ثريد: أفضل طُرق تنظيم الوقت للطلاب أو لأي شخص وده ينظم وقته
ملاحظة: إذا تحس في أحد بيستفيد من هذا الثريد أنشر هذا الثريد له ❤️
ببدأ الثريد بأفكار ثُم تطبيقات وأدوات تساعدك في هالشي
ملاحظة: إذا تحس في أحد بيستفيد من هذا الثريد أنشر هذا الثريد له ❤️
ببدأ الثريد بأفكار ثُم تطبيقات وأدوات تساعدك في هالشي
من أنت عشان تعلمنا تنظيم الوقت؟
إذا ماتعرفوني فأنا من إنجازاتي التنظيمية العظيمة إن قدرت أمارس عملية الشهيق والزفير لمدة 24 ساعة من أكثر من عشرين سنة ومازلت مستمر بدون انقطاع يوم واحد
هل في تنظيم أكثر من هالتنظيم والإدارة؟
إذا ماتعرفوني فأنا من إنجازاتي التنظيمية العظيمة إن قدرت أمارس عملية الشهيق والزفير لمدة 24 ساعة من أكثر من عشرين سنة ومازلت مستمر بدون انقطاع يوم واحد
هل في تنظيم أكثر من هالتنظيم والإدارة؟
بعيداً عن المزح، في هذي الحياة بتمر عليك أيام وأسابيع من كثرة الأعمال إما تكون منظم وقتك وإما إن بتندهس في وسط زحمة الحياة .. التميز والنجاح فرصتك فيه أكبر إذا نظمت وقتك
مرت علي في دراستي الجامعية أسبوع كان عندي فيه بيوم واحد امتحانين ثقال يفصل بينهم ربع ساعة ومر علي في فصل خمس مواد لڤل الرابع في خمس أيام متتالية ، لولا تنظيم الوقت بعد توفيق الله لما استطعت تجاوزها
بقدم بالتغريدات القادمة طرق ممكن تفيدكم وتذكروا كل شخص مختلف لكن..
بقدم بالتغريدات القادمة طرق ممكن تفيدكم وتذكروا كل شخص مختلف لكن..
لكن لو استفدت طريقة وحدة من العدة طرق اللي انا بحطها تحت فأنت فعلاً استفدت، طريقة وحدة وروتين واحد مهما كان بسيط يمديه يغير حياتك❤️
في أيام الشخص حلو يعيش فيها براحة بدون جدول مزدحم وتنظيم بالدقيقة بينما في أوقات يحتاج الشخص فيها ينظم وقته عدل مثل فترة كثرة البروجكتات وفترة الإمتحانات أو بدأ مشروع
في الفترة المزدحمة عامل نفسك كشخصين ، اعتبر وفكر إن أنت مُدير نفسك، عيش بهالطريقة وبهالتفكير، وكُن مدير حازم ..
حدد هدف أو مجموعة أهداف توصل لها في يومك مثلاً تدرس درس كامل وتسوي رياضة، وحط لك حافز وعقوبة، إذا انتهى اليوم وأنت مخلص كل اهدافك كافئ نفسك وإذا لا فعاقب نفسك وممكن العقاب يكون إن تحرم نفسك من الشي اللي ضيع وقتك في يومك ذي ، وضاعف العقوبة إذا كررت إهمال أهدافك
سواء ودك تحدد وقت تدرس فيه أو ماتحدد وقت كيفك، أهم شي يخلص اليوم أهدافك كلها مخلصها ويفضل يكون عندك سبورة كبيرة تحط فيها أهدافك بحيث اول ماتخلص هدفك اليومي تشخط عليه وتمسحها نهاية اليوم
يمديك عشان تشجع نفسك ماتكتفي بمكافئة نهاية يومك في حال خلصت دروسك ولكن يمديك إن أنت تقسم مهمتك لعدة مهام صغيرة وكل مهمة صغيرة تخلصها تحصل بعدها مكافئة صغيرة
مثلاً الدرس خمسين صفحة تحدد كل عشر صفحات مهمة صغيرة ، فكل عشرة صفحات تكافئ نفسك مكافئة صغيرة واذا خلصتهم كلهم مكافئة كبيرة
مثلاً الدرس خمسين صفحة تحدد كل عشر صفحات مهمة صغيرة ، فكل عشرة صفحات تكافئ نفسك مكافئة صغيرة واذا خلصتهم كلهم مكافئة كبيرة
المكافئات الصغار أبداً ممكن يكونون أشياء بسيطة مثلاً تستخدم تلفونك ربع ساعة وهالشي بيكون قيمته كبيرة لو كنت تدرس ثلاث ساعات ورى بعض ، وكل عشر صفحات تخلصها تستخدم تلفونك ربع ساعة
أو يمدي قطع تشوكلت صغيرة مثلاً جالكسي جواهر كل عشر صفحات وحدة واهلاً بالمتن
اقترحوا افكار أخرى❤️
أو يمدي قطع تشوكلت صغيرة مثلاً جالكسي جواهر كل عشر صفحات وحدة واهلاً بالمتن
اقترحوا افكار أخرى❤️
في تطبيقات عديدة تفيد جداً
ومنها مواقع وتطبيقات باندورا تايمر وهو تايمر فكرته مأخوذة من مؤقت الطماطة القديم
بحيث يقسم دراستك الطويلة لأقسام كل قسم يفصل بينه وبين القسم الثاني بريك
مثلاً بتدرس ثلاث ساعات
يصير ٤٥ دراسة بعدها ١٥ بريك ثم ٤٥ دراسة ثم ١٥ بريك ثم ٤٥ دراسة ثم ١٥
ومنها مواقع وتطبيقات باندورا تايمر وهو تايمر فكرته مأخوذة من مؤقت الطماطة القديم
بحيث يقسم دراستك الطويلة لأقسام كل قسم يفصل بينه وبين القسم الثاني بريك
مثلاً بتدرس ثلاث ساعات
يصير ٤٥ دراسة بعدها ١٥ بريك ثم ٤٥ دراسة ثم ١٥ بريك ثم ٤٥ دراسة ثم ١٥
في وايد تطبيقات بنفس الفكرة مجرد كتبوا باندورا تايمر او استخدموا هالموقع اللي يشتغل بكل أجهزة ومجاني
tomato-timer.com
tomato-timer.com
التطبيق الثاني اللي فعلاً فادني وخلاني اقدر ادرس 357 ساعة لإمتحان واحد بس في أقل من أربعين يوم هو تطبيق فورست وفكرته قوية وايد
بشرح فكرته بالتغريدة الياية
بشرح فكرته بالتغريدة الياية
باختصار يكون عندك مزرعة افتراضية ، وتحط مؤقت ، المؤقت إذا خلص بدون ماتستخدم تلفونك تنزرع شجرة في الحديقة وإذا استخدمت التلفون قبل مايخلص التايمر راح تنزرع لك في حديقتك الافتراضية شجرة ميتة
وبعد كل فترة تركيز يعطونك عملات في التطبيق يمديك تستخدم تزرع شجرة حقيقية!
وبعد كل فترة تركيز يعطونك عملات في التطبيق يمديك تستخدم تزرع شجرة حقيقية!
مهما امدح هالتطبيق فهو اقل من قدره ، تخيل انك تدرس وبنفس الوقت يمديك تزرع شجر حقيقي مجانا بس لازم تخلص فترة تركيزك ، وايد فادني وخلاني اقدر ادرس يوم ما ثمان ساعات بدون توقف بعد توفيق الله
شلون تدرس ثمان ساعات بدون توقف بتركيز.. بشرحه بثريدي القادم اللي عن طرق الدراسة
شلون تدرس ثمان ساعات بدون توقف بتركيز.. بشرحه بثريدي القادم اللي عن طرق الدراسة
المُهم في مليون تطبيق يمديك تحط فيهم أهدافك لكن في تطبيق يعجبني فكرته لان فيها Gamification ، بحيث يعطيك شخصية في لعبة وتحط مهماتك اليومية واذا سويت مهماتك اليومية تقوى شخصيتك ويمديك تسوي مهمات بشخصيتك وتقاتل وحوش وتجمع فلوس وتشتري ثياب لشخصيك ، اسمها Habitica
الحلو في التطبيق يمديك تسوي مجموعة وتضيف شخصيتك وشخصيات ربعك وتقاتلون وحوش مع بعض، الوحش تغلبونه اذا كلكم سويتوا مهمات يومكم ويضربكم إذا واحد منكم ماسواها، فبيصير كل واحد يشجع ويحمس الثاني يخلص مهماته عشان يمديكم تنتصرون عليه
تنظيم الوقت مُهم صح بس حاسب يكون جدولك وايد محدد ومو مرن لأن الجدول اللي جامد صعب تلتزم فيه لكن جدول تحدد فيه أهداف وعندك اليوم كامل تسويهم أي وقت فيه أفضل وأريح وتوصل لنفس نتيجة ..
تنظيم الوقت مهم صح ولكن شلون تحصل أعلى فايدة من كل ساعة في وقتك اثناء الدراسة فأهني لازم تكون تدرس صح
جم مرة سمعت عن واحد درس عشر ساعات وزفت بينما شخص بساعات أقل يتفوق .. صح الذكاء يفرق لكن طريقة الدراسة دورها مهم بعد وايد اكثر مما تتصور
وبشرح شلون الشخص يدرس بذكاء ويستغل وقته صح في الثريد القادم يوم آخر اللي بيكون عن طريقة الدراسة بحيث تكون عرفت شلون تدرس صح
وبشرح شلون الشخص يدرس بذكاء ويستغل وقته صح في الثريد القادم يوم آخر اللي بيكون عن طريقة الدراسة بحيث تكون عرفت شلون تدرس صح
أنا عطيتكم طرق ممكن تفيدكم لكن تأكد مافي أحد يمديه يسوي لك أكثر من إن يعطيك طرق تفيدك في تنظيم وقت لأن تنظيم الوقت ينبع منك شخصياً ، إذا عندك مليون طريقة لتنظيم الوقت وماطبقتها مافي فايدة ، شوف شنو يناسبك وسوه
إذا تحس الثريد فادك سو له ريتويت وإذا مافادك سو لي بلوك وارفع علي قضية لأني ضيعت وقتك في ثريد الهدف منه إن يرتب وقتك ، وشكراً
صح لا انسى ، في ناس تتحمس وتبدأ مباشرة بمليون هدف ، الأفضل إن تحط لك هدف واحد ثم كل اسبوع تضيف هدف، بحيث تتعود على شي سهل ثم تضيف شي غيره، وحاول الهدف نفسه يكون شي قادر عليه وزيده مع الوقت مثلاً حط الهدف عشر صفحات يومياً ثم الاسبوع اللي بعده سوه عشرين وبعده ثلاثين وهكذا وشكراً
رتبها @Rattibha
جاري تحميل الاقتراحات...