ثريد وحش ومش هيعجب حد عن موسيقي الاندرجراوند بس انا بحبهم فهكتبه 😂😂😂😂
الاندرجراوند هو نوع موسيقي ظهر في الستينات هدفه ان الموسيقي تبقي بعيدة عن سيطرة الانتاج وتحكماته والسياسة واتجاهاتها فرق مستقلة بتغني في المترو الشوارع الهناجر القديمة او اي مكان مش مشروط بتحكمات الكبار 🙈
فرق الاندرجراوند في مصر ظهرت في التسعينات ودة مش معناه ان مكانش في فرق مستقلة قبلهم لكن الفرق قبلهم كانت فرق موسيقية بتقدم موسيقي مختلفة بس ليها دعم وانتاج واغاني مصورة زي المصريين او الاصدقاء وغيرهم
اول فرق تتصنف انها اندرجراوند في مصر كانت وسط البلد بدأوا ١٩٩٩ وغنوا اغاني مختلفة عن التقليدي بس الشهرة مجاتلهمش غير بعدها بسنين لنا ظهروا في فيلم عودة للندلة ٢٠٠٦ وبعدها عملوا اول البوم ٢٠٠٧
انفجار اغاني الاندرجراوند كان مع الثورة في ٢٠١١ لما الشباب حسوا ان الاغاني العادية ما بتمثلهمش كايروكي فرقة بدأت من ٢٠٠٣ بس كلامهم اللي كله سياسة محققوش انتشار مع الثورة ظهرت اغاني ليهم زي صوت الحرية ومطلوب رئيس
من اكتر فرق الانرجراوند اللي بحبها مسار إجباري فرقة اسكندرانية بدأوا في ٢٠٠٥ شاركوا في فيلم ميكرفون ٢٠١١ واللي كان بيتكلم عن الموسيقي المستقلة
Listen to ماتحاسبش - مسار إجبارى ٢٠١٨ by Bishoy Emad on #SoundCloud
soundcloud.com
Listen to ماتحاسبش - مسار إجبارى ٢٠١٨ by Bishoy Emad on #SoundCloud
soundcloud.com
يمكن من اكتر فرق الاندرجراوند اللي انتشرت ايام الثورة واختفت تقريبا بعدها عمدان النور اللي معظم اغانيهم كانت سياسة وفلسفة بس انا بحبهم جدا بشكل شخصي واتمني اسمعهم تاني
Listen to مسارح وسيما عمدان النور - Gazaga band by Gazaga - عمدان النور on #SoundCloud
soundcloud.com
Listen to مسارح وسيما عمدان النور - Gazaga band by Gazaga - عمدان النور on #SoundCloud
soundcloud.com
شارموفرز كانت من الفرق الي ظهرت بعد الثورة ٢٠١٢ وبدأوا بالانجلش مش بالعربي والسرعة الي بيغنوا بيها والكلمات الغير تقليدية بتخليهم من اكتر الفرق اللي مش مفهومة للكبار واغانيهم بتناقش ظواهر المجتمع الحب والوحدة وحتي التحرش
الاندرجراوند مش بس فرق في مغنين كتير ليهم نفس التصنيف يمكن اقدم حد يتصنف اندرجراوند هو الشيخ إمام واحمد فؤاد نجم اغاني سياسة وممنوعة وشعبية بين الشباب وجمهور كبير وظز في الانتاج وسمعان الكلام رغم الحانهم الشرقية بجدارة إلا انهم اكيد اندرجراوند واللي عاوز يعاركني يعاركني 😂😂😂
مطربين ومطربات الاندرجراوند في مصر كتير بس اقربهم لقلبي يسرا الهواري عازفة الاكورديون اللي بتنشر البهجة
Listen to يسرا الهوّاري - ببتسم | Youssra El Hawary - Babtesem (كامله) by Eslam Hamdy207 on #SoundCloud
soundcloud.com
Listen to يسرا الهوّاري - ببتسم | Youssra El Hawary - Babtesem (كامله) by Eslam Hamdy207 on #SoundCloud
soundcloud.com
ناس كتير بتصنف دينا الوديدي ودنيا مسعود انهم ضمن موسيقي الاندرجراوند ولو اني بعترض علي دة حاليا لانهم هما الاتنين بيحاولوا يعيدوا احياء اغاني تراثية كتير زي السيرة لكن دة ما يمنعش اننا نقدملهم الحب ونسمعهم ايا كان تصنيفهم 💙💙💙
دينا الوديدي اتشهرت في فترة الثورة ويمكن دي كانت اشهر اغاني الفترة دي ليها
Listen to دينا الوديدي - أدين بدين الجدعنة by A.Nour Eldeen on #SoundCloud
soundcloud.com
Listen to دينا الوديدي - أدين بدين الجدعنة by A.Nour Eldeen on #SoundCloud
soundcloud.com
Listen to Mesh Mohem - Donia Massoud مش مهم - دنيا مسعود by Tamer AG تامر أبو غزالة on #SoundCloud
soundcloud.com
soundcloud.com
موسيقي الاندرجراوند مش بس اتكلمت عن السياسة والثورة اتكلمت عن الست في مجتمعنا من منظور مختلف عن حقها في الحياة والسعادة واحيانا عن الاتنين في نفس الوقت زي فيروز كراوية البورسعيدية الجميلة
يمكن كمان من المغنيات اللي غنوا بشكل مختلف لصورة البنات في مجتمعنا اللطيف مريم صالح 💙
Listen to العُرس..دينآ الوديدي,,مريم صآلح by Yasmina.... on #SoundCloud
soundcloud.com
Listen to العُرس..دينآ الوديدي,,مريم صآلح by Yasmina.... on #SoundCloud
soundcloud.com
مش معقول نتكلم عن الاندرجراوند من غير ما نتكلم عن فنانين كبار اتجهوا للاندرجراوند بالذات في فترة الثورة يمكن اشهرهم عايدة الايوبي اللي غنت يا الميدان مع كايروكي
Listen to يا الميدان عايدة الايوبي و كايروكي by Yousef Ashraf Tohamy on #SoundCloud
soundcloud.com
Listen to يا الميدان عايدة الايوبي و كايروكي by Yousef Ashraf Tohamy on #SoundCloud
soundcloud.com
طبعا في فرق تانية كتير زي اسكندريلا وبساطة وجاوي والمغني خانة وليل وعين ودول كلهم فرق مصرية كلهم يستحقوا كل واحد فيهم ثريد مستقل 💙💙💙💙💙💙
البلاي ليست دي هتلاقوا فيها اغاني لطيفة لكل فرق ومطربين الاندرجراوند تقريبا
Listen to underground by on #SoundCloud
soundcloud.com
Listen to underground by on #SoundCloud
soundcloud.com
اتسالت ازاي تكتبي ثريد طويل عريض عن الاندرجراوند وما تكتبش عن بلاك تيما اعترف هيا قلة أدب مني الصراحة بس يمكن لان هما مش اندرجراوند بس هما كمان احياء للفن النوبي بشكل لطيف ومودرن محتاجين ثريد لوحدهم هما وكل اللي بيحيوا التراث 💙💙💙
جاري تحميل الاقتراحات...