#نبيهم_عشرة
بخاطري كلام ودي أقوله ، وإن شاء الله يوصل مثل ماهو في خاطري، بصراحة كلنا متكدرين على وضع الديرة والفساد المستشري في مؤسساتها فماله داعي أشرحه، وكل الناس اللي ماتوصخت بالفساد متألمة، ومنقسمة بين محبط مقاطع ما يبي يصوت ، وبين محارب متمسك لآخر رمق بالكويت الدستورية
بخاطري كلام ودي أقوله ، وإن شاء الله يوصل مثل ماهو في خاطري، بصراحة كلنا متكدرين على وضع الديرة والفساد المستشري في مؤسساتها فماله داعي أشرحه، وكل الناس اللي ماتوصخت بالفساد متألمة، ومنقسمة بين محبط مقاطع ما يبي يصوت ، وبين محارب متمسك لآخر رمق بالكويت الدستورية
اللي مقاطع ومحبط مانلومه، لأن اللي صاير مو شوية وبنقدّر انعزاله، لكن المحارب اللي وده يصلّح لو شوي -وأنا منهم- لازم مانحارب فرادى، ندري نظام الصوت الواحد مخرجاته تعيسة، لكن نقدر نوجهه بطريقة مختلفة إذا قررنا نتحرّك بروح وحدة.
#نبيهم_عشرة هي فكرة ودي أطرحها وشاركوني برايكم فيها
#نبيهم_عشرة هي فكرة ودي أطرحها وشاركوني برايكم فيها
#نبيهم_عشرة هي إن كل شباب الدائرة الوحدة يتحدون مع بعض بتحديد قائمة من ١٠ مرشحين ، ويعيدون توزيع الأصوات بحيث يضمنون نجاح العشرة بدال واحد. نعم الموضوع مو سهل وتعتقدون إنه ضرب من الخيال لكنه حل واقعي وسهل وسريع إذا قررنا ننفذه. خلونا نتخيل مع بعض..
دائرة يفوز فيها مرشح محترم ب٤٠٠٠ صوت بالمركز الاول ويسقط فيها مرشح آخر محترم ب١٧٠٠ صوت ، نقدرّ نفوّز هالاثنين مع بعض، اذا عدنا توجيه الأصوات بطريقة احصائية صحيحة. مرشحك اللي بيفوز بيكون له صوت واحد بأي قانون (يعني ماله وزن) بينما مخرجات #نبيهم_عشرة فرصة تعطيك ثقل تعدّل من خلاله
حتى لو هالعشرة مو كلهم ١٠٠٪ مثل توجهك، لكن خلونا نعدّ قوائم محترمة في كل دائرة، ونشتغل نرفع عشرة مع بعض، ونجرب النتايج. أنا فعلاً ماني قادرة أقاطع خايفة أترك الحق السياسي في الاختيار، كلما شفت الفرعيات اتأزم، لأن مخرجاتها نوّاب تخليص معاملات، والله ماعرف شكله ولا قط شفته بالمجلس
لكنه يفوز بأرقام خيالية لأنه يمشي أمور اللي صوتوا له من غير وجه حق، كل شي صار محاصصة وغوترة . إذا قريت الثريد كامل وعندك وجهة نظر في الموضوع شاركنا ...الكويت ماتستاهل نتركها تضيع. #نبيهم_عشرة وهالعشرة يصيرون خمسين، وإذا انكسرت المويت لازم نصّلحها احنا أهلها، مالازم نتركها ونرميها
@Rattibha رتب
جاري تحميل الاقتراحات...