أبغا أستثمر وأصير غني .. بس بصراحة لسا حاسس اني محتار وضايع .. قد ايش استثمر من فلوسي ؟
طيب أكيد حسألك ليش تبغا تصير غني أول سؤال ؟ عشان الأمان المالي .. ولا الحرية المالية ؟؟
حتقولي ايش الفرق ؟!
اوكي .. الفرق كبير وجوهري .. تمرين بسيط .. تابع معايا 👇🏻
#الاستثمار_للجميع
طيب أكيد حسألك ليش تبغا تصير غني أول سؤال ؟ عشان الأمان المالي .. ولا الحرية المالية ؟؟
حتقولي ايش الفرق ؟!
اوكي .. الفرق كبير وجوهري .. تمرين بسيط .. تابع معايا 👇🏻
#الاستثمار_للجميع
اتكلمت في تغريدات سابقة على الفرق بين الأهداف المالية الثلاثة : الأمان، الراحة، الغنى .. وقلت الفرق بين استثمار الفقراء واستثمار الأغنياء .. إنو الأغنياء علاقتهم بالفلوس كالتالي وبالترتيب : الغنى ثم الراحة ثم الأمان .. لسا مو مقتنع بالفرق بينهم ؟! خلينا نفكر مع بعض شوية 🧠
في التغريدات السابقة أيضا شرحت عن حاجة اسمها "الخطة المالية" .. سويتها ؟! إذا لأ .. ارجع سوي محاولتك الأولى على الأقل .. طيب إذا عملت أول محاولة لك .. ايش حسيت ؟! خليك صادق معايا .. ما حسيت إنك دايما مزنوق وتحاول تقلل مصاريفك عشان يادوب تغطي مصاريف ثانية ؟! 😥
حلو .. طيب ليش هذا صار ؟! .. أنا اقولك ببساطة .. لأنو مازالت خطتك المالية هدفها : "الأمان المالي" .. بمعنى إنك بتحاول قد ما تقدر إنك تعيش بنفس القدر من المال (أو أعلى شوية) بحيث يغطي احتياجاتك الأساسية ! 😬
يعني خطتي غلط ؟ .. خلينا نتخيل شي بسيط .. لو الفلوس اللي حتجيك كانت أكبر شويتين من الوضع الحالي .. أكتب خطة مالية ثانية .. إيش ممكن تعمل بالفلوس ؟! سفر أكثر ؟ سيارة أفخم ؟ .. طيب ممتاز جدا .. كدا إنت عرفت الفرق بين الأمان المالي والراحة المالية !! .. بدأت تقتنع إنو في فرق ؟! 🤑
خلينا ناخد الموضوع كمان خطوة قدام .. تخيل معايا إنك تقدر تعمل فلوس كثيرة جدا جدا .. هل حتكون خايف إنك ما راح تغطي إحتياجاتك الأساسية ؟ .. لأ طبعا .. شفت الفرق .. هنا إنت عرفتك الفرق الجوهري في العملية ✅
كدا وصلنا للهدف وصرت مقتنع ١٠٠٪ إنو الحرية المالية أهم من الأمان المالي .. لأنو باختصار .. الحرية المالية حتوفرلك الأمان والراحة وأكثر .. دورك دحين ترجع تكتب خطة مالية بهدف الأمان، ووحدة بهدف الراحة، ووحدة بهدف الغنى .. وقارن بينهم بالتفصيل .. أيت عجبتك أكثر ؟! 😉
الهدف هنا توضيح الفرق الجوهري بينهم .. خطوة الاقتناع بالفرق من أهم الخطوات اللي تخليك تقدر تاخد قرارات استثمارية بشكل أفضل .. في تغريدات ثانية باذن الله حنشوف تطبيقات عملية لهذا الكلام 💪🏻
جاري تحميل الاقتراحات...