بخصوص جمع القروش والتبرعات من المغتربين السودانيين (بالذات المقييمن في الخليج) لدعم المتضررين من الفيضانات في السودان في تجربتين ناجحات طبقها السودانيين المقييمن في قطر والإمارات في زمن الكورونا وكان نجاحهم باهر. وبتكون طريقتهم كالتالي:
الاتفاق مع مؤسسة مسجلة في البلد المعين وذات سمعة طيبة ومعروفة للجميع عشان يتم فتح حساب رسمي باسم للحملة (مثلاً حملة السودانيين في قطر لدعم المتضررين من الفيضانات، أو حاجة بالشكل دا)، وبعداك يتم الإعلان بصورة حملات إعلامية واسعة عبر مواقع التواصل المختلفة (مع التركيز على الواتسب
لأنه الأكثر انتشاراً) لدعوة جميع الناس للتبرع للحملة. في قطر تم الاتفاق مع مؤسسة قطر الخيرية، وفي الإمارات تم الاتفاق مع الدفاع المدني، في السعودية ممثلاً ممكن يتم الاتفاق مع مركز الملك سلمان للإغاثة.
الميزة بتاعت الطريقة دي أنها بتدي مصداقية عالية للحملة وبتخلي كل الناس تتبرع
الميزة بتاعت الطريقة دي أنها بتدي مصداقية عالية للحملة وبتخلي كل الناس تتبرع
وهي مطمنة أنه قروشهم حتصل بصورة كويسة، وبالتالي حجم التبرعات ممكن يكون عالي جداً. الميزة الثانية أنك بتقدر تصل شريحة من الناس ما بتقدر تصلهم بحمالات التمويل بتاعت الفيسبوك لأنهم ما بعرفوا لموضوع التحويلات الأونلاين دي أو ما بعرفوا شديد يتعاملوا مع الفيسبوك،
لأنه في الطريقة دي المغترب ممكن يحول ليك القروش من أقرب صراف آلي ودي الطريقة الرئيسية البتعاملوا بيها المغتربين السودانيين مع تجار العملة في تحويلاتهم العادية والمستمرة.
كمثال لنجاح الطريقة بالأرقام، هو ما قامت به "الروابط المهنية السودانية ورابطة المرأة في قطر" بالتعاون
كمثال لنجاح الطريقة بالأرقام، هو ما قامت به "الروابط المهنية السودانية ورابطة المرأة في قطر" بالتعاون
مع منظمة "قطر الخيرية" لتوفير 18 وحدة عناية مركزة يمكن أن تخدم 100 ألف مريض سوداني بقيمة 2 مليون ريال قطري. جمع السودانيون المقيمون بقطر هذا المبلغ في أقل من أسبوع مع أن فترة التبرع التي كانت يتوقع أن يكتمل فيها هذا المبلغ هو 4 شهور!
الصعوبة الوحيدة في الطريقة دي أنها ممكن تحتاج تنسيق مع السفارة السودانية في البلد المعين عشان بس إرسال خطاب رسمي بفتح الحساب دا، ودي مفروض تكون عملية ما صعبة شديد، لو الشباب الشغالين في تنظيم التبراعات ديل كانوا مرتبين كويس ومحددين القروش دي حتمشي متين ولمنو بالضبط في السودان.
ربنا يرفع البلاء عن السودان وأهله، اللهم أنهم أهل الكرم والعفو، فأكرمهم بلطفك ورحمتك، آمين يا رب.
جاري تحميل الاقتراحات...