝مدلعتكم

اول شي لازم نعرف الوزاره ليه اختارت البرنامج هذا بعيداً عن ان مايكرسوفت هي الخيار الافضل بالتعليم و ان مدرستي مربوطه معه ، هنا بعض الاسباب ✨

١- الامان 🔐
يتمتع تميز بمستويات امان قوية مقارنة بالمنافسين نتيجة لتشفير كامل البيانات بين الطلاب والمعلمين لضمان عدم اختراقها من المتطلفين مثل ما حدث سابقاً مع تطبيق زوم وثغرة دخول مجهولين للمحادثات عبر اكواد عشوائية

٢- المجانية💰
اشتراكهم في هذي الخدمه يتيح خدمات كثير مجانيه للمعلم و الطالب من ضمنها برامج الاوفيس
٣-البساطة وسهولة الاستخدام😍
التطبيق يحتوي على مميزات كثيرة بشكل مبسط وسهل للمستخدم المبتدئ، مما يجعل التواصل بين الطلاب والمعلم اسهل

نبدا الحين شرح ، ركزت على اهم الخيارات وفين تلاقوها ، الخيارات هذي تكفيك لحد ماتسيطر على الوضع و تتأقلم عليه🙏🏻 الصور اللي حاطتها من تطبيق و الاب توب عشان يسهل عليكم الفكره

اول شي تاكد من حصولك على حساب من منصه مدرستي او توكلنا ( ايميل و كلمه مرور) عشان تستخدمه بتسجيل الدخول من التطبيق او المتصفح او برنامج على الاي توب - طلاب الجامعه تقدرو تسخدموه كمان😶

بعد ماتسجل دخول اذا كنت طالب بتلاقي انك مضاف في مجموعات اللي هي الفصول حقتك و المعلم راح يحصل المجموعات هذي او يضيفها عن طريق حسابتهم و اسمائهم اللي تحت اسمه في منصه مدرستي عند الجدول الدراسي يحصل لكل حصه رابط توصله لمايكروسوفت تيم

تقدر تضيف و تتواصل مع اصحابك وتشاركو الملفات عن طريق خيار calls او شات في التطبيق

نجي لا اجمل خاصيه😍الخدمات السحابيه عن طريقها ترفع ملفاتك من اي مكان واي وقت و اهم برامج الاوفيس متوفره فيها

لما يكون في عندي حصه بدت فوق بالشريط بلاقي تنبيه انو في حصه واقدر اختار الانظمام الان ، مجرد مادخل هايعطني نافذه فيها المايك و الكاميرا أتأكد اني قفلته و ادخل للفصل👍🏻✨او تدخل من جدولك في ((منصه مدرستي))

اذا المعلم حاب يبدا الحصه والشرح لازم يدخل من الاب توب مانصح بالتطبيق بهذي الخاصيه ، اتتاكد من الكاميرا والمايك ( يدخل للحصه عن طريق الجدول بمنصه مدرستي ) الطالب برضوا يدخل من منصتي او زي ماقلت فوق يحصل تنبيه🙄

لما تبدا الحصه في عندك خيارات منها اضافه الطلاب او مشاركه رابط الحصه و برضوا تقدر تعرض الدرس عن طريق سهم المشاركه بس تضغطه هايعرض لك الملفات والشاشه اللي حاب تشتركها و سبوره بيضا

خيارات اضافيه اذا تبغى تفتح الكاميرا و تسوي تمويه للخلفيه في حال احد مر من وراك ماتبيه يبان او تغيرها ،
وخيار تسجيل الحصه (النقطه الحمرا)

نفس الخيارات لو دخلت الحصه من التطبيق ( تسجيل - مشاركه شاشه - تمويه الخلفيه لو شغلت الفيديو )
اذا كنت طالب استاذن قبل لاتسجل الدرس✨

باقي خاصيه الواجبات و طريقه رفع الملف اما عن طريق المحادثات للمجموعه المعلم يشاركه لكم او المعلم يروح يرفعه في ملفات المجموعه او عن طريق♦️ (((منصه مدرستي)) التسليم يكون بمدرستي كمان هي الطريقه الرسميه♦️