رتبها

#صوره_من_مصر 🇪🇬😍
المنيا❤️
عروس الصعيد الوحيده اللي عامله نفسها هوليوود 😄 وحقها محدش يقدر يكلم 😍
ثالث اكبر محافظه من حيث الاثار وعلي الرغم من كده مظلومه اعلاميا

يرجع اصل التسميه الي اللغه القبطيه( منه) بكسر الميم وتعني منزل وحرفت فيما بعد حتي وصلت اللي لفظ (منيا)

المنياويه بيتفشخروا بالكورنيش بتاعهم احلي واطول واكبر كورنيش في مصر 👌🏆 حقهم برضو 😄

ممكن تحس للحظه انك في لندن لكن الحقيقيه دي المنيا 😍

بلد هاديه ونضيفه ورخيصه جدا عدد سكانها حوالي ٦مليون مواطن
اصغر ما فيهم راجل بمعني الكلمه حتي لو الاهل مقتدرين ماليا تلاقي الولد بيشتغل من وهو صغير ✌️💪

المنيا تراث حضاري تقيل جدا و اهلها شاطريين جدا صعب تلاقي حد من المنيا مش شاطر او مش بتاع شغل 👌

اهلا بكم في المنيا... وه وه وه وه 😍

كتير اوووي ميعرفش ان فيلم دعاء الكروان اتصور في المنيا في منزل طه حسين عميد الادب العربي
وين هناااادي يا ماااي 😁

دعاء الكروان فيلم رشح مصر للحصول علي الاوسكار من افضل ١٠٠ فيلم في تاريخ السينما المصريه

في القاهره فاكرين ان المنياويه او الصعايده عموما بيغمسوا الايس الكريم بالعيش وان القاهره احلي من المنيا لكن الحقيقه هي العكس المنياويه خصوصا والصعايده عموما بيشوفوا القاهره والجيزه بلد مش حلوه ودوشه وزحمه وبلدهم احلي 👌❤️❤️❤️

مستشفى التامين الصحي في المنيا كله بالمجان
اي حد من القاهره يعدي الحته دي عشان مينتحرش 😂

اشطات حلويات عسليات 😍❤️❤️

نضيفه جدا وحلوه زي ناسها 😍😍

انا لو وزيره اثار مش هدخل اي سائح مصر غير لما يروح المنيا 😎
ببساطه من هنا في مقابر بني حسن تعلمت الانسانيه الفنون الرياضيه وكثير من الصناعات التي يتفاخر العالم بها الان وهي اصلها مصري 👌👏

منطقه بني حسن بها مقابر حكام الاقليم ١٦ (اقليم الغزال) في مصر القديمه وتعتبر من اهم مناطق الاثار لتسجيلها لكثير من مشاهد الحياه اليوميه للمصري القديم

المصريين المنياويه علموا العالم منذ اكثر من ٥٠٠٠ عام الرياضه... رياضه الهوكي مصريه والمصارعه اصلها مصري السلم الموسيقى اصله مصري... ايوه زيمبئولك كده 😃

جانب من زياره عبدالرحمن شعلان بطل العالم في رياضه السومو باليابان الي منطقه اثار بني حسن وكان معه عدد من وسائل الاعلام اليباني والتلفزيون الرسمي باليابان
بحب الناس الذكيه وصل رسالته بنتهي الاحترافيه 😍❤️❤️❤️
ايوه من هنا العالم كله عرف اصل رياضه المصارعه 👌